ಪೂರ್ವ ಪ್ರಾಥಮಿಕ ಶಿಕ್ಷಕರ ಗೌರವಧನ ಹೆಚ್ಚಳ. ಏಕ ಪೀಠದ ಆದೇಶಕ್ಕೆ ತಡೆಯಾಜ್ಞೆ

ಕೊಚ್ಚಿ: ಸರ್ಕಾರಿ ಶಾಲೆಗಳಲ್ಲಿ ಆಯಾ ಪಿಟಿಎ ಪೂರ್ವ ಪ್ರಾಥಮಿಕ ಶಾಲೆಗಳ ಶಿಕ್ಷಕರ ಗೌರವ ಧನ ಹೆಚ್ಚಿಸಲು ತೆಗೆದುಕೊಂಡ ಕ್ರಮಕ್ಕೆ ಹೈಕೋರ್ಟ್ ತಡೆ ನೀಡಿದೆ.

ಸರ್ಕಾರಿ ಶಾಲೆಗಳ ಪಿಟಿಎ ಯು ನೇಮಕಗೊಂಡ ಶಿಕ್ಷಕರ ಗೌರವ ಧನವನ್ನು ರೂ..27,500 ಮತ್ತು ಆಯಾಗಳಿಗೆ ರೂ. 22,500 ಗೆ ಹೆಚ್ಚಿಸುವಂತೆ ನಿರ್ದೇಶಿಸಿದ್ದ ಏಕ ಪೀಠದ ಆದೇಶವನ್ನು ಹೈಕೋರ್ಟ್ ವಿಭಾಗೀಯ ಪೀಠ ಮೂರು ತಿಂಗಳ ಕಾಲ ತಡೆಹಿಡಿದಿದೆ. ರಾಜ್ಯ ಸರ್ಕಾರ ಸಲ್ಲಿಸಿದ ಮೇಲ್ಮನವಿಯನ್ನು ಆಧರಿಸಿ ಈ ಕ್ರಮ ಕೈಗೊಳ್ಳಲಾಗಿದೆ.

ನ್ಯಾಯಮೂರ್ತಿಗಳಾದ ಅನಿಲ್ ಕೆ ನರೇಂದ್ರನ್ ಮತ್ತು ಎಸ್ ಮುರಳಿ ಕೃಷ್ಣ ಅವರನ್ನೊಳಗೊಂಡ ಪೀಠವು ಜೂನ್ 23 ರಂದು ಮೇಲ್ಮನವಿಯಲ್ಲಿ ವಿವರವಾದ ವಾದಗಳನ್ನು ಆಲಿಸಲಿದೆ.

ಗೌರವಧನದ ಮೊತ್ತವನ್ನು ಸರ್ಕಾರಿ ಆಡಳಿತ ಮಟ್ಟದಲ್ಲಿ ನಿರ್ಧರಿಸಬೇಕು ಮತ್ತು ಅದನ್ನು ಹೆಚ್ಚಿಸಬೇಕೆಂದು ಹೇಳಲು ನ್ಯಾಯಾಲಯಕ್ಕೆ ಯಾವುದೇ ಅಧಿಕಾರವಿಲ್ಲ ಎಂದು ಶಿಕ್ಷಣ ಇಲಾಖೆ ಅರ್ಜಿಯನ್ನು ಸಲ್ಲಿಸಿಸಿತ್ತು. 

ಅಖಿಲ ಕೇರಳ ಪೂರ್ವ ಪ್ರಾಥಮಿಕ ಸಿಬ್ಬಂದಿ ಸಂಘ ಮತ್ತು ಶಿಕ್ಷಕರು ಸಲ್ಲಿಸಿದ್ದ ಅರ್ಜಿಯನ್ನು ಪರಿಗಣಿಸಿದ ನಂತರ ಏಕ ಪೀಠವು ವೇತನ ಹೆಚ್ಚಳಕ್ಕೆ ಆದೇಶಿಸಿತ್ತು.

ಸರ್ಕಾರಿ ಪ್ರಿ-ಸ್ಕೂಲ್‍ಗಳಲ್ಲಿ ಶಿಕ್ಷಕರಿಗೆ ಏಕರೂಪದ ವೇತನ ಶ್ರೇಣಿ ಸೇರಿದಂತೆ ಸೇವಾ ಷರತ್ತುಗಳನ್ನು ಸ್ಥಾಪಿಸಲು ಆದೇಶಗಳನ್ನು ಹೊರಡಿಸಬೇಕೆಂದು ಸಂಘವು ಒತ್ತಾಯಿಸಿದೆ.

ದೈನಂದಿನ ಖರ್ಚುಗಳ ಹೆಚ್ಚಳವನ್ನು ಗಣನೆಗೆ ತೆಗೆದುಕೊಂಡು ಸಂಬಳವನ್ನು ಹೆಚ್ಚಿಸಬೇಕು ಎಂದು ನ್ಯಾಯಾಲಯವು ನಿರ್ಣಯಿಸಿತ್ತು.