ಸೀಪ್ಲೇನ್ ಯೋಜನೆ; ಮಟ್ಟುಪೆಟ್ಟಿ ಅಣೆಕಟ್ಟು ಸೇರ್ಪಡೆಯಿಂದ ಆನೆಗಳ ಆಕ್ರೋಶಕ್ಕೆ ಕಾರಣವಾಗಲಿದೆ ಎಂದು ಆತಂಕ ವ್ಯಕ್ತಪಡಿಸಿದ ಅರಣ್ಯ ಇಲಾಖೆ

ಮುನ್ನಾರ್: ಸೀಪ್ಲೇನ್ ಯೋಜನೆಯಲ್ಲಿ ಮಟ್ಟುಪೆಟ್ಟಿ ಅಣೆಕಟ್ಟು ಸೇರ್ಪಡೆಗೆ ಅರಣ್ಯ ಇಲಾಖೆ ಆತಂಕ ವ್ಯಕ್ತಪಡಿಸಿದೆ.

ಅಣೆಕಟ್ಟೆಯು ಅನಂತರ ಯೋಜನೆಯ ಭಾಗವಾಗಿರುವುದು ಅರಣ್ಯ ಇಲಾಖೆಯವರ ಗಮನಸೆಳೆಯುವ ಸಮಸ್ಯೆಯಾಗಿದೆ. ಆನೆಗಳು ಅಣೆಕಟ್ಟೆಯನ್ನು ದಾಟಿ ಇಕೋ ಪಾಯಿಂಟ್‍ಗೆ ಬರುತ್ತಿವೆ. ಜಲ ವಿಮಾನ ಲ್ಯಾಂಡ್ ಆಗುವುದರಿಂದ ಆನೆಗಳಿಗೆ ಕಿರಿಕಿರಿಯಾಗಲಿದೆ ಎಂದು ಅರಣ್ಯ ಇಲಾಖೆ ಜಂಟಿ ಪರಿಶೀಲನೆಯಲ್ಲಿ ತಿಳಿಸಿದೆ.

ಇದೇ ವೇಳೆ ಸಚಿವ ಪಿ. ರಾಜೀವ್ ಮಾಹಿತಿ ನೀಡಿ, ಜಲವಿಮಾನದ ಪರೀಕ್ಷಾರ್ಥ ಹಾರಾಟವು ರಾಜ್ಯದ ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಉತ್ತೇಜನ ನೀಡಲಿದೆ.  ಕೊಚ್ಚಿಯ ಬೋಲ್ಗಟ್ಟಿ ಮರೀನಾದಿಂದ ವಿಮಾನವು ಇಡುಕ್ಕಿ ಮಟ್ಟುಪೆಟ್ಟಿ ಅಣೆಕಟ್ಟಿನಲ್ಲಿ ಯಶಸ್ವಿಯಾಗಿ ಇಳಿದಿದೆ ಎಂದಿರುವರು..

ಅವಳಿ-ಎಂಜಿನ್ 19-ಆಸನಗಳ ವಿಮಾನವನ್ನು ಸೇವೆಗಾಗಿ ಬಳಸಲಾಗುತ್ತದೆ. ಈ ವಿಮಾನದ ವಿಶೇಷತೆ ಏನೆಂದರೆ, ಯಾವುದೇ ಸಣ್ಣ ಜಲರಾಶಿಯಲ್ಲೂ ಸುಲಭವಾಗಿ ಇಳಿಯಬಹುದು. ಸಣ್ಣ ವಿಮಾನ ನಿಲ್ದಾಣಗಳು ಮತ್ತು ಜಲಮೂಲಗಳನ್ನು ಸಂಪರ್ಕಿಸುವುದು ಸೀಪ್ಲೇನ್ ಯೋಜನೆಯ ಗುರಿಯಾಗಿದೆ. ಈ ಯೋಜನೆಯ ಪ್ರಮುಖ ಆಕರ್ಷಣೆ ಎಂದರೆ ಕೊಚ್ಚಿಯಿಂದ ಮುನ್ನಾರ್ ತಲುಪಲು ಕೇವಲ 30 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ.

ಸ್ಪಷ್ಟ ವಾತಾವರಣದಲ್ಲಿ ವಿಮಾನವು ಅಣೆಕಟ್ಟಿನ ಮೇಲೆ ಇಳಿಯಿತು. ಮಟ್ಟುಪೆಟ್ಟಿ ಅಣೆಕಟ್ಟು ಸುಮಾರು ಮೂರು ಕಿಲೋಮೀಟರ್ ಅಗಲದ ಜಲಮೂಲವನ್ನು ಹೊಂದಿದೆ. ಎಲ್ಲ ಕಾಲದಲ್ಲೂ ನೀರು ಇರುವುದೇ ದೊಡ್ಡ ವೈಶಿಷ್ಟ್ಯ.