ಮದುವೆ ದಾಖಲುಗೊಳಿಸಲು ಇನ್ನಿಲ್ಲದ ಸಂಕಷ್ಟ- ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ವಿದ್ಯುತ್ ಗೆ ಜನರೇಟರ್ ಬಾಡಿಗೆ ಪಡೆದ ನವ ದಂಪತಿಗಳು

ಕೊಟ್ಟಾಯಂ: ನವದಂಪತಿಗಳು ಜನರೇಟರ್‍ನೊಂದಿಗೆ ಸಬ್-ರಿಜಿಸ್ಟ್ರಾರ್ ಕಚೇರಿಗೆ ಆಗಮಿಸಿ ತಮ್ಮ ವಿವಾಹ ಪ್ರಮಾಣಪತ್ರದೊಂದಿಗೆ ಹಿಂತಿರುಗಿದ ಘಟನೆ ವರದಿಯಾಗಿದೆ. ಕೊಟ್ಟಾಯಂನ ಪಂಪಾಡಿ ಸಬ್-ರಿಜಿಸ್ಟ್ರಾರ್ ಕಚೇರಿಯಲ್ಲಿ ಈ ಘಟನೆ 1ನಡೆದಿದೆ.

ಆ ವಿದೇಶಿ ದಂಪತಿಗಳು ತಮ್ಮ ವಿವಾಹ ಪ್ರಮಾಣಪತ್ರವನ್ನು ಪಡೆಯಲು ಆಗಮಿಸಿದ್ದರು. ಅವರು ಬೆಳಿಗ್ಗೆ ಕಚೇರಿಗೆ ತಲುಪಿದಾಗ ವಿದ್ಯುತ್ ಇದ್ದಿರಲಿಲ್ಲ. ಇದು ಪ್ರಮಾಣಪತ್ರ ಪಡೆಯುವಲ್ಲಿ ಅಡಚಣೆಯಾಗಿದೆ. ವಿದ್ಯುತ್ ಮತ್ತೆ ಬರುತ್ತದೆ ಎಂಬ ಭರವಸೆಯಿಂದ ಅವರು ಮಧ್ಯಾಹ್ನದವರೆಗೂ ಕಾದುಕುಳಿತಿದ್ದರು. ಆದರೆ ವಿದ್ಯುತ್ ಬಂದಿರಲಿಲ್ಲ. 

ರಾತ್ರಿಯ ಹೊತ್ತಿಗೆ ಅವರು ವಿದೇಶಕ್ಕೆ ಹಿಂತಿರುಗಬೇಕಾಗಿದ್ದರಿಂದ, ಕಚೇರಿಗೆ ವಿದ್ಯುತ್ ಒದಗಿಸಲು ಸ್ವತಃ ಜನರೇಟರ್ ಅನ್ನು ಬಾಡಿಗೆಗೆ ಪಡೆಯಬೇಕಾಯಿತು. ನಂತರ ವಿಷಯಗಳು ವೇಗವಾಗಿ ನಡೆದವು. ಕೊನೆಗೆ, ದಂಪತಿಗಳು ಪ್ರಮಾಣಪತ್ರದೊಂದಿಗೆ ವಿದೇಶಕ್ಕೆ ಹಾರಿದರು. ಕೆಎಸ್‍ಇಬಿ ಮಾರ್ಗದಲ್ಲಿ ಕೆಲಸ ನಡೆಯುತ್ತಿದ್ದ ಕಾರಣ ವಿದ್ಯುತ್ ವಿಚ್ಛೇದಿಸಲಾಗಿತ್ತು.