ನವೀನ್ ಬಾಬು ಅವರನ್ನು ಸಾರ್ವಜನಿಕವಾಗಿ ಅವಮಾನಿಸಲು ಪಿ.ಪಿ. ದಿವ್ಯಾ ಯೋಜಿತ ನಡೆ ನಡೆಸಿದ್ದರು: ಭೂ ಕಂದಾಯ ಜಂಟಿ ಆಯುಕ್ತರ ವರದಿ

ತಿರುವನಂತಪುರಂ: ಬೀಳ್ಕೊಡುಗೆ ಸಮಾರಂಭದಲ್ಲಿ ಕಣ್ಣೂರು ಎಡಿಎಂ ನವೀನ್ ಬಾಬು ಅವರನ್ನು ಸಾರ್ವಜನಿಕವಾಗಿ ಅವಮಾನಿಸಲು ಪಿಪಿ ದಿವ್ಯಾ ಯೋಜಿತ ನಡೆ ನಡೆಸಿದ್ದರು ಎಂದು ಭೂ ಕಂದಾಯ ಜಂಟಿ ಆಯುಕ್ತರ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. 

ನವೀನ್ ಬಾಬು ಅವರ ಬೀಳ್ಕೊಡುಗೆ ಸಮಾರಂಭಕ್ಕೆ ಆಕಸ್ಮಿಕವಾಗಿ ಬಂದಿದ್ದೇನೆ ಎಂಬ ದಿವ್ಯಾ ಅವರ ಹೇಳಿಕೆಗಳು ಸುಳ್ಳು ಎಂದು ಹೊರಬಂದಿರುವ ಹೇಳಿಕೆಗಳು ಸಾಬೀತುಪಡಿಸುತ್ತವೆ. ಪೆಟ್ರೋಲ್ ಪಂಪ್‍ಗೆ ಅವಕಾಶ ನೀಡಲು ನವೀನ್ ಬಾಬು ಲಂಚ ಪಡೆದಿಲ್ಲ ಎಂದು ವರದಿಯಲ್ಲಿ ಹೇಳಲಾಗಿದೆ.

ಸ್ಥಳೀಯ ಚಾನೆಲ್ ಕಣ್ಣೂರು ವಿಷನ್‍ನ ಪ್ರತಿನಿಧಿಗಳು ಪಿಪಿ ದಿವ್ಯಾ ಅವರು ನವೀನ್ ಬಾಬು ವಿರುದ್ಧ ಮಾತನಾಡುವ ದೃಶ್ಯಗಳನ್ನು ಚಿತ್ರೀಕರಿಸುವಂತೆ ವಿನಂತಿಸಿದ್ದಾರೆ ಎಂದು ಹೇಳಿದೆ. ದಿವ್ಯಾ ಅವರ ಕೋರಿಕೆಯ ಮೇರೆಗೆ ಚಿತ್ರೀಕರಿಸಿದ ದೃಶ್ಯಗಳನ್ನು ಹಸ್ತಾಂತರಿಸಿದ್ದೇವೆ ಎಂದು ಚಾನೆಲ್ ಪ್ರತಿನಿಧಿಗಳು ಹೇಳಿದ್ದಾರೆ. ಜಿಲ್ಲಾ ಪಂಚಾಯತ್‍ನ ಮಾಜಿ ಅಧ್ಯಕ್ಷೆ ಪಿ.ಪಿ. ದಿವ್ಯಾ ಅವರು ತಮಗೆ ಹಲವು ಬಾರಿ ಕರೆ ಮಾಡಿದ್ದಾರೆ ಎಂದು ಜಿಲ್ಲಾಧಿಕಾರಿಗಳು ಭೂ ಕಂದಾಯ ಜಂಟಿ ಆಯುಕ್ತರಿಗೆ ಹೇಳಿಕೆ ನೀಡಿದ್ದಾರೆ. ಸಮಾರಂಭಕ್ಕೂ ಮೊದಲು ದಿವ್ಯಾ ಅವರ ಸಹಾಯಕರು ಜಿಲ್ಲಾಧಿಕಾರಿಗಳ ಸಿಬ್ಬಂದಿಗೆ ನಾಲ್ಕು ಬಾರಿ ಕರೆ ಮಾಡಿದ್ದರು ಎಂದು ಹೇಳಲಾಗಿದೆ. ಇವೆಲ್ಲವೂ ಪಿ.ಪಿ. ದಿವ್ಯಾ ಅವರು ನವೀನ್ ಬಾಬು ಅವರನ್ನು ಅವಮಾನಿಸುವ ಉದ್ದೇಶದಿಂದ ಮಾಡಿದ ನಡೆಗಳನ್ನು ಸಾಬೀತುಪಡಿಸುವ ಹೇಳಿಕೆಗಳಾಗಿವೆ.

ಪಿಪಿ ದಿವ್ಯಾ ಅವರನ್ನು ಬೀಳ್ಕೊಡುಗೆ ಸಮಾರಂಭಕ್ಕೆ ಆಹ್ವಾನಿಸಿದ್ದಕ್ಕೆ ಯಾವುದೇ ಪುರಾವೆಗಳು ತನಿಖೆಯಲ್ಲಿ ಕಂಡುಬಂದಿಲ್ಲ. ಪೆಟ್ರೋಲ್ ಪಂಪ್‍ಗೆ ಎನ್.ಒ.ಸಿ. ನೀಡುವಲ್ಲಿ ಎಡಿಎಂ ವಿಳಂಬ ಮಾಡಿಲ್ಲ ಎಂದು ಜಂಟಿ ಆಯುಕ್ತರ ವರದಿಯಲ್ಲಿ ಹೇಳಲಾಗಿದೆ.