ಶುದ್ಧ ನೀರಿನ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳುವುದು ಜಾಗತಿಕ ಸವಾಲು: ತಜ್ಞರು

                     ಕೊಟ್ಟಾಯಂ: ಸುಸ್ಥಿರ ಜಲಸಂಪನ್ಮೂಲ ಸಂರಕ್ಷಣೆಗೆ ಉಪಯುಕ್ತವಾದ ಹೊಸ ಪರಿಕಲ್ಪನೆಗಳು ಮತ್ತು ತಂತ್ರಜ್ಞಾನಗಳ ಗುರಿಯನ್ನು ಹೊಂದಿರುವ ಅಧ್ಯಯನಗಳಿಗೆ ಸಂಶೋಧಕರು ಆದ್ಯತೆ ನೀಡಬೇಕು ಎಂದು ಮಹಾತ್ಮ ಗಾಂಧಿ ವಿಶ್ವವಿದ್ಯಾಲಯದಲ್ಲಿ ನಡೆದ ಅಂತರರಾಷ್ಟ್ರೀಯ ಸಮ್ಮೇಳನವು ಸಲಹೆ ನೀಡಿದೆ.

                 ಶುದ್ಧ ನೀರಿನ ಲಭ್ಯತೆಯನ್ನು ಖಚಿತಪಡಿಸಿಕೊಳ್ಳುವುದು ಜಾಗತಿಕವಾಗಿ ದೊಡ್ಡ ಸವಾಲಾಗಿ ಪರಿಣಮಿಸುತ್ತಿದೆ ಎಂದು ಜಲಶುದ್ಧೀಕರಣ ಮತ್ತು ಜಲಸಂಪನ್ಮೂಲ ಸಂರಕ್ಷಣೆ ಕುರಿತ ಸಮ್ಮೇಳನದಲ್ಲಿ ಭಾಗವಹಿಸಿದ್ದ ತಜ್ಞರು ಗಮನ ಸೆಳೆದರು. 

                  ಉಪಕುಲಪತಿ  ಡಾ.ಸಿ.ಟಿ.ಅರವಿಂದಕುಮಾರ್ ಕಾರ್ಯಕ್ರಮ ಉದ್ಘಾಟಿಸಿದರು. ವಿಶ್ವವಿದ್ಯಾನಿಲಯದ ಇಂಟನ್ರ್ಯಾಷನಲ್ ಮತ್ತು ಇಂಟರ್-ಯೂನಿವರ್ಸಿಟಿ ಸೆಂಟರ್ ಫಾರ್ ನ್ಯಾನೊಸೈನ್ಸ್ ಮತ್ತು ನ್ಯಾನೊಟೆಕ್ನಾಲಜಿ, ಸ್ಕೂಲ್ ಆಫ್ ಎನರ್ಜಿ ಮೆಟೀರಿಯಲ್ಸ್, ಲುಂಡ್ ಯೂನಿವರ್ಸಿಟಿ, ಸ್ವೀಡನ್ ಮತ್ತು ನ್ಯಾಷನಲ್ ರಿಸರ್ಚ್ ಸೆಂಟರ್, ಈಜಿಪ್ಟ್ ಜಂಟಿಯಾಗಿ ಈ ಕಾರ್ಯಾಗಾರವನ್ನು ಆಯೋಜಿಸಿತ್ತು. 

                   ನೀರಿನ ಶುದ್ಧೀಕರಣಕ್ಕಾಗಿ ಬಳಸುವ ಮಾದರಿಗಳ ಸಂಗ್ರಹಾಲಯಗಳನ್ನು ಸಿದ್ಧಪಡಿಸಲು ವಿವಿಧ ವೈಜ್ಞಾನಿಕ ಕ್ಷೇತ್ರಗಳು ನಡೆಸಿದ ಸಂಶೋಧನೆಯ ವಿವರಗಳನ್ನು ಸಮ್ಮೇಳನವು ವಿವರಿಸಿತು. ಲುಂಡ್ ವಿಶ್ವವಿದ್ಯಾಲಯದ ಪ್ರೊ. ಫ್ಯಾಂಕ್ ಲಿಪ್ನಿಸ್ಕಿ, ಈಜಿಪ್ಟ್‍ನಿಂದ ಪ್ರೊ. ಮಾರ್ವಾ ಶಲಾಬಿ, ಐಐಯುಸಿಎನ್.ಎನ್. ನಿರ್ದೇಶಕ ಪ್ರೊ. ಸಾಬು ಥಾಮಸ್ ನೇರವಾಗಿ ಮತ್ತು ಆನ್‍ಲೈನ್‍ನಲ್ಲಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.