ಪಂಜಾಬ್‌ನಲ್ಲಿ ಭಯೋತ್ಪಾದಕ ದಾಳಿ; ಅಮೆರಿಕದಲ್ಲಿ ಉಗ್ರ 'ಹ್ಯಾಪಿ ಪಾಸಿಯಾ' ಬಂಧನ

 ವಾಷಿಂಗ್ಟನ್: ಪಂಜಾಬ್‌ನಲ್ಲಿ ನಡೆದ ಭಯೋತ್ಪಾದಕ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉಗ್ರ ಹರ್‌ಪ್ರೀತ್ ಸಿಂಗ್ ಅಲಿಯಾಸ್ 'ಹ್ಯಾಪಿ ಪಾಸಿಯಾ'ನನ್ನು ಅಮೆರಿಕದ ಫೆಡರಲ್ ಬ್ಯುರೋ ಇನ್ವೆಸ್ಟಿಗೇಷನ್‌ (ಎಫ್‌ಬಿಐ) ಇಂದು (ಶುಕ್ರವಾರ) ಸ್ಯಾಕ್ರಮೆಂಟೊದಲ್ಲಿ ಬಂಧಿಸಿದೆ. ಈ ಸಂಬಂಧ ಎಫ್‌ಬಿಐ ಸ್ಯಾಕ್ರಮೆಂಟೊ, ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಚಿತ್ರ ಹಂಚಿಕೊಂಡಿದೆ.

ಎರಡು ಅಂತರರಾಷ್ಟ್ರೀಯ ಭಯೋತ್ಪಾದಕ ಗುಂಪುಗಳೊಂದಿಗೆ ನಂಟು ಹೊಂದಿದ್ದ ಹರ್‌ಪ್ರೀತ್, ಅಮೆರಿಕಕ್ಕೆ ಅಕ್ರಮವಾಗಿ ಪ್ರವೇಶಿಸಿದ್ದನು. ಅಲ್ಲದೆ ಬಂಧನವನ್ನು ತಪ್ಪಿಸಿಕೊಳ್ಳು ಸಾಮಾನ್ಯ ಫೋನ್ ಬಳಕೆ ಮಾಡುತ್ತಿದ್ದನು ಎಂದು ಎಫ್‌ಬಿಐ ತಿಳಿಸಿದೆ.

ಚಂಡೀಘಡದಲ್ಲಿ ಗ್ರೆನೇಡ್ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹರ್‌ಪ್ರೀತ್ ಸಿಂಗ್ ಹಾಗೂ ಇತರೆ ನಾಲ್ವರ ವಿರುದ್ಧ ಎನ್‌ಐಎ ಚಾರ್ಜ್‌ಶೀಟ್ ಸಲ್ಲಿಸಿತ್ತು.