ಸಮಗ್ರ ವಸ್ತು ಸಂಗ್ರಹಾಲಯ ನೀತಿ ರೂಪಿಸಲಾಗುವುದು: ಸಚಿವ ರಾಮಚಂದ್ರನ್ ಕಡನ್ನಪಲ್ಲಿ

ತಿರುವನಂತಪುರಂ: ರಾಜ್ಯದಲ್ಲಿ ಸಮಗ್ರ ವಸ್ತು ಸಂಗ್ರಹಾಲಯ ನೀತಿಯನ್ನು ರೂಪಿಸಲಾಗುವುದು ಎಂದು ನೋಂದಣಿ ಮತ್ತು ವಸ್ತು ಸಂಗ್ರಹಾಲಯ ಸಚಿವ ರಾಮಚಂದ್ರನ್ ಕಡನ್ನಪಳ್ಳಿ ಹೇಳಿದರು.

ವಿಶ್ವ ದರ್ಜೆಯ ವರ್ಣಚಿತ್ರಕಾರ ರಾಜಾ ರವಿವರ್ಮ ಅವರ 177 ನೇ ಜನ್ಮ ದಿನಾಚರಣೆಯ ಸ್ಮರಣಾರ್ಥ ತಿರುವನಂತಪುರಂ ಮ್ಯೂಸಿಯಂ ಸಭಾಂಗಣದಲ್ಲಿ ನಿನ್ನೆ ಆಯೋಜಿಸಲಾದ ವಿಚಾರ ಸಂಕಿರಣವನ್ನು ಸಚಿವರು ಉದ್ಘಾಟಿಸಿ ಮಾತನಾಡಿದರು. 

ಚಿತ್ರಕಲೆ ಕ್ಷೇತ್ರದ ಮಹಾನ್ ಪ್ರತಿಭೆ ರಾಜಾ ರವಿವರ್ಮ ಅವರ ತೈಲಚಿತ್ರಗಳು ಪ್ರಪಂಚದ ಗಮನ ಸೆಳೆದಿವೆ. ದೈನಂದಿನ ಜೀವನದ ಅಸ್ಪಷ್ಟ ಕ್ಷಣಗಳು ಮತ್ತು ಮಾನವ ಅಸ್ತಿತ್ವದ ಆತಂಕಗಳನ್ನು ರವಿವರ್ಮ ಅವರ ವರ್ಣಚಿತ್ರಗಳಲ್ಲಿ ಸ್ವಂತಿಕೆಯಿಂದ ಸೆರೆಹಿಡಿಯಲಾಗಿದೆ. ರವಿವರ್ಮ ಅವರ ಶಕುಂತಲಾ, ಹಂಸ ದಮಯಂತಿ, ಜಿಪ್ಸೀಸ್, ಮತ್ತು ಅಮ್ಮಯುಂ ಕುಂಜುಂ ಚಿತ್ರಗಳು ಕಾಲಾತೀತವಾಗಿ ಉಳಿದಿವೆ.

ರಾಜಾ ರವಿವರ್ಮ ಅವರ ಜನ್ಮಸ್ಥಳದಲ್ಲಿ ಸ್ಮಾರಕದ ಕೊರತೆಯನ್ನು ನೀಗಿಸಲು 2023 ರಲ್ಲಿ ರವಿವರ್ಮ ಅವರ ವರ್ಣಚಿತ್ರಗಳಿಗೆ ಮಾತ್ರ ಮೀಸಲಾದ ಕಲಾ ಗ್ಯಾಲರಿಯನ್ನು ಸ್ಥಾಪಿಸಲಾಯಿತು. ಆಧುನಿಕ ಸುಸಜ್ಜಿತ ಕಲಾ ಗ್ಯಾಲರಿ ದೇಶೀಯ ಮತ್ತು ವಿದೇಶಿ ಪ್ರವಾಸಿಗರ ಗಮನ ಸೆಳೆಯುವ ಸ್ಥಳವಾಗಿದೆ ಎಂದು ಸಚಿವರು ಹೇಳಿದರು.