ನಿಮ್ಮ Aadhaar Card ಎಲ್ಲೆಲ್ಲಿ ಬಳಸಲಾಗಿದೆ ನಿಮಗೊತ್ತಾ? ಈ ರೀತಿ ಸುಲಭವಾಗಿ ಪರಿಶೀಲಿಸಿಕೊಳ್ಳಿ!

 ಭಾರತದ ಪ್ರಮುಖ ದಾಖಲೆಗಳಲ್ಲಿ ಆಧಾರ್ (Aadhaar) ಒಂದಾಗಿದ್ದು ಅನೇಕ ಕಾರಣಗಳಿಗೆ ಹತ್ತಾರು ಕಡೆ ನೀಡಬೇಕಾಗುತ್ತದೆ ಆದರೆ ಎಲ್ಲೆಲ್ಲಿ ಬಳಸಲಾಗಿದೆ ತಿಳಿಯುವುದು ಮುಖ್ಯವಾಗಿದೆ. ನಿಮ್ಮ ಆಧಾರ್ ಕಾರ್ಡ್ ಸರ್ಕಾರಿ ದಾಖಲೆಗಳಲ್ಲಿ ಪ್ರಮುಖವಾದದ್ದು ಹಲವು ಸಂದರ್ಭಗಳಲ್ಲಿ ಅಗತ್ಯವಾಗಿರುತ್ತದೆ. ಬ್ಯಾಂಕ್ ಖಾತೆ ತೆರೆಯುವುದರಿಂದ ಹಿಡಿದು ಹೊಸ ಸಿಮ್ ಕಾರ್ಡ್ ಪಡೆಯುವವರೆಗೆ ಎಲ್ಲದಕ್ಕೂ ಇದನ್ನು ಬಳಸಬೇಕಾಗುತ್ತದೆ. ಇದಲ್ಲದೆ ಪ್ರವಾಸದ ಸಮಯದಲ್ಲಿ ಹೋಟೆಲ್‌ನಲ್ಲಿ ಚೆಕ್‌-ಇನ್ ಸಮಯದಲ್ಲಿಯೂ ಆಧಾರ್ ಕಾರ್ಡ್ (Aadhaar Card) ಅನ್ನು ಸಲ್ಲಿಸಬೇಕಾಗುತ್ತದೆ.

ಹೆಚ್ಚು ಅಂತಹ ಪರಿಸ್ಥಿತಿಯಲ್ಲಿ ಅನೇಕ ಬಳಕೆದಾರರು ತಮ್ಮ ಆಧಾರ್ ಕಾರ್ಡ್ ಅಥವಾ ಡೇಟಾವನ್ನು ದುರುಪಯೋಗಪಡಿಸಿಕೊಳ್ಳಬಹುದು ಎಂದು ಭಯಪಡುತ್ತಾರೆ. ನಿಮ್ಮ ಆಧಾರ್ ಕಾರ್ಡ್ (Aadhaar Card) ಅನ್ನು ಎಲ್ಲಿ ಬಳಸಲಾಗಿದೆ ಎಂಬುದನ್ನು ನೀವು ಸುಲಭವಾಗಿ ಪರಿಶೀಲಿಸಬಹುದು. ಬಹಳ ಸರಳವಾದ ಪ್ರಕ್ರಿಯೆಯೊಂದಿಗೆ ಒಬ್ಬರು ತಮ್ಮ ಆಧಾ‌ರ್ ಡೇಟಾವನ್ನು ಎಲ್ಲಿ ಬಳಸಲಾಗಿದೆ ಎಂಬುದನ್ನು ಮನೆಯಿಂದಲೇ ಸುಲಭವಾಗಿ ಪರಿಶೀಲಿಸಬಹುದು. ಅಂತಹ ಪರಿಸ್ಥಿತಿಯಲ್ಲಿ ಯಾರಾದರೂ ನಿಮ್ಮ ಆಧಾರ್ ಕಾರ್ಡ್ (Aadhaar Card) ದುರುಪಯೋಗಪಡಿಸಿಕೊಂಡರೆ ನಿಮಗೆ ಅದರ ಬಗ್ಗೆ ತಿಳಿಯುತ್ತದೆ. ನೀವು ಬಯಸಿದರೆ ನಿಮ್ಮ ಬಯೋಮೆಟ್ರಿಕ್ ಮಾಹಿತಿಯನ್ನು ಲಾಕ್-ಅನ್ಸಾಕ್ ಮಾಡಬಹುದು.

Aadhaar Card ಎಲ್ಲೆಲ್ಲಿ ಬಳಸಲಾಗಿದೆ ಪರಿಶೀಲಿಸುವುದು ಹೇಗೆ?

