ನೀವು ಕೇಕ್ ಮತ್ತು ಬಿಸ್ಕತ್ತು ಸೇವಿಸುವವರೇ? ಹಾಗಾದರೆ ನೀವು ಈ ಅಧ್ಯಯನ ವರದಿಯನ್ನು ಓದಿ

ಹೆಚ್ಚು ಸಂಸ್ಕರಿಸಿದ ಆಹಾರವನ್ನು ಸೇವಿಸುವ ಜನರು ಅಕಾಲಿಕವಾಗಿ ಸಾಯುವ ಸಾಧ್ಯತೆ ಹೆಚ್ಚು ಎಂದು ಅಮೇರಿಕನ್ ಜರ್ನಲ್ ಆಫ್ ಪ್ರಿವೆಂಟಿವ್ ಮೆಡಿಸಿನ್‍ನಲ್ಲಿ ಪ್ರಕಟವಾದ ಅಧ್ಯಯನವೊಂದು ತಿಳಿಸಿದೆ.

ಈ ಅಧ್ಯಯನವು ಎಂಟು ದೇಶಗಳಲ್ಲಿನ ಆಹಾರಕ್ರಮವನ್ನು ಅಧ್ಯಯನಗೈದಿದೆ. ಆಸ್ಟ್ರೇಲಿಯಾ, ಬ್ರೆಜಿಲ್, ಕೆನಡಾ, ಚಿಲಿ, ಕೊಲಂಬಿಯಾ, ಮೆಕ್ಸಿಕೊ, ಯುಕೆ ಮತ್ತು ಯುಎಸ್ ಕೇಂದ್ರೀಓಕರಿಸಿ ಈ ಅಧ್ಯಯನ ನಡೆಸಲಾಗಿದೆ. ಸಂಸ್ಕರಿಸಿದ ಮಾಂಸ, ಕೇಕ್‍ಗಳು, ಬಿಸ್ಕತ್ತುಗಳು, ತಂಪು ಪಾನೀಯಗಳು ಮತ್ತು ಐಸ್ ಕ್ರೀಮ್‍ಗಳು ಯುಪಿಎಫ್ (ಅಲ್ಟ್ರಾ-ಪ್ರೊಸೆಸ್ಡ್ ಆಹಾರ) ವರ್ಗಕ್ಕೆ ಸೇರುತ್ತವೆ.

ಅಂತಹ ಆಹಾರಗಳಲ್ಲಿರುವ ಸಿಹಿಕಾರಕಗಳು, ಸೇರ್ಪಡೆಗಳು ಮತ್ತು ರಾಸಾಯನಿಕಗಳು ಅಪಾಯಕಾರಿ ಏಕೆಂದರೆ ಅವು ದೇಹಕ್ಕೆ ಹೆಚ್ಚಿನ ಪ್ರಮಾಣದ ಕೊಬ್ಬು, ಉಪ್ಪು ಮತ್ತು ಸಕ್ಕರೆಯನ್ನು ತಲುಪಿಸುತ್ತವೆ.

ಆದರೆ ವ್ಯಕ್ತಿಯ ಆಹಾರದಲ್ಲಿ ಯುಪಿಎಫ್ ಆಹಾರಗಳ ಪ್ರಮಾಣವು ಅವರ ಒಟ್ಟಾರೆ ಆಹಾರ, ವ್ಯಾಯಾಮ ಮತ್ತು ಜೀವನಶೈಲಿಗೆ ಸಂಬಂಧಿಸಿದೆ ಎಂದು ಅಧ್ಯಯನ ಹೇಳುತ್ತದೆ.

ಅಂಕಿಅಂಶಗಳ ಪ್ರಕಾರ, 2018 ರಲ್ಲಿ, ಅಮೆರಿಕದಲ್ಲಿ ಅಲ್ಟ್ರಾ-ಸಂಸ್ಕರಿಸಿದ ಆಹಾರ ಸೇವನೆಯಿಂದಾಗಿ 124,000 ಅಕಾಲಿಕ ಮರಣಗಳು ಸಂಭವಿಸಿವೆ. ಮತ್ತು ಯುಕೆಯಲ್ಲಿ ಸುಮಾರು 18,000 ಸಾವುಗಳು ವರದಿಯಾಗಿವೆ.