ಚಾನೆಲ್ ರೇಟಿಂಗ್‍ನಲ್ಲಿ ಮೊದಲ ಸ್ಥಾನ ಗಳಿಸಿಕೊಂಡಿರುವ ರಿಪೋರ್ಟರ್ ಟಿವಿಗೆ ದೊಡ್ಡ ಹಿನ್ನಡೆ: ಉಣ್ಣಿ ಬಾಲಕೃಷ್ಣನ್ ರಾಜೀನಾಮೆ

ಕೊಚ್ಚಿ: ಉಣ್ಣಿ ಬಾಲಕೃಷ್ಣನ್ ಅವರು ಏಷ್ಯಾನೆಟ್ ನ್ಯೂಸ್‍ಗೆ ಮರಳಿದ್ದಾರೆ, ಇದರಿಂದ ಟಿಆರ್.ಪಿಯಲ್ಲಿ ರಿಪೋರ್ಟರ್ ಟಿವಿ ಎರಡನೇ ಸ್ಥಾನಕ್ಕೆ ತಳ್ಳಲ್ಪಟ್ಟಿದೆ. ಉಣ್ಣಿ ಬಾಲಕೃಷ್ಣನ್ ತಮ್ಮ ಮಾತೃ ಕಂಪನಿಯಾದ ಏಷ್ಯಾನೆಟ್ ನ್ಯೂಸ್‍ಗೆ ಸಂಪಾದಕೀಯ ಸಲಹೆಗಾರರಾಗಿ ಮರಳುತ್ತಿದ್ದಾರೆ.

ಉಣ್ಣಿ ಬಾಲಕೃಷ್ಣನ್ ಅವರು ಏಷ್ಯಾನೆಟ್ ನ್ಯೂಸ್‍ನ ಹಿರಿಯ ಸಂಯೋಜಕ ಸಂಪಾದಕರಾಗಿದ್ದಾಗ ಅದಕ್ಕೆ ರಾಜೀನಾಮೆ ನೀಡಿ ಮಾತೃಭೂಮಿ ನ್ಯೂಸ್‍ಗೆ ಸೇರಿದ ವ್ಯಕ್ತಿ. ರಾಜೀನಾಮೆ ನೀಡಿದವರನ್ನು ಏಷ್ಯಾನೆಟ್ ನ್ಯೂಸ್ ಮತ್ತೆ ಸೇರಿಸಿಕೊಳ್ಳುವುದು ಅಪರೂಪವಾದರೂ, ರಿಪೋರ್ಟರ್ ನ ಪ್ರಗತಿಯನ್ನು ತಡೆಯುವ ಉದ್ದೇಶದಿಂದ ಉಣ್ಣಿ ಬಾಲಕೃಷ್ಣನ್ ಅವರನ್ನು ಸಂಪಾದಕೀಯ ಸಲಹೆಗಾರರನ್ನಾಗಿ ಮರಳಿ ತರಲಾಯಿತು.

ಏತನ್ಮಧ್ಯೆ, ಏಷ್ಯಾನೆಟ್ ನ್ಯೂಸ್‍ನ ಶಕ್ತಿ ತ್ರಿಮೂರ್ತಿಗಳಾದ ಸಿಂಧು ಸೂರ್ಯಕುಮಾರ್, ವಿನು ವಿ. ಜಾನ್ ಮತ್ತು ಪಿ.ಜಿ. ಸುರೇಶ್ ಕುಮಾರ್ ಅವರಿಗೆ ಉಣ್ಣಿ ಬಾಲಕೃಷ್ಣನ್ ಅವರ ಮರಳುವಿಕೆಯ ಬಗ್ಗೆ ಕೊನೆಯ ಕ್ಷಣದಲ್ಲಿ ಮಾತ್ರ ತಿಳಿಯಿತು.

