87 ನಗರಸಭೆಗಳಲ್ಲಿ 3241 ವಾರ್ಡ್‍ಗಳು, ಆರು ಕಾರ್ಪೋಶನ್ ಗಳಲ್ಲಿ 421 ವಾರ್ಡ್‍ಗಳು: ಅಂತಿಮ ಅಧಿಸೂಚನೆ ಪ್ರಕಟ

ತಿರುವನಂತಪುರಂ: ರಾಜ್ಯದ 86 ನಗರಸಭೆಗಳು ಮತ್ತು ಆರು ಕಾರ್ಪೋರೇಶನ್ ಗಳಲ್ಲಿ ನಡೆದ ವಾರ್ಡ್ ವಿಭಾಗದ ಅಂತಿಮ ಅಧಿಸೂಚನೆಯನ್ನು ಹೊರಡಿಸಲಾಗಿದೆ.

ಡಿಲಿಮಿಟೇಶನ್ ಆಯೋಗದ ಸಭೆಯು ಅಂತಿಮ ಅಧಿಸೂಚನೆಯನ್ನು ಅನುಮೋದಿಸಿದೆ. ಆಯೋಗದ ಅಧ್ಯಕ್ಷ ರಾಜ್ಯ ಚುನಾವಣಾ ಆಯುಕ್ತ ಎ. ಶಹಜಹಾನ್ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಸದಸ್ಯರಾದ ಡಾ. ರತನ್ ಯು ಖೇಲ್ಕರ್, ಕೆ. ಬಿಜು, ಎಸ್. ಹರಿಕಿಶೋರ್ ಮತ್ತು ಡಾ. ಕೆ. ವಾಸುಕಿ ಭಾಗವಹಿಸಿದ್ದರು.

ರಾಜ್ಯದಲ್ಲಿ ನಗರಸಭೆಗಳು ಮತ್ತು ಕಾರ್ಪೋರೇಶನ್ ಗಳಲ್ಲಿ ವಾರ್ಡ್‍ಗಳ ಸಂಖ್ಯೆಯನ್ನು ಮರು ವ್ಯಾಖ್ಯಾನಿಸಿ ಸರ್ಕಾರ ಅಧಿಸೂಚನೆ ಹೊರಡಿಸಿತ್ತು. ಇದರ ಪ್ರಕಾರ, ನಗರಸಭೆಗಳಲ್ಲಿ ಕನಿಷ್ಠ 26 ಮತ್ತು ಗರಿಷ್ಠ 53 ವಾರ್ಡ್‍ಗಳು ಇರಬೇಕು. ಕಾರ್ಪೋರೇಶನ್ ಗಳಲ್ಲಿ, ಅವು ಕ್ರಮವಾಗಿ 56 ಮತ್ತು 101 ಇರಬಹುದಾಗಿದೆ.

2011 ರ ಜನಗಣತಿಯ ಜನಸಂಖ್ಯೆಯ ಆಧಾರದ ಮೇಲೆ ವಾರ್ಡ್‍ಗಳ ಸಂಖ್ಯೆಯನ್ನು ಪರಿಷ್ಕರಿಸಲಾಯಿತು. ನಗರಸಭೆಗಳಲ್ಲಿ 128 ವಾರ್ಡ್‍ಗಳು ಮತ್ತು ಕಾರ್ಪೋರೇಶನ್ ಗಳಲ್ಲಿ ಏಳು ವಾರ್ಡ್‍ಗಳ ಹೆಚ್ಚಳ ಕಂಡುಬಂದಿದೆ.

ಮೊದಲ ಹಂತದ ಪುನರ್ವಿಂಗಡಣೆ ಪ್ರಕ್ರಿಯೆ ಪೂರ್ಣಗೊಂಡ ನಂತರ, ರಾಜ್ಯದ 941 ಗ್ರಾಮ ಪಂಚಾಯಿತಿಗಳಲ್ಲಿ 17337 ವಾರ್ಡ್‍ಗಳು, 87 ನಗರಸಭೆಗಳಲ್ಲಿ 3241 ವಾರ್ಡ್‍ಗಳು ಮತ್ತು ಆರು ಕಾರ್ಪೋರೇಶನ್ ಗಳಲ್ಲಿ 421 ವಾರ್ಡ್‍ಗಳು ಇರುತ್ತವೆ. ವಾರ್ಡ್ ಪುನರ್ವಿಂಗಡಣೆಯ ಅಂತಿಮ ಅಧಿಸೂಚನೆಯು ರಾಜ್ಯ ಮುದ್ರಣ ಇಲಾಖೆಯ ಇ-ಗೆಜೆಟ್ ವೆಬ್‍ಸೈಟ್‍ನಲ್ಲಿ (www.compose.kerala.gov.in) ಲಭ್ಯವಿರುತ್ತದೆ.