ಮುನಂಬಂ ನಿವಾಸಿಗಳನ್ನು ಕೈಬಿಟ್ಟ ವಿ.ಡಿ.ಸತೀಶನ್- ಅವಕಾಶವಾದಿ ಧೋರಣೆ ಲೀಗ್‍ಗೆ ಧಕ್ಕೆ ತರಬಾರದು ಎಂಬ ನಿಲುವು

ಕೋಝಿಕ್ಕೋಡ್: ವಿರೋಧ ಪಕ್ಷದ ನಾಯಕ ವಿ.ಡಿ.ಸತೀಶನ್ ಅವರು ಮುನಂಬಮ್ ವಿಚಾರದಲ್ಲಿ ತಮ್ಮ ಹಿಂದಿನ ನಿಲುವನ್ನು ಬದಲಿಸಿ ಅಚ್ಚರಿಮೂಡಿಸಿದ್ದಾರೆ. ಮುನಂಬ ವಕ್ಫ್ ಭೂಮಿ ಅಲ್ಲ ಎಂಬ ನಿಲುವಿನಿಂದ ವಿಪಕ್ಷ ನಾಯಕ ಹಿಂದೆ ಸರಿದಿರುವರು. ಜಮೀನಿನ ಮಾಲೀಕತ್ವವನ್ನು ಪರಿಶೀಲಿಸಬೇಕು ಎಂಬುದು ಅವರ ಹೊಸ ನಿಲುವು.

ವಿ.ಡಿ.ಸತೀಶನ್ ಅವರು ಮುಸ್ಲಿಂ ಲೀಗ್ ಮುಖಂಡರು ತಮ್ಮ ನಿಲುವು ವ್ಯಕ್ತಪಡಿಸಿರುವ ಹಿನ್ನೆಲೆಯಲ್ಲಿ ಇನ್ನು ಮುಂದೆ ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ ಎಂದ ಅವರು, ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವುದು ಸರ್ಕಾರ ಮತ್ತು ವಕ್ಫ್ ಮಂಡಳಿಗೆ ಬಿಟ್ಟದ್ದು ಎಂದಿರುವರು.

ಮುನಂಬ ವಕ್ಫ್ ಭೂಮಿ ಅಲ್ಲ ಎಂದಿದ್ದ ವಿ.ಡಿ.ಸತೀಶನ್ ನಿಲುವಿನ ವಿರುದ್ಧ ಸರ್ಕಾರ ಹತ್ತು ನಿಮಿಷದಲ್ಲಿ ಪರಿಹರಿಸಬಹುದಾದ ಸಮಸ್ಯೆ ಎಂದು ವಿ.ಡಿ.ಸತೀಶ ಪುನರುಚ್ಚರಿಸಿದರು.

ವಕ್ಫ್ ಕಾಯ್ದೆಗೆ ತಿದ್ದುಪಡಿ ತರುವ ಕೇಂದ್ರದ ಕ್ರಮದ ವಿರುದ್ಧ ಕೇರಳ ವಿಧಾನಸಭೆಯಲ್ಲಿ ಈ ಹಿಂದೆ ಆಡಳಿತ ಮತ್ತು ವಿರೋಧ ಪಕ್ಷಗಳು ಜಂಟಿಯಾಗಿ ನಿರ್ಣಯ ಅಂಗೀಕರಿಸಿದ್ದವು. ಇದಾದ ಬಳಿಕ ಮುನಂಬಂ ನಿವಾಸಿಗಳ ಜಮೀನಿಗೆ ವಕ್ಫ್ ಬೋರ್ಡ್ ಹಕ್ಕುಪತ್ರ ಪಡೆದಿರುವ ಸುದ್ದಿ ಗಮನ ಸೆಳೆದಿದ್ದು, ಮುನಂಬಂ ನಿವಾಸಿಗಳ ಹೋರಾಟ ಚರ್ಚೆಗೆ ಗ್ರಾಸವಾಯಿತು.