Aadhaar Card Update

• ಮೊದಲು UIDAI ಅಧಿಕೃತ ವೆಬ್‌ಸೈಟ್ https://uidai.gov.in ಹೋಗಿ.
• ಇಲ್ಲಿ ನೀವು “ಮೈ ಆಧಾರ್” ಆಯ್ಕೆಯನ್ನು ಕ್ಲಿಕ್ ಮಾಡಬೇಕು.
• ಈಗ ತೋರಿಸಿರುವ ಆಯ್ಕೆಗಳಿಂದ ‘ಆಧಾರ್ ದೃಢೀಕರಣ ಹಿಸ್ಟರಿ’ ಮೇಲೆ ಟ್ಯಾಪ್ ಮಾಡಿ.
• ಇದರ ನಂತರ ನೀವು 12 ಅಂಕಿಯ ಆಧಾರ್ ಸಂಖ್ಯೆಯನ್ನು ನಮೂದಿಸಿ ಕ್ಯಾಪ್ಟಾ ಕೋಡ್ ಅನ್ನು ನಮೂದಿಸಬೇಕು.
• ನೋಂದಾಯಿತ ಫೋನ್ ಸಂಖ್ಯೆಗೆ ಸ್ವೀಕರಿಸಿದ ಒಂದು ಬಾರಿಯ ಪಾಸ್‌ವರ್ಡ್ (OTP) ಅನ್ನು ನಮೂದಿಸಬೇಕಾಗುತ್ತದೆ.
• ಅಧಾರ್ ಹಿಸ್ಟರಿ ಸ್ಕ್ರೀನ್ ಮೇಲೆ ಕಾಣಿಸುತ್ತದೆ ಮತ್ತು ನೀವು ಆಧಾರ್ ಕಾರ್ಡ್ ಅನ್ನು ಯಾವಾಗ ಮತ್ತು ಎಲ್ಲಿ ಬಳಸಿದ್ದೀರಿ ಎಂಬುದನ್ನು ತೋರಿಸಲಾಗುತ್ತದೆ.
• ಆಧಾರ್ ಕಾರ್ಡ್ ಹಿಸ್ಟರಿಯಲ್ಲಿ ನಿಮಗೆ ಗುರುತಿಸಲಾಗದ ಯಾವುದೇ ನಮೂದು ಕಂಡುಬಂದರೆ ತಕ್ಷಣ ಜಾಗರೂಕರಾಗಿರಿ.

ಹೆಚ್ಚು ಸುರಕ್ಷತೆಗಾಗಿ ನಿಮ್ಮ ಆಧಾ‌ರ್ (Aadhaar) ಲಾಕ್ ಮತ್ತು ಅನ್ಲಾಕ್ ಮಾಡಬಹುದು

ಹೌದು, ನೀವು ಹೆಚ್ಚು ಸುರಕ್ಷತೆಗಾಗಿ ನಿಮ್ಮ ಆಧಾ‌ರ್ (Aadhaar) ಲಾಕ್ ಮತ್ತು ಅನ್ಲಾಕ್ ಮಾಡಬಹುದು. ಇದನ್ನು ನೀವು ಮೈ ಆಧಾರ್ ವಿಭಾಗದಲ್ಲಿಯೇ ಆಧಾರ್ ಸೇವೆಗಳನ್ನು ಟ್ಯಾಪ್ ಮಾಡಬೇಕು. ಇಲ್ಲಿ ನೀವು ಲಾಕ್/ಅನ್‌ಲಾಕ್ ಬಯೋಮೆಟ್ರಿಕ್ಸ್ ಅನ್ನು ಆರಿಸಿಕೊಳ್ಳಬೇಕು. ನೀವು ಬಯಸಿದರೆ ನೀವು ಮಾನ್ಸ್ ಆಧಾ‌ರ್ ಅನ್ನು ಡೌನ್‌ಲೋಡ್ ಮಾಡಬಹುದು ಇದರಲ್ಲಿ ನಿಮ್ಮ ಸಂಪೂರ್ಣ ಆಧಾರ್ ಸಂಖ್ಯೆ ಗೋಚರಿಸುವುದಿಲ್ಲ. ಸರ್ಕಾರ ಇತ್ತೀಚೆಗೆ ಹೊಸ ಆಧಾ‌ರ್ ಆ್ಯಪ್ ಅನ್ನು ಪರಿಚಯಿಸಿದ್ದು ಅದರ ಮೂಲಕ ಐಡಿ ಪರಿಶೀಲನೆಯನ್ನು ಸುರಕ್ಷಿತ ರೀತಿಯಲ್ಲಿ ಮಾಡಬಹುದು.