ಮಕ್ಕಳ ಮುಂದೆ ನಗ್ನ ಪ್ರದರ್ಶನ ಮತ್ತು ಲೈಂಗಿಕ ಕ್ರಿಯೆಗಳು ಲೈಂಗಿಕ ದೌರ್ಜನ್ಯ ವ್ಯಾಪ್ತಿಗೊಳಪಟ್ಟದ್ದು: ಹೈಕೋರ್ಟ್

ಕೊಚ್ಚಿ: ಮಕ್ಕಳ ಮುಂದೆ ನಗ್ನತೆ ಪ್ರದರ್ಶಿಸುವುದು ಮತ್ತು ಲೈಂಗಿಕ ಸಂಪರ್ಕದಲ್ಲಿ ತೊಡಗುವುದು ಲೈಂಗಿಕ ದೌರ್ಜನ್ಯದ ವ್ಯಾಪ್ತಿಗೆ ಬರುತ್ತದೆ ಎಂದು ಹೈಕೋರ್ಟ್ ಸ್ಪಷ್ಟಪಡಿಸಿದೆ.

ಇಂತಹ ಕೃತ್ಯಗಳು ಪೋಸ್ಕೋ ಸೆಕ್ಷನ್‍ಗಳ ಅಡಿಯಲ್ಲಿ ಅಪರಾಧಗಳಾಗಿವೆ. ಆರೋಪಿಯನ್ನು ವಿಚಾರಣೆಗೆ ಒಳಪಡಿಸುವಂತೆ ನ್ಯಾಯಾಲಯ ಆದೇಶಿಸಿದೆ.

ಅಪ್ರಾಪ್ತ ವಯಸ್ಸಿನ ಪುತ್ರ  ತನ್ನ ತಾಯಿಯೊಂದಿಗೆ ತಂದೆ ಸಂಭೋಗಿಸುತ್ತಿದ್ದುದನ್ನು ನೋಡಿ ವಿಚಾರಣೆಗೆ ಒಳಪಡಿಸಿದ ಪ್ರಕರಣದಲ್ಲಿ ನ್ಯಾಯಾಲಯ ಈ ಆದೇಶ ನೀಡಿದೆ.  ಪೋಕ್ಸೊ, ಐಪಿಸಿ ಮತ್ತು ಬಾಲಾಪರಾಧಿ ಕಾಯ್ದೆಯಂತಹ ಸೆಕ್ಷನ್‍ಗಳ ಅಡಿಯಲ್ಲಿ ಪ್ರಕರಣವನ್ನು ರದ್ದುಗೊಳಿಸುವಂತೆ ಕೋರಿ ಹೈಕೋರ್ಟ್‍ಗೆ ಅರ್ಜಿ ಬಂದಿತ್ತು.

ಲಾಡ್ಜ್‍ನಲ್ಲಿ ಕೋಣೆಯ ಬಾಗಿಲು ಹಾಕದೆ ಮಗುವಿನ ತಾಯಿಯೊಂದಿಗೆ ಆರೋಪಿ ದೈಹಿಕ ಸಂಬಂಧ ಬೆಳೆಸಿದ ಬಳಿಕ ಮಗು ಅನಿರೀಕ್ಷಿತವಾಗಿ ಬಾಗಿಲು ತೆರೆದು ನೋಡಿದೆ. ಪೋಕ್ಸೋ, ಐಪಿಸಿ, ಬಾಲಾಪರಾಧಿ ಕಾಯಿದೆಯಡಿ ಪ್ರಕರಣ ದಾಖಲಿಸಿರುವುದು ಸರಿಯಲ್ಲ ಎಂದು ಅರ್ಜಿದಾರರು ವಾದಿಸಿದ್ದಾರೆ. ಆದರೆ ಒಬ್ಬ ವ್ಯಕ್ತಿಯು ಮಗುವಿನ ಮುಂದೆ ತನ್ನ ಬೆತ್ತಲೆ ದೇಹವನ್ನು ಪ್ರದರ್ಶಿಸುವುದು ಆ ಮಗುವಿಗೆ ಲೈಂಗಿಕ ದೌರ್ಜನ್ಯ ಎಂದು ನ್ಯಾಯಮೂರ್ತಿ ಎ ಬದರುದ್ದೀನ್ ಹೇಳಿದ್ದಾರೆ.

ಆಪಾದಿತ ಘಟನೆಯಲ್ಲಿ, ಅರ್ಜಿದಾರರು ಬಹಿರಂಗವಾಗಿ ಲೈಂಗಿಕ ಸಂಭೋಗದಲ್ಲಿ ತೊಡಗಿದ್ದರು. ಬಾಗಿಲಿಗೆ ಬೀಗ ಹಾಕದ ಕಾರಣ, ಹುಡುಗ ಒಳಗೆ ಹೋಗಿ ಅಲ್ಲಿ ಏನಾಯಿತು ಎಂದು ನೋಡಿದ್ದನು. ಆದ್ದರಿಂದ, ಪೋಕ್ಸೊ ಕಾಯ್ದೆಯ ನಿಬಂಧನೆಗಳು ಜಾರಿಯಾಗುತ್ತದೆ. ಅರ್ಜಿದಾರರು ಮಗುವಿಗೆ ಥಳಿಸಿದ್ದಾರೆ ಎಂಬ ದೂರು ಇರುವುದರಿಂದ ಕ್ರಿಮಿನಲ್ ಕಾನೂನಿನಲ್ಲಿರುವ ಸೆಕ್ಷನ್‍ಗಳು ಸಹ ಬಾಧಕವಾಗುತ್ತದೆ. ಇದೇ ವೇಳೆ, ಬಾಲಾಪರಾಧಿ ಕಾಯ್ದೆಯು ನಿಬಂಧನೆಗಳನ್ನು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಅಶ್ಲೀಲವಾಗಿ ಮಾತನಾಡುವ ಅಪರಾಧಗಳನ್ನು ರದ್ದುಗೊಳಿಸಿತು.