ಆಗ ವಿ.ಡಿ.ಸತೀಶನ್ ಅವರು ಮುನಂಬದ ವಕ್ಫ್ ಭೂಮಿಯಲ್ಲ ಎಂಬ ನಿಲುವನ್ನು ತೆಗೆದುಕೊಂಡಿದ್ದÀರು. ಇದೀಗ ಅವರು ತಮ್ಮ ನಿಲುವು ಮೃದುಗೊಳಿಸಿದರು. ಪರಿಣಾಮ, ವಿರೋಧ ಪಕ್ಷದ ನಾಯಕ ಮುನಂಬಮ್ ನಿವಾಸಿಗಳನ್ನು ಕೈಬಿಟ್ಟಿದ್ದಾರೆ.

ವಕ್ಫ್ ಮಂಡಳಿಯ ಸೂಚನೆಯಿಂದ ಮುನಂಬಂ ಭೂಮಿ ಖರೀದಿಸಿ ಹಲವು ವರ್ಷಗಳಿಂದ ವಾಸವಾಗಿರುವವರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಇಲ್ಲಿ ವಾಸಿಸುವ ಜನರು ಭೂಮಿಯನ್ನು ವರ್ಗಾಯಿಸಲು ಅಥವಾ ಜಾಮೀನಿನ ಮೇಲೆ ಸಾಲ ಪಡೆಯಲು ಸಾಧ್ಯವಿಲ್ಲ. ಫಾರೂಕ್ ಕಾಲೇಜು ಪಡೆದಿರುವ ವಕ್ಫ್ ಭೂಮಿಯನ್ನು ಅಕ್ರಮವಾಗಿ ವರ್ಗಾವಣೆ ಮಾಡಿದ್ದು, ಹೀಗಾಗಿ ವಕ್ಫ್ ಮಂಡಳಿಗೆ ಬಂದು ಸೇರಬೇಕು ಎಂದು ಆಗ್ರಹಿಸಿದ್ದಾರೆ.

ವಕ್ಫ್ ಕಾಯಿದೆಯ ಪ್ರಕಾರ ವಕ್ಫ್ ಮಂಡಳಿಯಿಂದ ಯಾವುದೇ ಜಮೀನು ಹಕ್ಕು ಪಡೆದಿದ್ದರೆ, ಅದು ವಕ್ಫ್ ಅಲ್ಲ ಎಂದು ಸಾಬೀತುಪಡಿಸುವುದು ನಿವಾಸಿಗಳಿಗೆ ಬಿಟ್ಟದ್ದು. ನೋಟೀಸ್ ಬಂದ ನಂತರ ಆ ಭೂಮಿಯನ್ನು ಕೊಳ್ಳಲು ಮತ್ತು ಮಾರಾಟ ಮಾಡಲು ಸಾಧ್ಯವಿಲ್ಲ ಮತ್ತು ದೇಶದ ವಿವಿಧ ಪ್ರದೇಶಗಳಲ್ಲಿ ವಕ್ಫ್ ನೋಟಿಸ್ ಪಡೆದವರು ಎದುರಿಸುತ್ತಿರುವ ತೊಂದರೆಗಳನ್ನು ಕಂಡು, ಕೇಂದ್ರವು ಕಾನೂನು ತಿದ್ದುಪಡಿ ಮಾಡಲು ಪ್ರಾರಂಭಿಸಿದೆ. ವಿರೋಧ ಪಕ್ಷಗಳು ಮತ ಬ್ಯಾಂಕ್ ಗುರಿಯಾಗಿಟ್ಟುಕೊಂಡು ಇದನ್ನು ವಿರೋಧಿಸುತ್ತಿವೆ. ರಾಜ್ಯದಲ್ಲಿ ಕಾಂಗ್ರೆಸ್ ಮತ್ತು ಸಿಪಿಎಂ ಕಣ್ಣಾಮುಚ್ಚಾಲೆ ಆಡುತ್ತಿವೆ ಎಂಬ ವಾದಗಳಿವೆ.