ಇಂದಿನಿಂದ ಮಂಜೇಶ್ವರ ಷಷ್ಠಿ ಉತ್ಸವ ಆರಂಭ

ಮಂಜೇಶ್ವರ: ಹದಿನೆಂಟು ಪೇಟೆಗಳ ದೇವಾಲಯವೆಂದೇ ರ್ಖಯಾತಿವೆತ್ತ ಮಂಜೇಶ್ವರ ಶ್ರೀಮದ್.ಅನಂತೇಶ್ವರ ದೇವಳದ ವಾರ್ಷಿಕ ಷಷ್ಠಿ ಉತ್ಸವ ಇಂದಿನಿಂದ(ಡಿ.02) 8 ರ ವರೆಗೆ ಜರಗಲಿರುವುದು. 

ಕಾರ್ಯಕ್ರಮದ ಅಂಗವಾಗಿ ಇಂದು ಮಧ್ಯಾಹ್ನ 1.30ಕ್ಕೆ ಮಹಾಪೂಜೆ, ಸಮಾರಾಧನೆ, ರಾತ್ರಿ 8.30 ರಿಂದ 10.30ರ ವರೆಗೆ ಪಲ್ಲಂಕಿ ಉತ್ಸವ, ವಸಂತಪೂಜೆ, ಮಂಗಳಾರತಿ ನಡೆಯಲಿದೆ. ಮಂಗಳವಾರ ಬೆಳಿಗ್ಗೆ 8.30ಕ್ಕೆ ಮೃತ್ತಿಕಾರೋಹಣ, 11.00ಕ್ಕೆ ಶ್ರೀ ದೇವರು ಯಜ್ಞಕ್ಕೆ ಚಿತ್ತೈಸುವುದು, ಅಪರಾಹ್ನ 2 ಕ್ಕೆ ಧ್ವಜಾರೋಹಣ, 4 ಕ್ಕೆ ಯಜ್ಞಾರತಿ, ಬಲಿ, 5.ಕ್ಕೆ ಮಹಾಪೂಜೆ, ಸಮಾರಾಧನೆ, ರಾತ್ರಿ 8.30 ರಿಂದ 10.30ರ ವರೆಗೆ ವಸಂತಪೂಜೆ, ಮಂಗಳಾರತಿ ನಡೆಯಲಿದೆ. ಡಿ.4 ರಂದು ಬುಧವಾರ ಬೆಳಿಗ್ಗೆ 9 ಕ್ಕೆ ಹಗಲು ಉತ್ಸ, 12.30 ಕ್ಕೆ ಯಜ್ಞ, ಅಪರಾಹ್ನ 3.30ಕ್ಕೆ ಯಜ್ಞಾರತಿ, ಬಲಿ, 4ಕ್ಕೆ ಮಹಾಪೂಜೆ, ಸಮಾರಾಧನೆ, ರಾತ್ರಿ 8.30 ರಿಂದ 10.30ರ ತನಕ ಬೊಂಬೆ ಚವರು, ಉತ್ಸವ, ವಸಂತಪೂಜೆ, ಮಂಗಳಾರತಿ ನಡೆಯಲಿದೆ. ಡಿ. 5 ರಂದು ಗುರುವಾರ ಬೆಳಿಗ್ಗೆ 9 ಕ್ಕೆ ಸ್ವರ್ಣಪಲ್ಲಂಕಿ ಹಗಲು ಉತ್ಸವ, ಮಧ್ಯಾಹ್ನ 1ಕ್ಕೆ ಯಜ್ಞ, ಸಂಜೆ 4 ಕ್ಕೆ ಯಜ್ಞಾರತಿ, ಬಲಿ, 4.30ಕ್ಕೆ ಮಹಾಪೂಜೆ, ಸಮಾರಾಧನೆ, ರಾತ್ರಿ 8.30ರಿಂದ 12.30ರ ವರೆಗೆ ಗರುಡ ಮಂಟಪ, ಚಂದ್ರಮಂಡಲ, ಸಣ್ಣ ತೃಓತ್ಸವಗಳು, ವಸಂತಪೂಜೆ, ಮಂಗಳಾರತಿ ನಡೆಯಲಿದೆ.