ಉಣ್ಣಿ ಬಾಲಕೃಷ್ಣನ್ ಅವರು ಏಷ್ಯಾನೆಟ್ ನ್ಯೂಸ್‍ನ ಮುಖ್ಯಸ್ಥರಾಗುವರು. ಈ ನಿರ್ಧಾರವು ಏಷ್ಯಾನೆಟ್ ನ್ಯೂಸ್ ಗ್ರೂಪ್‍ನ ವ್ಯವಹಾರ ಮುಖ್ಯಸ್ಥ ಫ್ರಾಂಕ್ ಪಿ. ಥಾಮಸ್ ಮತ್ತು ಮಾಲೀಕ ರಾಜೀವ್ ಚಂದ್ರಶೇಖರ್ ಅವರಿಗೆ ಮಾತ್ರ ತಿಳಿದಿತ್ತು. ಎಂ.ಜಿ.ರಾಧಾಕೃಷ್ಣನ್ ಅವರ ನಂತರ ಸಂಪಾದಕರ ಹುದ್ದೆ ಖಾಲಿಯಾಗಿತ್ತು. ರಾಧಾಕೃಷ್ಣನ್ ರಾಜೀನಾಮೆ ನೀಡಿ ಇತ್ತೀಚೆಗೆ ಹೊರಬಂದಿದ್ದರು. 

ಸಲಹಾ ಸಂಪಾದಕರಾಗಿದ್ದ ಎಂ.ಜಿ. ರಾಧಾಕೃಷ್ಣನ್ ಅವರಿಗೆ ದೈನಂದಿನ ಸುದ್ದಿ ಪ್ರಸಾರದಲ್ಲಿ ಯಾವುದೇ ಪಾತ್ರವಿರಲಿಲ್ಲ. ಏಷ್ಯಾನೆಟ್ ನ್ಯೂಸ್‍ನಲ್ಲಿ ಸಿಂಧು-ವಿನು-ಪಿಜಿ ತ್ರಿಮೂರ್ತಿಗಳು ದೈನಂದಿನ ಸುದ್ದಿಗಳಲ್ಲಿ ಹಸ್ತಕ್ಷೇಪ ಮಾಡಲು ಅವಕಾಶ ನೀಡಲಿಲ್ಲ. 

ಚಾನೆಲ್ ಮೊದಲ ಸ್ಥಾನದಲ್ಲಿರುವುದರಿಂದ, ಆಡಳಿತ ಮಂಡಳಿಯು ಮಧ್ಯಪ್ರವೇಶಿಸಿ ಸಮಸ್ಯೆಯನ್ನು ಪರಿಹರಿಸುವ ಸಾಮಥ್ರ್ಯದಲ್ಲಿ ಸೀಮಿತವಾಗಿತ್ತು. ಆದರೆ ಈಗ ಅದು ರೇಟಿಂಗ್‍ನಲ್ಲಿ ಎರಡನೇ ಸ್ಥಾನದಲ್ಲಿರುವುದರಿಂದ, ಆಡಳಿತ ಮಂಡಳಿ ಮಧ್ಯಪ್ರವೇಶಿಸಬೇಕಾಯಿತು.

ಈ ಅವಕಾಶವನ್ನು ಸದುಪಯೋಗಪಡಿಸಿಕೊಂಡು, ಉಣ್ಣಿ ಬಾಲಕೃಷ್ಣನ್ ಅವರನ್ನು ಸಿಂಧು ಅವರ ಉತ್ತರಾಧಿಕಾರಿಯಾಗಿ ನೇಮಿಸಲಾಯಿತು. ಏಷ್ಯಾನೆಟ್ ನ್ಯೂಸ್ ಆರಂಭದಿಂದಲೂ ಅದರಲ್ಲಿ ಕೆಲಸ ಮಾಡುತ್ತಿದ್ದ ಉಣ್ಣಿ ಬಾಲಕೃಷ್ಣನ್ ಅವರನ್ನು ಬದಲಿಸುವುದು ಸಿಂಧು ಮತ್ತು ಅವರ ತಂಡಕ್ಕೆ ಸುಲಭವಲ್ಲ. ಇದನ್ನು ಅರ್ಥಮಾಡಿಕೊಂಡ ಆಡಳಿತ ಮಂಡಳಿಯು ಉಣ್ಣಿ ಬಾಲಕೃಷ್ಣನ್ ಅವರನ್ನು ಏಷ್ಯಾನೆಟ್ ನ್ಯೂಸ್ ಮುಖ್ಯಸ್ಥರನ್ನಾಗಿ ನೇಮಿಸಿತು.

