ನಿಮ್ಮ ಹಲ್ಲು ಹಳದಿ ಬಣ್ಣಕ್ಕೆ ತಿರುಗಿದ್ಯಾ.? ಈ 'ಮನೆ ಮದ್ದು' ಟ್ರೈ ಮಾಡಿ!

 ಹಳದಿ ಹಲ್ಲುಗಳನ್ನ ತೊಡೆದು ಹಾಕಲು, ಹಲ್ಲುಗಳನ್ನ ಸ್ವಚ್ಛಗೊಳಿಸಲು ದಂತವೈದ್ಯರನ್ನ ಸಂಪರ್ಕಿಸಬಹುದು. ಆದ್ರೆ, ಪ್ರತಿ ಬಾರಿ ದಂತವೈದ್ಯರ ಬಳಿಗೆ ಹೋಗುವುದು ಸಾಧ್ಯವಿಲ್ಲ. ಆದ್ದರಿಂದ ಕೆಲವು ಮನೆಮದ್ದುಗಳನ್ನ ಉಪಯೋಗಿಸುವ ಮೂಲಕ ನೀವು ಹಲ್ಲುಗಳ ಹಳದಿ ಬಣ್ಣವನ್ನ ತೆಗೆದುಹಾಕಬಹುದು.

ಹಳದಿ ಹಲ್ಲುಗಳನ್ನ ಸ್ವಚ್ಛಗೊಳಿಸಲು ಆಪಲ್ ಸೈಡರ್ ವಿನೆಗರ್ ಬಳಸಬಹುದು. ಎರಡು ಚಮಚ ಆಪಲ್ ಸೈಡರ್ ವಿನೆಗರ್'ನ್ನ ಒಂದು ಕಪ್ ನೀರಿನಲ್ಲಿ ಬೆರೆಸಿ ಮೌತ್ ವಾಶ್ ಮಾಡಿ.

ಹಳದಿ ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಮತ್ತೊಂದು ಸಲಹೆಯೆಂದರೇ, ನೀವು ನಿಂಬೆ, ಕಿತ್ತಳೆ, ಬಾಳೆಹಣ್ಣಿನ ಸಿಪ್ಪೆಯನ್ನ ಸಹ ಬಳಸಬಹುದು. ಇದು ನಿಮ್ಮ ಹಲ್ಲುಗಳ ಮೇಲೆ ರೂಪುಗೊಂಡ ಹಳದಿ ಬಣ್ಣವನ್ನ ತೆರವುಗೊಳಿಸಲು ಸಹಾಯ ಮಾಡುತ್ತದೆ.

ಸಿಪ್ಪೆಯಲ್ಲಿರುವ ಡಿ-ಲಿಮೋನೆನ್ ಅಥವಾ ಸಿಟ್ರಿಕ್ ಆಮ್ಲವು ನಿಮ್ಮ ಹಲ್ಲುಗಳನ್ನ ಬಿಳುಪುಗೊಳಿಸಲು ಸಹಾಯ ಮಾಡುತ್ತದೆ. ನಿಮ್ಮ ಹಲ್ಲುಗಳನ್ನು ಸ್ವಚ್ಛಗೊಳಿಸಲು ಈ ಸಿಪ್ಪೆಯನ್ನ ನಿಮ್ಮ ಹಲ್ಲುಗಳ ಮೇಲೆ 2 ನಿಮಿಷಗಳ ಕಾಲ ನಿಧಾನವಾಗಿ ಉಜ್ಜಿಕೊಳ್ಳಿ.

ಬ್ರಷ್ ಮೇಲೆ ಅರಿಶಿನವನ್ನ ಹಚ್ಚಿ 2 ನಿಮಿಷಗಳ ಕಾಲ ಬ್ರಷ್ ಮಾಡಿ. ಇದು ನಿಮ್ಮ ಹಲ್ಲುಗಳಿಗೂ ಒಳ್ಳೆಯದು. ಬ್ರಷ್‌'ಗಳ ಬಗ್ಗೆ ಕೆಲವು ವಿಷಯಗಳನ್ನ ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ, ಪ್ರತಿ 3 ತಿಂಗಳಿಗೊಮ್ಮೆ ನಿಮ್ಮ ಹಲ್ಲುಜ್ಜುವ ಬ್ರಷ್ ಬದಲಾಯಿಸಬೇಕು.