ವಿದೇಶದಲ್ಲಿ ಉದ್ಯೋಗ ಕೊಡಿಸುವುದಾಗಿ ಹೇಳಿ ಲಕ್ಷ ಲಕ್ಷ ವಂಚನೆ; ಕೊಚ್ಚಿಯ ವೈದ್ಯೆಯ ಬಂಧನ

ಕೊಚ್ಚಿ: ವಿದೇಶದಲ್ಲಿ ಉದ್ಯೋಗ ನೀಡುವುದಾಗಿ ನಂಬಿಸಿ ಜನರನ್ನು ವಂಚಿಸುತ್ತಿದ್ದ ಮಹಿಳೆಯೊಬ್ಬರನ್ನು ಬಂಧಿಸಲಾಗಿದೆ. ಪತ್ತನಂತಿಟ್ಟ ಮೂಲದ ಡಾ. ಕಾರ್ತಿಕಾ ಪ್ರದೀಪ್ ಅವರನ್ನು ಎರ್ನಾಕುಳಂ ಸೆಂಟ್ರಲ್ ಪೋಲೀಸರು ಬಂಧಿಸಿದ್ದಾರೆ. ಕಾರ್ತಿಕಾ ಪ್ರದೀಪ್ 'ಟೇಕ್ ಆಫ್ ಓವರ್ಸೀಸ್ ಎಜುಕೇಷನಲ್ ಕನ್ಸಲ್ಟೆನ್ಸಿ'ಯ ಮಾಲೀಕರು.

ಯುಕೆ ಸೇರಿದಂತೆ ದೇಶಗಳಲ್ಲಿ ಉದ್ಯೋಗದ ಭರವಸೆ ನೀಡಿ ಮಹಿಳೆ ವಂಚನೆ ಮಾಡಿದ್ದಾಳೆ. ದೂರುದಾರರು ತ್ರಿಶೂರ್ ಮೂಲದ ಯುವತಿ. ಯುಕೆಯಲ್ಲಿ ಸಮಾಜ ಸೇವಕಿ ಹುದ್ದೆ ನೀಡುವ ಭರವಸೆ ನೀಡಿ ಹಲವು ಬಾರಿ 5.23 ಲಕ್ಷ ರೂಪಾಯಿಗಳನ್ನು ಪಡೆಯಲಾಗಿದೆ ಎಂದು ಪ್ರಕರಣದಲ್ಲಿ ಆರೋಪಿಸಲಾಗಿದೆ. ದೂರುದಾರರು ಆಗಸ್ಟ್ 26 ಮತ್ತು ಡಿಸೆಂಬರ್ 14, 2024 ರ ನಡುವೆ ತಮ್ಮ ಬ್ಯಾಂಕ್ ಖಾತೆ ಮತ್ತು ಆನ್‍ಲೈನ್ ವಹಿವಾಟಿನ ಮೂಲಕ ಪಾವತಿಸಿದ್ದಾರೆ.

ರಾಜ್ಯದ ವಿವಿಧ ಭಾಗಗಳಿಂದ ಕಾರ್ತಿಕಾ ವಿರುದ್ಧ ದೂರುಗಳು ಬಂದಿವೆ ಎಂದು ಪೆÇಲೀಸರು ತಿಳಿಸಿದ್ದಾರೆ. ಅವರ ವಿರುದ್ಧ 10 ಜಿಲ್ಲೆಗಳ ಪೆÇಲೀಸ್ ಠಾಣೆಗಳಲ್ಲಿ ಪ್ರಕರಣಗಳು ದಾಖಲಾಗಿವೆ.