ರಿಪೋರ್ಟರ್ ಟಿವಿಯ ಪ್ರಗತಿಯಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದ ಉಣ್ಣಿ ಬಾಲಕೃಷ್ಣನ್ ಮಂಗಳವಾರ ತಮ್ಮ ರಾಜೀನಾಮೆಯನ್ನು ಸಲ್ಲಿಸಿದ್ದಾರೆ. ರಿಪೋಟೃ ಚಾನೆಲ್ ಆಡಳಿತ ಮಂಡಳಿ ಆರಂಭದಲ್ಲಿ ರಾಜೀನಾಮೆಯನ್ನು ಸ್ವೀಕರಿಸಲು ಸಿದ್ದರಿರಲಿಲ್ಲ. ಸಂಪಾದಕೀಯ ಮುಖ್ಯಸ್ಥರೊಂದಿಗೆ ಈ ವಿಷಯದ ಬಗ್ಗೆ ಚರ್ಚಿಸದ ವ್ಯವಸ್ಥಾಪಕ ಸಂಪಾದಕ ಆಂಟೊ ಆಗಸ್ಟೀನ್, ಮೊನ್ನೆ ರಾತ್ರಿ ಅವರ ರಾಜೀನಾಮೆಯನ್ನು ಅಂಗೀಕರಿಸಿದರು.

ಹೆಚ್ಚಿನ ಸಂಬಳ ಮತ್ತು ಸವಲತ್ತುಗಳ ಭರವಸೆ ನೀಡುವ ಮೂಲಕ ಅವರನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಿದರೂ, ಕೊನೆಗೆ ತನ್ನ ಮಾತೃ ಕಂಪನಿಗೆ ಮರಳಬೇಕೆಂಬ ಉಣ್ಣಿಯವರ  ಒತ್ತಾಯಕ್ಕೆ ಮಣಿಯಬೇಕಾಯಿತು. ರಿಪೋರ್ಟರ್ ಚಾನೆಲಲ್ಲಿ ಸುಮಾರು ಮೂರು ಲಕ್ಷ ರೂಪಾಯಿ ಸಂಬಳ ಪಡೆಯುವ ಉಣ್ಣಿ ಬಾಲಕೃಷ್ಣನ್, ಇನ್ನೂ ಹೆಚ್ಚಿನ ಸಂಬಳದಲ್ಲಿ ಏಷ್ಯಾನೆಟ್ ನ್ಯೂಸ್‍ಗೆ ಸೇರಿದ್ದಾರೆ ಎಂದು ವರದಿಗಳು ಸೂಚಿಸುತ್ತವೆ.

ಉಣ್ಣಿ ಬಾಲಕೃಷ್ಣನ್ ಅವರ ರಾಜೀನಾಮೆ ರಿಪೋರ್ಟರ್ ಚಾನೆಲಿಗೆ ದೊಡ್ಡ ಹೊಡೆತವಾಗಿದೆ. ಅವರು ಆ ಚಾನೆಲ್‍ನಲ್ಲಿ ಅತ್ಯಂತ ಅನುಭವಿ ಸಂಪಾದಕರಾಗಿದ್ದರು. ಮಾಧ್ಯಮ ಕಾರ್ಯದ ಎಲ್ಲಾ ಕ್ಷೇತ್ರಗಳಲ್ಲಿ ಕೆಲಸ ಮಾಡಿದ ಅನುಭವ ಹೊಂದಿರುವ ಉಣ್ಣಿ ಬಾಲಕೃಷ್ಣನ್, ಸಂಪಾದಕೀಯ ನಾಯಕತ್ವದಲ್ಲಿ ಅತ್ಯಂತ ಮೌಲ್ಯಯುತ ವ್ಯಕ್ತಿಯಾಗಿದ್ದಾರೆ. 

