ಕೊಲ್ಲಂನಲ್ಲಿ ರೈಲು ಹಳಿಗಳ ಮೇಲೆ ಎರಡು ಬಾರಿ ದೂರವಾಣಿ ಕಂಬ ಪತ್ತೆ; ವಿದ್ವಂಸಕ ಕೃತ್ಯಾಯತ್ನದ ಶಂಕೆ

ಕೊಲ್ಲಂ: ಕುಂದರದಲ್ಲಿ ರೈಲ್ವೆ ಹಳಿಗಳ ಮೇಲೆ ದೂರವಾಣಿ ಕಂಬವೊಂದು ಪತ್ತೆಯಾಗಿದೆ. ಆರುಮುರಿಕ್ಕಡ ಅಗ್ನಿಶಾಮಕ ದಳ ಠಾಣೆಯ ಬಳಿ ಈ ಘಟನೆ ನಡೆದಿದೆ.

ಎಝುಕಾನ್ ಪೋಲೀಸರು ಆಗಮಿಸಿ ಕಂಬ ತೆರವುಗೊಳಿಸಿದರೂ, ಕಂಬ ಮತ್ತೆ ಅದೇ ಸ್ಥಳದಲ್ಲಿ ಕಾಣಿಸಿಕೊಂಡಿರುವುದು ಕಳವಳವನ್ನುಂಟುಮಾಡುತ್ತಿದೆ. ಇದು ಪಲರುವಿ ಎಕ್ಸ್‍ಪ್ರೆಸ್ ಅನ್ನು ಗುರಿಯಾಗಿಸಿಕೊಂಡು ನಡೆದ ವಿಧ್ವಂಸಕ ಕೃತ್ಯ ಎಂದು ಶಂಕಿಸಲಾಗಿದೆ. ರೈಲು ಬೆಳಗಿನ ಜಾವ 3.30 ರ ಸುಮಾರಿಗೆ ಈ ಪ್ರದೇಶದ ಮೂಲಕ ಹಾದುಹೋಗುತ್ತದೆ. ರೈಲು ಸಾಗುವ ಸ್ವಲ್ಪ ಮೊದಲು ಕಂಬ ಕಂಡುಬಂದಿದೆ. ಘಟನೆಯ ಬಗ್ಗೆ ಪೋಲೀಸರು ಮತ್ತು ರೈಲ್ವೆ ತನಿಖೆ ಆರಂಭಿಸಿದೆ.