ಮಾಸಿಕ ಲಂಚ ಪ್ರಕರಣ: ಮೌಖಿಕ ಭರವಸೆಯ ಪ್ರಸ್ತುತತೆ ಏನು ಎಂದು ಕೇಳಿದ ದೆಹಲಿ ಹೈಕೋರ್ಟ್

ನವದೆಹಲಿ: ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಪುತ್ರಿ ವೀಣಾ ಅವರ ಮಾಸಿಕ ಲಂಚ ಪ್ರಕರಣದ ಮುಂದಿನ ವಿಚಾರಣೆಗೆ ತಡೆ ನೀಡಬೇಕೆಂದು ಕೋರಿ ಸಿಎಂಆರ್ಎಲ್ ಸಲ್ಲಿಸಿದ್ದ ಅರ್ಜಿಯ ಅಂತಿಮ ವಾದಗಳನ್ನು ದೆಹಲಿ ಹೈಕೋರ್ಟ್ ನಾಳೆ ಆಲಿಸಲಿದೆ.

ನ್ಯಾಯಾಲಯವು ಎಸ್.ಎಫ್.ಐ.ಒ ಮತ್ತು ಕೇಂದ್ರ ಕಾರ್ಪೋರೇಟ್ ವ್ಯವಹಾರಗಳ ಸಚಿವಾಲಯಕ್ಕೆ ನೋಟಿಸ್ ಕಳುಹಿಸಿದೆ. ತನಿಖೆಯ ವಿರುದ್ಧ ಸಿಎಂಆರ್‍ಎಲ್ ಸಲ್ಲಿಸಿದ್ದ ಹಿಂದಿನ ಅರ್ಜಿಯ ವಿಚಾರಣೆಯೂ ನಾಳೆ ನಡೆಯಲಿದೆ.

ತನಿಖೆಯನ್ನು ಪ್ರಶ್ನಿಸುವ ಅರ್ಜಿಯನ್ನು ಇತ್ಯರ್ಥಪಡಿಸುವವರೆಗೆ ಪ್ರಕರಣದಲ್ಲಿ ಯಾವುದೇ ಮುಂದಿನ ಕ್ರಮ ಕೈಗೊಳ್ಳಲಾಗುವುದಿಲ್ಲ ಎಂದು ಈ ಹಿಂದೆ ಮೌಖಿಕವಾಗಿ ಹೇಳಲಾಗಿತ್ತು ಮತ್ತು ಇದನ್ನು ಉಲ್ಲಂಘಿಸಲಾಗಿದೆ ಎಂದು ಸಿಎಂಆರ್.ಎಲ್. ವಾದಿಸಿತು. ಸೆಪ್ಟೆಂಬರ್‍ನಲ್ಲಿ ಪ್ರಕರಣವನ್ನು ಪರಿಗಣಿಸಿದಾಗ ಈ ಭರವಸೆಯನ್ನು ನೀಡಲಾಯಿತು ಎಂಬುದು ಸಿಎಂಆರ್.ಎಲ್. ನ ವಾದ. ಆದರೆ, ಅವರು ಅಂತಹ ಭರವಸೆ ನೀಡಿಲ್ಲ ಎಂದು ಎಸ್.ಎಫ್.ಐ.ಒ ವಕೀಲರು ಸ್ಪಷ್ಟಪಡಿಸಿದರು. ಪ್ರಕರಣವನ್ನು ಪರಿಗಣಿಸಿದ ನ್ಯಾಯಾಧೀಶ ಗಿರೀಶ್ ಕಠ್ಪಾಲಿಯಾ, ಕಕ್ಷಿದಾರರು ಪರಸ್ಪರ ನೀಡಿದ ಈ ಭರವಸೆಯ ಪ್ರಸ್ತುತತೆ ಏನು ಎಂದು ಕೇಳಿದರು.

ಎಸ್.ಎಫ್.ಐ.ಒ ಪ್ರಕರಣದ ವರದಿಯನ್ನು ವಿಚಾರಣಾ ನ್ಯಾಯಾಲಯಕ್ಕೆ ರವಾನಿಸಿದ್ದು, ಆ ವರದಿಯ ಆಧಾರದ ಮೇಲೆ ಯಾವುದೇ ಮುಂದಿನ ಕ್ರಮ ಕೈಗೊಳ್ಳಬಾರದು ಎಂದು ಅಒಖಐ ವಿನಂತಿಸಿದೆ. ಆದಾಗ್ಯೂ, ವರದಿ ಸಲ್ಲಿಸುತ್ತಿರುವ ಸಂದರ್ಭದಲ್ಲಿ ಈ ವಿನಂತಿಯ ಪ್ರಸ್ತುತತೆ ಮತ್ತು ಅರ್ಜಿಯು ನಿಲ್ಲುತ್ತದೆಯೇ ಎಂದು ನ್ಯಾಯಾಲಯವು ವಿಚಾರಿಸಿತು.

ಇಡಿ ತನಿಖೆ ಸೇರಿದಂತೆ ಇನ್ನೂ ಸಾಧ್ಯತೆಗಳಿವೆ ಎಂದು ಸಿಎಂಆರ್ಎಲ್ ವಕೀಲರು ಪ್ರತಿಕ್ರಿಯಿಸಿದರು. ನಂತರ ನ್ಯಾಯಾಲಯವು ಮುಂದುವರಿದ ತನಿಖೆಯ ವಿರುದ್ಧದ ಅರ್ಜಿಯ ಕುರಿತು ನೋಟಿಸ್ ಕಳುಹಿಸಲು ಆದೇಶಿಸಿತು.

ಪ್ರಕರಣದ ವಾದಗಳನ್ನು ಆಲಿಸಿ ತೀರ್ಪು ನೀಡಲು ಈ ಹಿಂದೆ ವರ್ಗಾವಣೆಯಾಗಿದ್ದ ನ್ಯಾಯಮೂರ್ತಿ ಚಂದ್ರಧಾರಿ ಸಿಂಗ್ ಅವರನ್ನು ಅಲಹಾಬಾದ್ ಹೈಕೋರ್ಟ್‍ಗೆ ವರ್ಗಾಯಿಸಲಾಗಿತ್ತು. ನಂತರ ನ್ಯಾಯಮೂರ್ತಿ ಗಿರೀಶ್ ಕಠ್ಪಾಲಿಯಾ ಅವರು ಮತ್ತೆ ವಾದಗಳನ್ನು ಆಲಿಸಲಿದ್ದಾರೆ.

ಕೊಚ್ಚಿ ನ್ಯಾಯಾಲಯದಲ್ಲಿ ಮುಂದಿನ ವಿಚಾರಣೆ ಆರಂಭವಾಗುತ್ತಿದ್ದಂತೆಯೇ ಸಿಎಂಆರ್‍ಎಲ್ ಹೈಕೋರ್ಟ್‍ನಲ್ಲಿ ಅರ್ಜಿ ಸಲ್ಲಿಸಿತು. ಹೈಕೋರ್ಟ್‍ನ ಅನುಮತಿಯಿಲ್ಲದೆ ವಿಚಾರಣೆಯನ್ನು ಪ್ರಾರಂಭಿಸಬಾರದು ಎಂದು ಅರ್ಜಿಯಲ್ಲಿ ವಿನಂತಿಸಲಾಗಿದೆ.