ಕಣ್ಣೂರು: ಕಣ್ಣೂರು ವಿಶ್ವವಿದ್ಯಾನಿಲಯದ ಸೆನೆಟ್‍ಗೆ ಮಾಧ್ಯಮ ಕಾರ್ಯಕರ್ತರ ಪ್ರತಿನಿಧಿಯಾಗಿ ಜನ್ಮಭೂಮಿ ಕೋಯಿಕ್ಕೋಡ್ ಬ್ಯೂರೋ ಮುಖ್ಯಸ್ಥ ಯು.ಪಿ. ಸಂತೋಷ್ ಅವರನ್ನು ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ನಾಮನಿರ್ದೇಶನ ಮಾಡಿದ್ದಾರೆ. ಯು.ಪಿ.ಸಂತೋಷ್ ತಪಸ್ಯ ಕಲಾಸಾಹಿತ್ಯ ವೇದಿಕೆಯ ರಾಜ್ಯ ಉಪಾಧ್ಯಕ್ಷರೂ ಹೌದು.
ಕಣ್ಣೂರಿನವರಾದ ಸಂತೋಷ್ 29 ವರ್ಷಗಳಿಂದ ಮಾಧ್ಯಮ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಕೇರಳ ಕೌಮುದಿ ಮತ್ತು ಜನಂ ಟಿವಿಯಲ್ಲಿಯೂ ಕೆಲಸ ಮಾಡಿದ್ದಾರೆ.
ಕೇರಳ ಮಾಧ್ಯಮ ಅಕಾಡೆಮಿಯ ವಿ. ಕರುಣಾಕರನ್ ನಂಬಿಯಾರ್ ಪ್ರಶಸ್ತಿ, ಕ್ಯಾಲಿಕಟ್ ಪ್ರೆಸ್ ಕ್ಲಬ್ ನ ಕೆ.ಸಿ. ಮಾಧವ ಕುರುಪ್ ಪ್ರಶಸ್ತಿ, ಲಖನೌ ಬಿ.ಡಿ. ದೇವಸ್ ಸೇವಾನ್ಯಾಸ್ ನ ಪಿ.ಎನ್. ಮಿಶ್ರಾ ಪ್ರಶಸ್ತಿಯಿಂದ ಆರಂಭಿಸಿ ಮಾಧ್ಯಮ ಕ್ಷೇತ್ರದಲ್ಲಿ ಹಲವು ಪ್ರಶಸ್ತಿಗಳನ್ನು ಪಡೆದಿದ್ದಾರೆ.
ಅವರು ಕೇಂದ್ರ ಸಂಸ್ಕøತಿ ಇಲಾಖೆಯಿಂದ ಜೂನಿಯರ್ ಮತ್ತು ಸೀನಿಯರ್ ಫೆಲೋಶಿಪ್ ಮತ್ತು ದಕ್ಷಿಣ ವಲಯದ ಸಾಂಸ್ಕೃತಿಕ ಕೇಂದ್ರದಿಂದ ಠಾಗೋರ್ ರಾಷ್ಟ್ರೀಯ ಸಂಶೋಧನಾ ವಿದ್ಯಾರ್ಥಿವೇತನವನ್ನು ತಮ್ಮ ತೈಯ್ಯಂ ಕುರಿತಾದ ಸಂಶೋಧನೆಗಾಗಿ ಪಡೆದಿದ್ದಾರೆ. ತೆಯ್ಯಂ ಕುರಿತು ನಿರ್ಮಿಸಲಾದ ಸಾಕ್ಷ್ಯಚಿತ್ರವೂ ಪ್ರಶಸ್ತಿಗಳನ್ನು ಪಡೆದಿದೆ. ತೀಯ ಸಮಾಜದ ಬಗ್ಗೆ ಎರಡು ಪುಸ್ತಕಗಳನ್ನು ಬರೆದಿದ್ದಾರೆ. ಅವರು ಚಲನಚಿತ್ರ ಸೆನ್ಸಾರ್ ಮಂಡಳಿಯ ಸದಸ್ಯರಾಗಿದ್ದರು.
ಜನ್ಮಭೂಮಿ ಸುದ್ದಿ ಸಂಪಾದಕ ಪಿ ಶ್ರೀಕುಮಾರ್ ಅವರನ್ನು ರಾಜ್ಯಪಾಲರು ಕೇರಳ ವಿಶ್ವವಿದ್ಯಾಲಯಕ್ಕೆ ಈ ಹಿಂದೆ ಶಿಫಾರಸು ಮಾಡಿದ್ದರು.
DOCTYPE html>
