ಕೇರಳ ರಾಜ್ಯೋದಯದಿನದಂದು 13353 ಸಂಸ್ಥೆಗಳು ಮತ್ತು ಕಚೇರಿಗಳನ್ನು ಹಸಿರು ಮಾದರಿ ಎಂದು ಘೋಷಿಸಲಿರುವ ರಾಜ್ಯ ಸರ್ಕಾರ

ತಿರುವನಂತಪುರಂ: ನವೆಂಬರ್ 1 ರ ಕೇರಳ ರಾಜ್ಯೋದಯ ದಿನದಂದು ರಾಜ್ಯದಲ್ಲಿ ಹಸಿರು ಮಾದರಿ ಘೋಷÀಣೆಗಳು ನಡೆಯಲಿದ್ದು, ಸ್ವಚ್ಛ ಕೇರಳ ಮತ್ತು ಸುಸ್ಥಿರ ಕೇರಳ ಗುರಿಯನ್ನು ಸಾಧಿಸುವ ಗುರಿಯ ಭಾಗವಾಗಿ ಕೇರಳದ 13353 ಆಡಳಿತ ಸಂಸ್ಥೆಗಳು ಅಥವಾ ಕಚೇರಿಗಳನ್ನು ಹಸಿರು ಎಂದು ಘೋಷಿಸಲಾಗುವುದು.

ಅಕ್ಟೋಬರ್ 2 ರಂದು ಮುಖ್ಯಮಂತ್ರಿಗಳಿಂದ ಉದ್ಘಾಟನೆಗೊಂಡ ಈ ಜನಾಂದೋಲನದ ಕಾರ್ಯಚಟುವಟಿಕೆಗಳನ್ನು ಸ್ಥಳೀಯಾಡಳಿತ ಸಂಸ್ಥೆಗಳ ನೇತೃತ್ವದಲ್ಲಿ ನಡೆಸಲಾಗುತ್ತಿದೆ.

ಐದು ಹಂತದ ಅಭಿಯಾನದ ಮೊದಲ ಹಂತದ ಅಭಿಯಾನವನ್ನು ಘೋಷಿಸುವ ಕೇರಳ ಜನ್ಮದಿನದಂದು, ರಾಜ್ಯದ ಆಯ್ದ ಹಸಿರು ಪಟ್ಟಣಗಳು, ಹಸಿರು ಮಾರುಕಟ್ಟೆಗಳು, ಸಾರ್ವಜನಿಕ ಸ್ಥಳಗಳು, ಹಸಿರು ಪ್ರವಾಸೋದ್ಯಮ ಕೇಂದ್ರಗಳು, ಹಸಿರು ಶಾಲೆಗಳು, ಹಸಿರು ಸಂಸ್ಥೆಗಳು, ಹಸಿರು ಕಾಲೇಜುಗಳು, ಹಸಿರು ನೆರೆಹೊರೆ ಕೂಟಗಳು ಇತ್ಯಾದಿಗಳನ್ನು ತಲುಪಲಿದೆ. ಸ್ಥಳೀಯಾಡಳಿತ   ಸಂಸ್ಥೆಗಳ ನೇತೃತ್ವದಲ್ಲಿ ಹಸಿರು ಸ್ಥಾನಮಾನ ನೀಡಲಾಗುವುದು. 

ನವೆಂಬರ್ 1 ರಂದು, ಕೇರಳದಲ್ಲಿ 13353 ಸಂಸ್ಥೆಗಳು ಮತ್ತು ಕಚೇರಿಗಳನ್ನು ಹಸಿರು ಎಂದು ಘೋಷಿಸಲಾಗುವುದು.  ಈ ದಿನ ಎಲ್ಲಾ ಜಿಲ್ಲೆಗಳ 68 ಪ್ರವಾಸಿ ಕೇಂದ್ರಗಳು ಹಸಿರು ಪ್ರವಾಸೋದ್ಯಮ ಕೇಂದ್ರಗಳಾಗಲಿವೆ. 810 ಪಟ್ಟಣಗಳನ್ನು ಹಸಿರು ಸುಂದರ ಪಟ್ಟಣಗಳೆಂದು ಘೋಷಿಸಲಾಗುವುದು. 6048 ಹಸಿರು ಶಾಲೆಗಳು, 315 ಸಾರ್ವಜನಿಕ ಸ್ಥಳಗಳು ಮತ್ತು 298 ಹಸಿರು ಕಾಲೇಜುಗಳನ್ನು ಹಸಿರು ಎಂದು ಘೋಷಿಸಲಾಗುವುದು. ಕೇರಳದಲ್ಲಿ 24713 ನೆರೆಹೊರೆ ಗುಂಪುಗಳು ಹಸಿರು ಸ್ಥಿತಿಯನ್ನು ತಲುಪಿವೆ. ಜನಪ್ರಿಯ ಅಭಿಯಾನವನ್ನು 2 ಅಕ್ಟೋಬರ್ 2024 ಗಾಂಧಿ ಜಯಂತಿಯಿಂದ 30 ಮಾರ್ಚ್ 2025 (ಅಂತರರಾಷ್ಟ್ರೀಯ ಶೂನ್ಯ ತ್ಯಾಜ್ಯ ದಿನ) ವರೆಗೆ ಆಯೋಜಿಸಲಾಗುತ್ತದೆ.