ಕೇರಳಕ್ಕೆ ಬರಲಿದೆ ಡಬಲ್ ಡೆಕ್ಕರ್ ರೈಲು: ಪ್ರಾಯೋಗಿಕ ಸೇವೆ ಆರಂಭ

                   ಕೊಲ್ಲಂಗೋಡು: ಕೇರಳಕ್ಕೆ ಡಬಲ್ ಡೆಕ್ಕರ್ ರೈಲು ಬರಲಿದೆ. ಪಾಲಕ್ಕಾಡ್-ಪೆÇಲ್ಲಾಚಿ-ಕೊಯಮತ್ತೂರು ರೈಲು ಮಾರ್ಗದಲ್ಲಿ ಇಂದು ಡಬಲ್ ಡೆಕ್ಕರ್ ರೈಲು ಸಂಚರಿಸಿತು. 

                 ಪ್ರಸ್ತುತ ಬೆಂಗಳೂರು-ಕೊಯಮತ್ತೂರು ಮಾರ್ಗದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಉದಯ್ ಡಬಲ್ ಡೆಕ್ಕರ್ ರೈಲು ಕೊಯಮತ್ತೂರಿನಿಂದ ಪೆÇಲ್ಲಾಚಿ ಮೂಲಕ ಪಾಲಕ್ಕಾಡ್ ಜಂಕ್ಷನ್‍ಗೆ ವಿಸ್ತರಣೆಯ ಭಾಗವಾಗಿ ಪ್ರಾಯೋಗಿಕ ಚಾಲನೆಯನ್ನು ನಡೆಸುತ್ತಿದೆ.

             ಕೊಯಮತ್ತೂರಿನಿಂದ ಬೆಳಿಗ್ಗೆ 8 ಗಂಟೆಗೆ ಹೊರಡುವ ಉದಯ ಎಕ್ಸ್‍ಪ್ರೆಸ್ (ಸಂಖ್ಯೆ 22665/66) ಪಾಲಕ್ಕಾಡ್ ಟೌನ್ ನಿಲ್ದಾಣವನ್ನು 10.45 ಕ್ಕೆ ಮತ್ತು ಪಾಲಕ್ಕಾಡ್ ಜಂಕ್ಷನ್ ಅನ್ನು 11.05 ಕ್ಕೆ ತಲುಪುತ್ತದೆ. ರಾತ್ರಿ 11.55ಕ್ಕೆ ಹಿಂತಿರುಗುವ ಸೇವೆಯು ಮಧ್ಯಾಹ್ನ 2.20ಕ್ಕೆ ಕೊಯಮತ್ತೂರು ತಲುಪಿದ ನಂತರ ಪ್ರಾಯೋಗಿಕ ಸಂಚಾರ ಪೂರ್ಣಗೊಳ್ಳಲಿದೆ.

            ಉದಯ್ ಎಕ್ಸ್‍ಪ್ರೆಸ್ ಕೊಯಮತ್ತೂರಿನಿಂದ ಬೆಂಗಳೂರಿಗೆ 432 ಕಿಮೀ ದೂರದ ಸೇವೆಯನ್ನು ನಿರ್ವಹಿಸುತ್ತದೆ. ಈ ರೈಲು ಕರ್ನಾಟಕ, ಆಂಧ್ರಪ್ರದೇಶ ಮತ್ತು ತಮಿಳುನಾಡು ರಾಜ್ಯಗಳ ಮೂಲಕ ಹಾದುಹೋಗುತ್ತದೆ ಮತ್ತು ಕೊಯಮತ್ತೂರು ಉತ್ತರ, ತಿರುಪುರ್, ಈರೋಡ್, ಸೇಲಂ, ತಿರುಪತ್ತೂರ್, ಕುಪ್ಪಂ, ಕೆಆರ್ ಪುರಂ ಮತ್ತು ಬೆಂಗಳೂರು ನಗರ ಸೇರಿದಂತೆ  9 ನಿಲ್ದಾಣಗಳನ್ನು ಹೊಂದಿದೆ.