ಐಬಿ ಅಧಿಕಾರಿಯ ಆತ್ಮಹತ್ಯೆ ಪ್ರಕರಣದಲ್ಲಿ ನಿರ್ಣಾಯಕ ಸಾಕ್ಷಿಯಾದ ಐಪೋನ್ ಚಾಟ್‍ಗಳು!

ತಿರುವನಂತಪುರಂ: ಐಬಿ ಅಧಿಕಾರಿ ಆತ್ಮಹತ್ಯೆ ಪ್ರಕರಣದಲ್ಲಿ ಆರೋಪಿ ಸುಕಾಂತ್ ವಿರುದ್ಧ ಐ ಪೋನ್‍ನಲ್ಲಿನ ಚಾಟ್‍ಗಳು ನಿರ್ಣಾಯಕ ಸಾಕ್ಷಿಯಾಗಿವೆ.

ಚಾಟ್‍ನಲ್ಲಿ ಸುಕಾಂತ್ ಮಹಿಳೆಯನ್ನು ನೀವು ಯಾವಾಗ ಸಾಯುತ್ತೀರಿ ಎಂದು ಪದೇ ಪದೇ ಕೇಳುತ್ತಿರುವುದನ್ನು ತೋರಿಸಲಾಗಿದೆ, ಅದಕ್ಕೆ ಮಹಿಳೆ ಆಗಸ್ಟ್ 9 ರಂದು ಸಾಯುತ್ತೇನೆ ಎಂದು ಉತ್ತರಿಸುತ್ತಾಳೆ. ತನಿಖಾ ತಂಡವು ಈ ಮಾಹಿತಿಯನ್ನು ಸಾಕ್ಷ್ಯಗಳ ಜೊತೆಗೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯಕ್ಕೆ ವರದಿ ಮಾಡಿದೆ.

ಪೋಲೀಸರು ಸುಕಾಂತ್ ಅವರ ಸಂಬಂಧಿಕರ ಕೋಣೆಯಿಂದ ಐಪೋನ್ ಅನ್ನು ವಶಪಡಿಸಿಕೊಂಡಿದ್ದರು. ಸುಕಾಂತ್ ತಲೆಮರೆಸಿಕೊಳ್ಳುವ ಹಿಂದಿನ ದಿನ ಈ ಕೋಣೆಗೆ ಭೇಟಿ ನೀಡಿದ್ದ ಎಂಬ ಮಾಹಿತಿ ಪೋಲೀಸರಿಗೆ ಲಭಿಸಿತ್ತು. ಇದರ ಆಧಾರದ ಮೇಲೆ ಪರಿಶೀಲನೆ ನಡೆಸಲಾಯಿತು. ಫೆಬ್ರವರಿ 9 ರಂದು ನಡೆದ ಮಾತುಕತೆಯ ವಿವರಗಳು ಪೋಲೀಸರಿಗೆ ಈ ಮೂಲಕ ಲಭ್ಯವಾದವು. 

ತನಿಖಾ ತಂಡವು ಸುಕಾಂತ್ ಅವರ ಐಪೋನ್‍ನಲ್ಲಿ ಟೆಲಿಗ್ರಾಮ್ ಮೂಲಕ ಮಾಡಿದ ಚಾಟ್‍ಗಳನ್ನು ಪಡೆದುಕೊಂಡಿದೆ. ಸುಕಾಂತ್ ಚಾಟ್‍ನಲ್ಲಿರುವ ಮಹಿಳೆಗೆ ಅವಳು ಬೇಡವೆಂದು ಹೇಳುತ್ತಾನೆ. "ನನಗೆ ಭೂಮಿಯ ಮೇಲೆ ವಾಸಿಸಲು ಇಷ್ಟವಿಲ್ಲ" ಎಂದು ಆ ಯುವತಿ ಉತ್ತರಿಸುತ್ತಾಳೆ. ನೀನು ಹೋದರೆ ಮಾತ್ರ ನಾನು ಅವಳನ್ನು ಮದುವೆಯಾಗಬಹುದು ಎಂದು ಸುಕಾಂತ್ ಹೇಳುತ್ತಾನೆ. ಅದಕ್ಕೆ ನಾನು ಏನು ಮಾಡಬೇಕೆಂದು ಯುವತಿ ಕೇಳಿದಾಗ, ಸುಕಾಂತ್ ನೀಡಿದ ಉತ್ತರ, "ನೀನು ಹೋಗಿ ಸಾಯಬೇಕು" ಎಂದಾಗಿತ್ತು. 

ನೀವು ಸಾಯುತ್ತೀರಾ ಎಂದು ಅವನು ಕೇಳುತ್ತಾನೆ. ಮೊದಲಿಗೆ ಅದಕ್ಕೆ ಉತ್ತರವಿಲ್ಲ. ಸುಕಾಂತ್ ಈ ಬಗ್ಗೆ ಪದೇ ಪದೇ ಕೇಳಿದಾಗ, ಆ ಮಹಿಳೆ ಆಗಸ್ಟ್ 9 ರಂದು ಸಾಯುವುದಾಗಿ ಉತ್ತರಿಸಿದಳು. ಮಾರ್ಚ್ 24 ರಂದು ತಿರುವನಂತಪುರದ ಚಕ್ಕಾ ಬಳಿ ರೈಲ್ವೆ ಹಳಿಗಳ ಮೇಲೆ ಐಬಿ ಅಧಿಕಾರಿ ಮೃತಪಟ್ಟ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು.

ಸುಕಾಂತ್ ಮದುವೆಯಿಂದ ಹಿಂದೆ ಸರಿದ ನಂತರ, ಆರ್ಥಿಕವಾಗಿ ಮತ್ತು ದೈಹಿಕವಾಗಿ ತನ್ನನ್ನು ಶೋಷಿಸಿದ ಮಾನಸಿಕ ತೊಂದರೆಯಿಂದ ಯುವತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಪೆÇಲೀಸ್ ಪ್ರಕರಣ ಹೇಳುತ್ತದೆ. ಸುಕಾಂತ್ ಪಾತ್ರ ಬಹಿರಂಗವಾದಾಗಿನಿಂದ ಅವರು ತಲೆಮರೆಸಿಕೊಂಡಿದ್ದಾರೆ. ಅವರನ್ನು ಮೊದಲೇ ಕೆಲಸದಿಂದ ವಜಾ ಮಾಡಲಾಗಿತ್ತು. ನಿನ್ನೆ ನ್ಯಾಯಾಲಯ ಸುಕಾಂತ್ ಬಂಧನಕ್ಕೆ ತಡೆ ನೀಡಿತ್ತು. ಸುಕಾಂತ್ ಬಂಧನವನ್ನು ಸೋಮವಾರಕ್ಕೆ ಮುಂದೂಡಲಾಯಿತು. ಸುಕಾಂತ್ ಅವರ ನಿರೀಕ್ಷಣಾ ಜಾಮೀನು ಅರ್ಜಿಯ ಕುರಿತು ಹೈಕೋರ್ಟ್‍ನ ಆದೇಶವನ್ನು ಸೋಮವಾರ ಹೊರಡಿಸಲಾಗಿದೆ.