ತಾಯ್ನಾಡಿಗೆ ಆಗಮಿಸಿದ ಅಫಾನ್ ತಂದೆ: ಪ್ರೀತಿಪಾತ್ರರ ಸಮಾಧಿಗಳಿಗೆ ಭೇಟಿ: ಪತ್ನಿ ಶೆಮಿಯನ್ನು ಭೇಟಿಯಾಗಿ ಸಾಂತ್ವನ

ತಿರುವನಂತಪುರಂ: ವೆಂಞರಮೂಡು ಹತ್ಯಾಕಾಂಡ ಪ್ರಕರಣದ ಆರೋಪಿ ಅಫಾನ್ ನ ತಂದೆ ಅಬ್ದುಲ್ ರಹೀಮ್ ತಿರುವನಂತಪುರಂ ತಲುಪಿದ್ದಾರೆ. ಅವರು 7.45 ಕ್ಕೆ ದಮ್ಮಾಮ್‍ನಿಂದ ವಿಮಾನದಲ್ಲಿ ಆಗಮಿಸಿದರು. ಮನೆಗೆ ಹಿಂದಿರುಗಿದ ನಂತರ, ರಹೀಮ್ ಮೊದಲು ಶಾಸಕ ಡಿ.ಕೆ. ಮುರಳಿ ಅವರ ಕಚೇರಿಗೆ ತೆರಳಿದರು.

ಇಲ್ಲಿಂದ  ಪ್ಯಾಂಗೊಗೆ ಪ್ರಯಾಣಿಸಿ  ಕೊಲ್ಲಲ್ಪಟ್ಟ ನಮ್ಮ ಪ್ರೀತಿಪಾತ್ರರ ಸಮಾಧಿಗಳನ್ನು ಭೇಟಿ ಮಾಡಿದರು.  ರಹೀಮ್ ಅವರ ಕಿರಿಯ ಪುತ್ರ, ತಾಯಿ, ಸಹೋದರ ಮತ್ತು ಅತ್ತಿಗೆಯನ್ನು ಧಪನಗೈದ ಜುಮಾ ಮಸೀದಿಗೆ ಅವರು ಭೇಟಿ ನೀಡಿದರು.  ಕುಟುಂಬ ಸದಸ್ಯರನ್ನು ಭೇಟಿಯಾದ ನಂತರ, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಪತ್ನಿ ಶೆಮಿ ಅವರನ್ನು ಭೇಟಿಯಾಗಲಿದ್ದಾರೆ ಎಂದು ವರದಿಯಾಗಿದೆ.

ಅವರು ಮಾನ್ಯ ಪ್ರಯಾಣ ದಾಖಲೆಗಳೊಂದಿಗೆ ಆಗಮಿಸಿದರು. ಕೊಲ್ಲಲ್ಪಟ್ಟವರನ್ನು ಕೊನೆಯ ಬಾರಿಗೆ ಭೇಟಿಯಾಗಲು ಊರಿಗೆ ಮರಳಲು ಸಾಧ್ಯವಾಗದ ಅಫ್ಫಾನ್ ತಂದೆ ರಹೀಮ್, ಸಾಮಾಜಿಕ ಕಾರ್ಯಕರ್ತರ ಮಧ್ಯಸ್ಥಿಕೆಯಿಂದ ಈಗ ಊರಿಗೆ ಆಗಮಿಸಿದ್ದಾರೆ. ಅವರ ಇಖಾಮಾ ಅವಧಿ ಮುಗಿದ ನಂತರ ಎರಡೂವರೆ ವರ್ಷಗಳಿಂದ ಸೌದಿ ಅರೇಬಿಯಾದಲ್ಲಿ ಪ್ರಯಾಣ ನಿಷೇಧವನ್ನು ಎದುರಿಸುತ್ತಿದ್ದರು. 

ರಹೀಮ್ ನನ್ನು ಆದಷ್ಟು ಬೇಗ ಮನೆಗೆ ಕರೆತರಲು ಸಾಮಾಜಿಕ ಸಂಸ್ಥೆಗಳು ಪ್ರಯತ್ನಗಳನ್ನು ಪ್ರಾರಂಭಿಸಿದ್ದವು. ಇದು ಫಲಿತಾಂಶ ಕಂಡಿದೆ. ರಹೀಮ್ ಊರಿಗೆ ಬಾರದೆ 7 ವರ್ಷಗಳಾಗಿವೆ. ವರ್ಷಗಳ ಕಾಲ ರಿಯಾದ್‍ನಲ್ಲಿದ್ದ ರಹೀಮ್, ವ್ಯವಹಾರದಲ್ಲಿನ ಕುಸಿತದ ನಂತರ ಬಿಕ್ಕಟ್ಟಿನಲ್ಲಿದ್ದರು. ನಂತರ ದಮ್ಮಾಮ್‍ಗೆ ಸ್ಥಳಾಂತರಗೊಂಡರು.