ಡಾ.ವಂದನಾ ದಾಸ್ ಇನ್ನಿಲ್ಲವಾಗಿ ಇಂದಿಗೆ ವರ್ಷ ಎರಡು

ಕಡುತುರುತಿ: ಕೊಟ್ಟಾರಕ್ಕರ ತಾಲೂಕು ಆಸ್ಪತ್ರೆಯಲ್ಲಿ ಹೌಸ್ ಸರ್ಜನ್ ಆಗಿ ಸೇವೆ ಸಲ್ಲಿಸುತ್ತಿದ್ದಾಗ ದುಷ್ಕರ್ಮಿಯೊಬ್ಬನಿಂದ ಕೊಲೆಗೈಯ್ಯಲ್ಪಟ್ಟ ಡಾ.ವಂದನಾ ದಾಸ್ ಕಣ್ಮರೆಯಾಗಿ ಇಂದಿಗೆ ಎರಡು ವರ್ಷಗಳಾಗಿವೆ.

ಮಗಳ ನಷ್ಟದಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗದೆ, ಕೊಟ್ಟಾಯಂನ ಮುತ್ತುಚಿರಾದ ಪೋಷಕರಾದ ಮೋಹನ್ ದಾಸ್ ಮತ್ತು ವಸಂತಕುಮಾರಿ ನಂಬಿಚಿರಕಳದಲ್ಲಿಯೇ ಇದ್ದಾರೆ. ದಂಪತಿಗಳು ಇನ್ನೂ ತಮ್ಮ ಮಗಳಿಗಾಗಿ ಬದುಕುತ್ತೇವೆ ಎಂದು ಹೇಳುತ್ತಾರೆ. ಅವರ ಮಗಳ ನೆನಪಿಗಾಗಿ ಆಲಪ್ಪುಳದ ತೃಕ್ಕುನ್ನಪುಳದ ವಲಿಯಪರಂಪಿಲ್‍ನಲ್ಲಿ ಕ್ಲಿನಿಕ್ ಸ್ಥಾಪಿಸಲಾಗಿದೆ. ಅವರ ಮಗಳ ಹೆಸರಿನಲ್ಲಿ ಇಂದು ಆಸ್ಪತ್ರೆಗಳಲ್ಲಿ ಉಚಿತ ಆಹಾರವನ್ನೂ ವಿತರಿಸಲಾಗಿದೆ. ರೋಗಿಗಳಿಗೆ ವೈದ್ಯಕೀಯ ನೆರವು ಮತ್ತು ಅರ್ಹರಿಗೆ ಶೈಕ್ಷಣಿಕ ನೆರವು ನೀಡುವ ಡಾ. ವಂದನಾ ದಾಸ್ ಚಾರಿಟೇಬಲ್ ಟ್ರಸ್ಟ್ ಅನ್ನು ರಚಿಸಲಾಗಿದೆ ಎಂದು ಮೋಹನದಾಸ್ ಹೇಳಿದರು.

ಮೇ 10, 2023 ರಂದು ಬೆಳಿಗ್ಗೆ 7 ಗಂಟೆಗೆ ಮೋಹನ್ ದಾಸ್ ಅವರ ಪೋನ್‍ಗೆ ಆಘಾತಕಾರಿ ಸುದ್ದಿ ತಲುಪಿತು. ಅವರ ಮಗಳಿಗೆ ಅಪಘಾತವಾಗಿದೆ ಎಂಬ ಸಂದೇಶವಿತ್ತು. ಅವರು ಆಸ್ಪತ್ರೆಗೆ ಬಂದಾಗ, ಅವರು ತಮ್ಮ ಮಗಳ ಶವವನ್ನು ಕಂಡು ಸ್ಥಂಭೀಭೂತರಾಗಿದ್ದರು. 

ಸಂದೀಪ್ ಎಂಬ ದುಷ್ಕರ್ಮಿಯಿಂದ ಇರಿತಕ್ಕೊಳಗಾಗಿ ವಂದನಾ ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ವಿವರಿಸಿದರು. ತಮ್ಮ ಮಗಳ ಸಾವಿನ ಸುತ್ತ ಹಲವು ನಿಗೂಢತೆಗಳಿವೆ ಮತ್ತು ಎಲ್ಲವೂ ಬಹಿರಂಗಗೊಳ್ಳಲಿದೆ ಎಂದು ಮೋಹನದಾಸ್ ಹೇಳಿದರು. ಪ್ರಕರಣದ ವಿಚಾರಣೆ ಮುಂದುವರೆದಿದೆ.