ಡಿ.6 ರಂದು ಶುಕ್ರವಾರ ಬೆಳಿಗ್ಗೆ 9.30ಕ್ಕೆ ಸ್ವರ್ಣಲಾಲ್ಕಿ ಹಗಲು ಉತ್ಸವ, ಮಧ್ಯಾಹ್ನ 1ಕ್ಕೆ ಪ್ರಾರ್ಥನೆ, 3.30ರ ವರೆಗೆ ಅಭಿಷೇಕ, ತುಲಾಭಾರ, ಸಂಜೆ 5.ಕ್ಕೆ ಮಹಾಪೂಜೆ, 5.30ಕ್ಕೆ ದೇವ ದರ್ಶನದ ಪ್ರಾರ್ಥನೆ, 6ಕ್ಕೆ ಯಜ್ಞ, ಸಂಜೆ 7.30ಕ್ಕೆ ಯಜ್ಞಾರತಿ, ಬಲಿ, ರಾತ್ರಿ 8 ಕ್ಕೆ ಮಹಾಪೂಜೆ, ಸಮಾರಾಧನೆ, ರಾತ್ರಿ 12.30ರಿಂದ ಮರುದಿನ ಮುಂಜಾನೆ 5ರ ವರೆಗೆ ಬೆಳ್ಳಿಲಾಲ್ಕಿಯಲ್ಲಿ ಮೃಗಬೇಟೆ, ಅಡ್ಡಪಲ್ಲಂಕಿ, ಸಣ್ಣ ರಥೋತ್ಸವ, ವಸಂತಪೂಜೆ, ಮಂಗಳಾರತಿ ನಡೆಯಲಿದೆ. ಡಿ.7 ರಂದು ಶನಿವಾರ ಬೆಳಿಗ್ಗೆ 10 ರಿಂದ 12ರ ವರೆಗೆ ಧರ್ಮ, 12.30ಕ್ಕೆ ಮಹಾಪೂಜೆ, 1ಕ್ಕೆ ಯಜ್ಞ, 3.30 ರಿಂದ ಪೂರ್ಣಾಹುತಿ, ಸಂಜೆ 4ಕ್ಕೆ ಯಜ್ಞಾರತಿ, ಸ್ವರ್ಣ ವಾಹನದಲ್ಲಿ ಬಲಿ ಉತ್ಸವ, ರಥಾರೋಹಣಕ್ಕೆ ಹೊರಡುವುದು, 5ಕ್ಕೆ ರಥಾರೋಹಣ, ರಾತ್ರಿ 8.30ಕ್ಕೆ ರಥಾವರೋಹಣ, 9.30ಕ್ಕೆ ಮಂಗಳಾರತಿ, ಸಮಾರಾಧನೆ ನಡೆಯಲಿದೆ.ಡಿ.8 ರಂದು ಭಾನುವಾರ ಮಧ್ಯಾಹ್ನ 1.30ಕ್ಕೆ ಅವಭೃತ, ಅಪರಾಹ್ನ 2.30ರಿಂದ 4.30.ರ ವರೆಗೆ ಮರದ ಲಾಲ್ಕಿ ಸಣ್ಣ ರಥೋತ್ಸವಗಳು, 5ಕ್ಕೆ ಶೇಷತೀರ್ಥ ಸ್ನಾನ, 6ಕ್ಕೆ ಧ್ವಜಾವರೋಹಣ, 7ಕ್ಕೆ ಗಡಿ ಪ್ರಸಾದ ವಿತರಣೆ, ರಾತ್ರಿ 10ಕ್ಕೆ ಮಹಾಪೂಜೆ, ಬ್ರಾಹ್ಮಣ ಸಂತರ್ಪಣೆ ನಡೆಯಲಿದೆ. ಶ್ರೀಕಿರುಷಷ್ಠಿ ಜಾತ್ರೆ ಡಿ.31 ರಿಂದ ಜನವರಿ.5ರ ವರೆಗೆ ನಡೆಯಲಿದೆ ಎಂದು ದೇವಳದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.