ಶೂಟಿಂಗ್ ತರಬೇತುದಾರ, ದ್ರೋಣಾಚಾರ್ಯ ಪುರಸ್ಕøತ ಸನ್ನಿ ಥಾಮಸ್ ನಿಧನ; ಒಲಿಂಪಿಯನ್ ಅಭಿನವ್ ಬಿಂದ್ರಾ ಅವರ ತರಬೇತುದಾರ

ಕೊಟ್ಟಾಯಂ: ಶೂಟಿಂಗ್ ತರಬೇತುದಾರ ಮತ್ತು ದ್ರೋಣಾಚಾರ್ಯ ಪ್ರಶಸ್ತಿ ವಿಜೇತ ಫ್ರೊಫೆಸರ್ ಸನ್ನಿ ಥಾಮಸ್ (83) ನಿನ್ನೆ ನಿಧನರಾಗಿದ್ದಾರೆ. ಕೊಟ್ಟಾಯಂನ ಉಝವೂರಿನಲ್ಲಿರುವ ತಮ್ಮ ಮನೆಯಲ್ಲಿ ಹೃದಯಾಘಾತದಿಂದ ಅವರು ನಿಧನರಾದರು.

ಅವರು ಎರಡು ದಶಕಗಳ ಕಾಲ ಭಾರತೀಯ ತಂಡದ ತರಬೇತುದಾರ ಮತ್ತು ವ್ಯವಸ್ಥಾಪಕರಾಗಿದ್ದರು ಮತ್ತು ಶೂಟಿಂಗ್‍ನಲ್ಲಿ ರಾಷ್ಟ್ರೀಯ ಚಾಂಪಿಯನ್ ಆಗಿದ್ದರು. ಅವರು ಒಲಿಂಪಿಕ್ ಪದಕ ವಿಜೇತ ಅಭಿನವ್ ಬಿಂದ್ರಾ ಅವರ ತರಬೇತುದಾರರಾಗಿದ್ದರು. ಸನ್ನಿ ಥಾಮಸ್ ಅವರ ತರಬೇತಿಯಲ್ಲಿ ಭಾರತ ನೂರಕ್ಕೂ ಹೆಚ್ಚು ಅಂತರರಾಷ್ಟ್ರೀಯ ಪದಕಗಳನ್ನು ಗೆದ್ದಿದೆ.

ಅವರು 1993 ರಿಂದ 2012 ರವರೆಗೆ ಭಾರತ ತಂಡದ ತರಬೇತುದಾರರಾಗಿ ಸೇವೆ ಸಲ್ಲಿಸಿದ್ದರು. ಭಾರತವು ಶೂಟಿಂಗ್‍ನಲ್ಲಿ ಯಾವುದೇ ಉತ್ತಮ ಪ್ರಶಸ್ತಿಯನ್ನು ಪಡೆಯಲು ಸಾಧ್ಯವಾಗದ ಕಾಲಘಟ್ಟದಲ್ಲಿ ತಂಡದ ತರಬೇತುದಾರರಾಗಿ ಅಧಿಕಾರ ವಹಿಸಿಕೊಂಡ ಸನ್ನಿ ಜೋಸೆಫ್, ಭಾರತಕ್ಕೆ ಅತ್ಯುತ್ತಮ ಶೂಟಿಂಗ್ ತಾರೆಗಳನ್ನು ರೂಪಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದರು. 2008 ರ ಒಲಿಂಪಿಕ್ಸ್‍ನಲ್ಲಿ ಭಾರತಕ್ಕೆ ಮೊದಲ ವೈಯಕ್ತಿಕ ಪದಕ ಗೆದ್ದ ಅಭಿನವ್ ಬಿಂದ್ರಾ ಅವರಿಗೆ ತರಬೇತಿ ನೀಡಿರುವುದು ಸನ್ನಿ ಥಾಮಸ್ ಅವರ ಹೆಮ್ಮೆಯ ಸಾಧನೆಯಾಗಿತ್ತು.