ಉಣ್ಣಿ ಬಾಲಕೃಷ್ಣನ್ ಅವರ ಬುದ್ಧಿವಂತ ಹಸ್ತಕ್ಷೇಪಗಳು ರಿಪೋರ್ಟರ್ ನ್ನು ದೊಡ್ಡ ತಪ್ಪುಗಳಿಂದ ರಕ್ಷಿಸಿವೆ. ಉಣ್ಣಿ ಬಾಲಕೃಷ್ಣನ್ ಅವರು ನಿರ್ವಹಣೆ ಮತ್ತು ಸಂಪಾದಕೀಯ ನಾಯಕತ್ವದ ನಡುವೆ ಸೇತುವೆಯಾಗಿಯೂ ಕಾರ್ಯನಿರ್ವಹಿಸಿದರು. ಪತ್ರಿಕೋದ್ಯಮ ಅಥವಾ ಮಾಧ್ಯಮ ಸಂಸ್ಥೆಯನ್ನು ನಡೆಸುವಲ್ಲಿ ಕಡಿಮೆ ಅನುಭವ ಹೊಂದಿದ್ದ ರಿಪೋಟೃ  ನಿರ್ವಹಣೆಯನ್ನು ಸರಿಯಾದ ದಿಕ್ಕಿನಲ್ಲಿ ಮಾರ್ಗದರ್ಶನ ಮಾಡುವಲ್ಲಿ ಉಣ್ಣಿ ಬಾಲಕೃಷ್ಣನ್ ಪ್ರಮುಖ ಪಾತ್ರ ವಹಿಸಿದರು. ಆದ್ದರಿಂದ, ಉಣ್ಣಿಯ ರಾಜೀನಾಮೆ ರಿಪೋರ್ಟರ್ ಚಾನಲ್ ಗೆ ದೊಡ್ಡ ನಷ್ಟವಾಗಿದೆ.

ಸತತ ಎರಡನೇ ವಾರವೂ ನಂಬರ್ ಒನ್ ಸ್ಥಾನ ತಲುಪಿದ ಸಂಭ್ರಮದ ನಡುವೆ, ಆಂಟೋ ಆಗಸ್ಟೀನ್ ಅವರು ಉಣ್ಣಿ ಬಾಲಕೃಷ್ಣನ್ ಅವರ ರಾಜೀನಾಮೆಯನ್ನು ಸಿಬ್ಬಂದಿಗೆ ಘೋಷಿದರು. ಉಣ್ಣಿ ಬಾಲಕೃಷ್ಣನ್ ಎರಡು ದಿನಗಳಿಂದ ಕಚೇರಿಗೆ ಹೋಗಿರಲಿಲ್ಲ. ಉಣ್ಣಿ ಬಾಲಕೃಷ್ಣನ್ ಅವರು ಸಂಪಾದಕೀಯ ನಾಯಕತ್ವದಲ್ಲಿ ಬಿಟ್ಟುಹೋದ ಶೂನ್ಯವನ್ನು ತುಂಬಲು ರಿಪೋರ್ಟರ್ ನಿರ್ವಹಣೆಯು ಹೊಸ ಜನರನ್ನು ಹುಡುಕುತ್ತಿದೆ. ಟ್ವೆಂಟಿ ಪೋರ್ ನ್ಯೂಸ್‍ನವರೂ ಸೇರಿದಂತೆ ಅನುಭವಿ ಜನರನ್ನು ಕರೆತರುವುದು ರಿಪೋರ್ಟರ್ ನ ಯೋಜನೆಯಾಗಿದೆ.