ಭಾರತ-ಫ್ರಾನ್ಸ್‌ ಸೇನಾ ಜಂಟಿ ಸಮರಾಭ್ಯಾಸ

            ನವದೆಹಲಿ: ಭಾರತ ಮತ್ತು ಫ್ರಾನ್ಸ್‌ ನಡುವಿನ ಜಂಟಿ ಸೇನಾ ಸಮರಾಭ್ಯಾಸವು ಸೋಮವಾರ ಮೇಘಾಲಯದಲ್ಲಿ ಆರಂಭಗೊಂಡಿತು. ಇದು ಉಭಯ ದೇಶಗಳ ಸೇನಾ ಸಾಮರ್ಥ್ಯವನ್ನು ಹೆಚ್ಚಿಸುವ ಗುರಿ ಹೊಂದಿದೆ ಎಂದು ರಕ್ಷಣಾ ಸಚಿವಾಲಯ ತಿಳಿಸಿದೆ.

            ಸೇನಾ ಜಂಟಿ ಸಮರಾಭ್ಯಾಸವು ಉಭಯ ರಾಷ್ಟ್ರಗಳ ನಡುವಿನ ರಕ್ಷಣಾ ಸಹಕಾರದ ಮಟ್ಟವನ್ನು ಹೆಚ್ಚಿಸಲು ಮತ್ತು ದ್ವಿಪಕ್ಷೀಯ ಬಾಂಧವ್ಯವೃದ್ಧಿಗೆ ಸಹಕಾರಿಯಾಗಲಿದೆ.

                ಮೇ 13ರಿಂದ 26ರವರೆಗೆ ಎರಡೂ ರಾಷ್ಟ್ರಗಳ ನಡುವೆ ನಡೆಯಲಿರುವ 'ಶಕ್ತಿ' ಜಂಟಿ ಸಮರಾಭ್ಯಾಸವು, ಉಭಯ ದೇಶಗಳು ನಡೆಸುವ ಕಾರ್ಯಾಚರಣೆಯ ಅತ್ಯುನ್ನತ ತಂತ್ರಗಾರಿಕೆ, ಕಾರ್ಯವಿಧಾನಗಳಲ್ಲಿ ತಮ್ಮ ಕೌಶಲಗಳನ್ನು ಹಂಚಿಕೊಳ್ಳಲು ಅನುವು ಮಾಡಿಕೊಡಲಿದೆ ಎಂದು ರಕ್ಷಣಾ ಸಚಿವಾಲಯವು ಹೇಳಿಕೆಯಲ್ಲಿ ತಿಳಿಸಿದೆ.