ನಾಲ್ಕು ವರ್ಷಗಳಲ್ಲಿ ಇದೇ ಮೊದಲು- ಕೆಎಸ್‍ಆರ್‍ಟಿಸಿ ನೌಕರರಿಗೆ ಪೂರ್ಣ ವೇತನ ಪಾವತಿ

ತಿರುವನಂತಪುರಂ: ಕೆಎಸ್‍ಆರ್‍ಟಿಸಿ ನೌಕರರಿಗೆ ಮಾರ್ಚ್ ತಿಂಗಳ ವೇತನವನ್ನು ಒಂದೇ ಕಂತಿನಲ್ಲಿ ವಿತರಿಸಲಾಗಿದೆ. ಡಿಸೆಂಬರ್ 2020 ರ ನಂತರ ಇದೇ ಮೊದಲ ಬಾರಿಗೆ ವೇತನವನ್ನು ಪೂರ್ಣವಾಗಿ ಒಂದನೇ ತಾರೀಖಿನಂದು ಪಾವತಿಸಲಾಗಿದೆ.

ಓವರ್‍ಡ್ರಾಫ್ಟ್ ತೆಗೆದುಕೊಂಡು ಸಂಬಳ ಕೊಡಬೇಕಿತ್ತು. ಇನ್ನು ಮುಂದೆ, ಪ್ರತಿ ತಿಂಗಳ ಮೊದಲ ದಿನದಂದು ಎಸ್.ಬಿ.ಐ. ನಿಂದ 10.8% ಬಡ್ಡಿದರದಲ್ಲಿ 100 ಕೋಟಿ ಓವರ್‍ಡ್ರಾಫ್ಟ್ ತೆಗೆದುಕೊಳ್ಳುವ ಮೂಲಕ ಸಂಬಳವನ್ನು ಪಾವತಿಸಲಾಗಿದೆ.

ಸರ್ಕಾರದ ನೆರವು ಸಿಕ್ಕ ನಂತರ ಈ ಮೊತ್ತದಲ್ಲಿ 50 ಕೋಟಿ ರೂಪಾಯಿಗಳನ್ನು ಮರುಪಾವತಿಸುವುದಾಗಿ ಕೆಎಸ್‍ಆರ್‍ಟಿಸಿ ತಿಳಿಸಿದೆ. ಮುಂದಿನ ತಿಂಗಳ ಮೊದಲ ದಿನದಂದು ನೌಕರರ ಪೂರ್ಣ ವೇತನವನ್ನು ಪಾವತಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.