ಜಾರ್ಖಂಡ್‍ನ ಯುವತಿಯನ್ನು ಕೇರಳಕ್ಕೆ ಕರೆತಂದು ವಿವಾಹ: ಇಸ್ಲಾಮಿಕ್ ನಂಬಿಕೆ ಪ್ರಕಾರ ವಿವಾಹವಾದ ಮುಹಮ್ಮದ್ ಗಾಲಿಬ್- ಆಶಾ ವರ್ಮಾ

ಅಲಪ್ಪುಳ: ಸಂಬಂಧಿಕರಿಗೆ ತಿಳಿಯದಂತೆ ಯುವತಿಯನ್ನು ಜಾರ್ಖಂಡ್ ನಿಂದ ಕಾಯಂಕುಳಂಗೆ ಕರೆತಂದು ಮದುವೆ ಮಾಡಲಾಗಿದೆ. ಚಿತ್ತಾಪುರದ ಮೂಲದವರಾದ ಮುಹಮ್ಮದ್ ಗಾಲಿಬ್ ಮತ್ತು ಆಶಾ ವರ್ಮಾ ಕಾಯಂಕುಳಂಗೆ ಆಗಮಿಸಿ ವಿವಾಹವಾದರು.

ಅವರ ಊರಲ್ಲಿ ಅವರ ಸಂಬಂಧದ ಸುತ್ತ ವಿವಾದ ಉಂಟಾಗಿರುವ ನಡುವೆಯೇ ಕಾಯಂಕುಳಂ ಮೂಲದ ಮುಹಮ್ಮದ್ ಗಾಲಿಬ್, ಸ್ನೇಹಿತನ ಸಹಾಯದಿಂದ ಆ ಮಹಿಳೆಯೊಂದಿಗೆ ಇಲ್ಲಿಗೆ ಬಂದರು.

ಅವರ ಸಂಬಂಧಿಕರು ಕಾಯಂಕುಳಂಗೆ ಬಂದರೂ, ಇಬ್ಬರೂ ಹೊರಡಲು ತಯಾರಾಗಿಲ್ಲ. . ಪೋಲೀಸರೊಂದಿಗೆ ಸಂಬಂಧಿಕರು ಬಂದಿದ್ದÀರು. ಇಬ್ಬರೂ ವಯಸ್ಕರಾಗಿದ್ದು, ಅವರಿಗೆ ರಕ್ಷಣೆ ನೀಡಲಾಗುವುದು ಎಂದು ಕಾಯಂಕುಳಂ ಡಿವೈಎಸ್ಪಿ ಸ್ಪಷ್ಟಪಡಿಸಿದ್ದಾರೆ. ಕಳೆದ ತಿಂಗಳು, ಆಶಾ ವರ್ಮಾ ಅವರ ಕುಟುಂಬವು ಬೇರೊಬ್ಬರೊಂದಿಗೆ ಅವರ ಮದುವೆಯನ್ನು ನಿಶ್ಚಯಿಸಿತ್ತು. ಈ ವಿಷಯ ತಿಳಿದ ನಂತರ ಮುಹಮ್ಮದ್ ಗಾಲಿಬ್ ವಿದೇಶದಿಂದ ಊರಿಗೆ ಮರಳಿದರು. ಆದರೆ ಸಂಬಂಧಿಕರು ಮದುವೆಗೆ ಒಪ್ಪಲಿಲ್ಲ.

ಲವ್ ಜಿಹಾದ್ ಆರೋಪಗಳೂ ಕೇಳಿಬಂದವು. ನಂತರ, ಗಲ್ಫ್‍ನಲ್ಲಿ ಮೊಹಮ್ಮದ್ ಗಾಲಿಬ್ ಜೊತೆ ಕೆಲಸ ಮಾಡುವ ಕಾಯಂಕುಳಂನ ಸ್ನೇಹಿತನೊಬ್ಬ ಅವನನ್ನು ಕೇರಳಕ್ಕೆ ಬರಲು ಸೂಚಿಸಿದ. ನಂತರ ಇಬ್ಬರೂ ಕೇರಳಕ್ಕೆ ಬಂದರು. ಅವರ ರಕ್ಷಣೆಗಾಗಿ ವಕೀಲರ ಮೂಲಕ ಹೈಕೋರ್ಟ್‍ನಲ್ಲಿ ರಿಟ್ ಅರ್ಜಿ ಸಲ್ಲಿಸಲಾಯಿತು. ಅವರು ಫೆಬ್ರವರಿ 9 ರಂದು ಕೇರಳಕ್ಕೆ ಬಂದರು. 11 ರಂದು ಇಬ್ಬರೂ ಇಸ್ಲಾಮಿಕ್ ನಂಬಿಕೆಗಳ ಪ್ರಕಾರ ತಮ್ಮ ವಿವಾಹವನ್ನು ನೋಂದಾಯಿಸಿಕೊಂಡರು. ಆಶಾ ವರ್ಮಾ ಅವರನ್ನು ಮೊಹಮ್ಮದ್ ಗಾಲಿಬ್ ಅಪಹರಿಸಿದ್ದಾರೆ ಎಂಬ ದೂರಿನ ಮೇರೆಗೆ ಚಿತ್ತಾಪುರ ಪೋಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.