ಶಬರಿಮಲೆಯಲ್ಲಿ ದಿಲೀಪ್‍ಗೆ ವಿಐಪಿ ಪರಿಗಣನೆ: ದೇವಸ್ವಂ ಮಂಡಳಿಯಿಂದ ವಿವರಣೆ ಕೇಳಿದ ಹೈಕೋರ್ಟ್

ಕೊಚ್ಚಿ: ನಟ ದಿಲೀಪ್ ಗೆ ವಿಐಪಿಯಾಗಿ ಶಬರಿಮಲೆಗೆ ಭೇಟಿ ನೀಡಿದ ಘಟನೆಗೆ ಹೈಕೋರ್ಟ್ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ.

ಘಟನೆಗೆ ಸಂಬಂಧಿಸಿದಂತೆ ನ್ಯಾಯಾಲಯ ದೇವಸ್ವಂ ಮಂಡಳಿಯಿಂದ ವಿವರಣೆ ಕೇಳಿದೆ.

ಪ್ರಕರಣವನ್ನು ಲಘುವಾಗಿ ಪರಿಗಣಿಸಲು ಸಾಧ್ಯವಿಲ್ಲ ಎಂದಿರುವ ನ್ಯಾಯಾಲಯ, ಘಟನೆಯ ಸಿಸಿಟಿವಿ ದೃಶ್ಯಾವಳಿಗಳನ್ನು ಹಾಜರುಪಡಿಸುವಂತೆ ಸೂಚಿಸಿದೆ. ಮಧ್ಯಾಹ್ನದೊಳಗೆ ಉತ್ತರ ನೀಡುವಂತೆ ದೇವಸ್ವಂ ಮಂಡಳಿಗೆ ಹೈಕೋರ್ಟ್ ಇಂದು ಸೂಚಿಸಿದೆ. ನಟ ದಿಲೀಪ್ ನಿನ್ನೆ ಶಬರಿಮಲೆಗೆ ಭೇಟಿ ನೀಡಿದ್ದರು.

ಗುರುವಾರ ಗರ್ಭಗೃಹ ತೆರೆಯುವ ಮುನ್ನವೇ ದಿಲೀಪ್ ದರ್ಶನ ಪಡೆದಿದ್ದರು. ಹರಿವರಾಸನಂ ಕೀರ್ತನೆ ಮುಗಿದ ನಂತರ ದಿಲೀಪ್ ಹಿಂತಿರುಗಿದರು. ಹಿಂದಿನ ವರ್ಷಗಳಲ್ಲೂ ನಟ ಶಬರಿಮಲೆಗೆ ಭೇಟಿ ನೀಡಿದ್ದರು.