ಮುಂಬೈ ಬಿಕೆಸಿ ಮೆಟ್ರೊ ನಿಲ್ದಾಣದ ನೆಲ ಅಂತಸ್ತಿನಲ್ಲಿ ಅಗ್ನಿ ಅವಘಡ

      ಮುಂಬೈ: ಮುಂಬೈಯ ಬಾಂದ್ರಾ-ಕುರ್ಲಾ ಕಾಂಪ್ಲೆಕ್ಸ್ (ಬಿಕೆಸಿ) ಮೆಟ್ರೊ ನಿಲ್ದಾಣದ ನೆಲ ಅಂತಸ್ತಿನಲ್ಲಿ ಇಂದು (ಶುಕ್ರವಾರ) ಮಧ್ಯಾಹ್ನ ಬೆಂಕಿ ಅವಘಡ ಸಂಭವಿಸಿದೆ.

            ಮುಂಜಾಗ್ರತಾ ಕ್ರಮವಾಗಿ ಎರಡು ತಾಸಿಗೂ ಹೆಚ್ಚು ಕಾಲ ರೈಲು ಸೇವೆಯನ್ನು ಸ್ಥಗಿತಗೊಳಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

             ನಿರ್ಮಾಣ ಹಂತದಲ್ಲಿರುವ ಎ4 ಪ್ರವೇಶ/ನಿರ್ಗಮನದಲ್ಲಿ ಮಧ್ಯಾಹ್ನ 1.1ರ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿತು. ಘಟನೆಯಲ್ಲಿ ಯಾವುದೇ ಸಾವು-ನೋವು ಸಂಭವಿಸಿಲ್ಲ ಎಂದು ಅವರು ತಿಳಿಸಿದ್ದಾರೆ.

ಬೆಂಕಿ ಹೊತ್ತಿಕೊಂಡ ಪರಿಣಾಮ ಪ್ರದೇಶದಲ್ಲಿ ದಟ್ಟವಾದ ಹೊಗೆ ಆವರಿಸಿತು. ಎಂಟು ಅಗ್ನಿಶಾಮಕ ವಾಹನಗಳು ಸ್ಥಳಕ್ಕೆ ಧಾವಿಸಿತು. ಎರಡು ತಾಸಿನ ಪ್ರಯತ್ನದ ಬಳಿಕ ಬೆಂಕಿ ನಂದಿಸಲಾಯಿತು.

          ಬಿಕೆಸಿ ಮೆಟ್ರೊ ನಿಲ್ದಾಣವು, ಬಿಕೆಸಿ ಮತ್ತು arey JVLR ಅನ್ನು ಸಂಪರ್ಕಿಸುವ ಎಂಎಂಆರ್‌ಸಿ ಮುಂಬೈ ಮೆಟ್ರೊ ಲೈನ್-3 (ಅಕ್ವಾ ಲೈನ್) 12.69 ಕಿ.ಮೀ. ಉದ್ದದ ಮೊದಲ ಹಂತದ ಭಾಗವಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಕಳೆದ ತಿಂಗಳು ಇದನ್ನು ಉದ್ಘಾಟಿಸಿದ್ದರು.

ಬಿಕೆಸಿ ಮೆಟ್ರೊ ನಿಲ್ದಾಣದ ನೆಲ ಅಂತಸ್ತಿನಲ್ಲಿ ಅಗ್ನಿ ಅವಘಡ