ಪ್ರಧಾನಿ ಮೋದಿ ಭಾಷಣಕ್ಕೆ ವಿಪಕ್ಷಗಳ ಖಂಡನೆ

 ನವದೆಹಲಿ: ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಪ್ರಧಾನಿ ನರೇಂದ್ರ ಮೋದಿ ಮಾಡಿರುವ ಭಾಷಣವನ್ನು ಕಾಂಗ್ರೆಸ್‌ ಸೇರಿದಂತೆ ವಿರೋಧ ಪಕ್ಷಗಳು ಗುರುವಾರ ಖಂಡಿಸಿವೆ.

'ಪ್ರಧಾನಿ ಮೋದಿ ವಿಭಜಕ ಕಾರ್ಯಸೂಚಿ' ಹರಡುತ್ತಿದ್ದಾರೆ. ಅದರಲ್ಲೂ, ಕೋಮುವಾದಿ ನಾಗರಿಕ ಸಂಹಿತೆ' ಎಂಬ ಹೇಳಿಕೆ ಡಾ.ಬಿ.ಆರ್‌.ಅಂಬೇಡ್ಕರ್‌ ಅವರಿಗೆ ಮಾಡಿದ ಅವಮಾನ' ಎಂದು ಕಾಂಗ್ರೆಸ್‌ ಆರೋಪಿಸಿದೆ.

'ಮೋದಿ ಅವರಲ್ಲಿರುವ ದ್ವೇಷಭಾವನೆ, ವಂಚಕ ಬುದ್ಧಿ ಹಾಗೂ ಇತಿಹಾಸಕ್ಕೆ ಕಳಂಕ ಹಚ್ಚುವ ಯತ್ನಗಳು ಕೆಂಪು ಕೋಟೆ ಮೇಲಿಂದ ಮಾಡಿದ ಅವರ ಭಾಷಣದಲ್ಲಿ ಢಾಳಾಗಿ ಪ್ರದರ್ಶನಗೊಂಡಿವೆ' ಎಂದು ಕಾಂಗ್ರೆಸ್ ಆರೋಪಿಸಿದೆ.