ಕುಟುಂಬಶ್ರೀಗೆ 'ಸಿಐಡಿ' ವಿಭಾಗ! ಅಪರಾಧಗಳ ಮೂಲ ಕಾರಣಗಳನ್ನು ಪತ್ತೆಮಾಡಲು ಅಪರಾಧ ನಕ್ಷೆ ರಚನೆ.

ತೊಡುಪುಳ: ಗ್ರಾಮಾಂತರದಲ್ಲಿ ಅಪರಾಧದ ಮೂಲ ಕಾರಣಗಳನ್ನು ಪರಿಹರಿಸಲು ಕುಟುಂಬಶ್ರೀ ಕಾರ್ಯಕರ್ತರನ್ನು ಬಳಸಿಕೊಳ್ಳಲಾಗುತ್ತಿದೆ.

ಮಹಿಳೆಯರ ಮೇಲಿನ ಅಪರಾಧಗಳನ್ನು ತಡೆಗಟ್ಟಲು ಕುಟುಂಬಶ್ರೀ ಜಿಲ್ಲಾ ಮಿಷನ್‍ಗಳ ಲಿಂಗ ಅಭಿವೃದ್ಧಿ ವಿಭಾಗದ ನೇತೃತ್ವದಲ್ಲಿ ಅಪರಾಧ ನಕ್ಷೆಯನ್ನು ಪ್ರಾರಂಭಿಸಲಾಯಿತು. ಮಹಿಳೆಯರ ಮೇಲಿನ ದೌರ್ಜನ್ಯ ಮತ್ತು ಸಮಸ್ಯೆಗಳ ಕುರಿತು ಗೌಪ್ಯವಾಗಿ ಮಾಹಿತಿಯನ್ನು ಸಂಗ್ರಹಿಸಿ, ಮಹಿಳೆಯರ ಭಾಗವಹಿಸುವಿಕೆಯೊಂದಿಗೆ ಹಂಚಿಕೊಳ್ಳುವುದು ಈ ಯೋಜನೆಯ ಗುರಿಯಾಗಿದೆ.

ಅಪರಾಧಗಳನ್ನು ಅವುಗಳ ಮೂಲದಲ್ಲೇ ಪರಿಹರಿಸುವುದು ಅಪರಾಧ ನಕ್ಷೆಯ ಗುರಿಯಾಗಿದೆ ಮತ್ತು ಕುಟುಂಬಶ್ರೀ ಕಾರ್ಯಕರ್ತರು ಸಮಾಜದ ತಳಮಟ್ಟದಲ್ಲಿ ಕೆಲಸ ಮಾಡಬಹುದು ಎಂದು ಅಧಿಕಾರಿಗಳು ಹೇಳುತ್ತಾರೆ. ಇಡುಕ್ಕಿ ಜಿಲ್ಲೆಯ ಪೀರುಮೇಡು, ಉಡುಂಬನ್ನೂರು, ಕುಮಾರಮಂಗಲಂ, ಮುನ್ನಾರ್, ಅರಕ್ಕುಳಂ ಮತ್ತು ಕರುಣಪುರಂ ಎಂಬ ಆರು ಪಂಚಾಯತ್‍ಗಳಿಂದ 4,850 ಮಹಿಳೆಯರನ್ನು ಒಳಗೊಂಡ ಸಮೀಕ್ಷೆಯನ್ನು ಈಗಾಗಲೇ ನಡೆಸಲಾಗಿದೆ. ಸಮೀಕ್ಷೆಯಲ್ಲಿ ಭಾಗವಹಿಸಿದ ಮಹಿಳೆಯರು ಒಟ್ಟು 1,639 ಕಿರುಕುಳಗಳನ್ನು ಎದುರಿಸಿದ್ದಾರೆಂದು ಬಹಿರಂಗಪಡಿಸಿದ್ದಾರೆ.

ಹೆಚ್ಚಿನ ಮಹಿಳೆಯರು ಸಂಬಂಧಿಕರು ಮತ್ತು ಅಪರಿಚಿತರಿಂದ ದೌರ್ಜನ್ಯ ಮತ್ತು ಕಿರುಕುಳ  ಎದುರಿಸುತ್ತಿದ್ದಾರೆ ಎಂದು ಸಮೀಕ್ಷೆಯು ಬಹಿರಂಗಪಡಿಸಿದೆ. ಪ್ರತಿ ಸಿಡಿಎಸ್ ಅಡಿಯಲ್ಲಿ ತರಬೇತಿ ಪಡೆದ ಸಂಪನ್ಮೂಲ ವ್ಯಕ್ತಿಗಳು 6 ಪಂಚಾಯತ್‍ಗಳ ಪ್ರತಿ ವಾರ್ಡ್‍ನಲ್ಲಿ 50 ಮಹಿಳೆಯರಿಂದ ಡೇಟಾವನ್ನು ಸಂಗ್ರಹಿಸಿರುವರು.