ವಿಶ್ವವಿದ್ಯಾಲಯ ಕಾಯ್ದೆ ತಿದ್ದುಪಡಿ ಮಸೂದೆ ವಿರೋಧಿಸಿ ಇಂದು ಸಿಂಡಿಕೇಟ್-ಸೆನೆಟ್ ಸದಸ್ಯರ ಸೆಕ್ರಟರಿಯೇಟ್ ಧರಣಿ

ತಿರುವನಂತಪುರಂ: ಉನ್ನತ ಶಿಕ್ಷಣ ಕ್ಷೇತ್ರದ ರಾಜಕೀಯೀಕರಣ, ವಿಶ್ವವಿದ್ಯಾಲಯಗಳ ವಿಕೇಂದ್ರೀಕರಣದ ಸರ್ಕಾರದ ಕ್ರಮ, ವಿಶ್ವವಿದ್ಯಾಲಯಗಳ ಸ್ವತಂತ್ರ ಸ್ಥಾನಮಾನವನ್ನು ಕಾಯ್ದುಕೊಳ್ಳುವುದು ಮತ್ತು ಉನ್ನತ ಶಿಕ್ಷಣ ಸಚಿವರ ಅತಿಯಾದ ಅಧಿಕಾರ ದುರುಪಯೋಗವನ್ನು ಕೊನೆಗೊಳಿಸಬೇಕೆಂದು ಒತ್ತಾಯಿಸಿ ಕೇರಳ ವಿಶ್ವವಿದ್ಯಾಲಯಗಳ ಸಿಂಡಿಕೇಟ್ ಸದಸ್ಯರು ಮತ್ತು ಸೆನೆಟ್ ಸದಸ್ಯರು ಇಂದು(ಶುಕ್ರವಾರ) ಸೆಕ್ರಟರಿಯೇಡ್ ಮುಂದೆ ಧರಣಿ ನಡೆಸಲಿದ್ದಾರೆ. ಮಾಜಿ ಡಿಜಿಪಿ ಟಿ.ಪಿ. ಸೇನ್‍ಕುಮಾರ್ ಬೆಳಿಗ್ಗೆ 11 ಗಂಟೆಗೆ ಧರಣಿಯನ್ನು ಉದ್ಘಾಟಿಸಲಿದ್ದಾರೆ.

"ವಿಶ್ವವಿದ್ಯಾಲಯ ಕಾಯ್ದೆ ತಿದ್ದುಪಡಿ ಮಸೂದೆ ಜಾರಿಗೆ ಬರುವುದರಿಂದ, ಕುಲಪತಿಗಳಿಗೆ ಇರುವ ಹೆಚ್ಚಿನ ಅಧಿಕಾರಗಳು ಉನ್ನತ ಶಿಕ್ಷಣ ಸಚಿವರಿಗೆ ಲಭ್ಯವಾಗುತ್ತವೆ, ಅವರು ಸಹ-ಕುಲಪತಿಯೂ ಆಗಿರುತ್ತಾರೆ." ರಿಜಿಸ್ಟ್ರಾರ್ ಕೂಡ ಕುಲಪತಿಗಳ ಅಧಿಕಾರಕ್ಕೆ ಸಮಾನರಾಗುತ್ತಾರೆ. ಈ ಮಸೂದೆಯ ಮೂಲಕ, ಸರ್ಕಾರವು ವಿಶ್ವವಿದ್ಯಾನಿಲಯದ ಆಡಳಿತಾತ್ಮಕ ಅಧಿಕಾರವನ್ನು ಸರ್ಕಾರದ ಭಾಗವಾಗಿರುವ ಉನ್ನತ ಶಿಕ್ಷಣ ಸಚಿವರು ಮತ್ತು ಸಿಂಡಿಕೇಟ್ ನೇಮಕ ಮಾಡಿದ ರಿಜಿಸ್ಟ್ರಾರ್‍ಗೆ ನೀಡುವ ಗುರಿಯನ್ನು ಹೊಂದಿದೆ. ಮಸೂದೆಯು ವಿಶ್ವವಿದ್ಯಾಲಯಗಳಲ್ಲಿ ಕೇಂದ್ರ ಸರ್ಕಾರದ ನೀತಿಗಳು ಮತ್ತು ಕಾರ್ಯಕ್ರಮಗಳನ್ನು ಶಿಕ್ಷಕರು ಟೀಕಿಸುವುದರ ಮೇಲೆ ನಿರ್ಬಂಧಗಳನ್ನು ಒದಗಿಸದಿದ್ದರೂ, ರಾಜ್ಯ ಸರ್ಕಾರದ ನೀತಿಗಳು ಮತ್ತು ಕಾರ್ಯಕ್ರಮಗಳನ್ನು ಟೀಕಿಸುವುದನ್ನು ಕಟ್ಟುನಿಟ್ಟಾಗಿ ನಿಷೇಧಿಸುತ್ತದೆ ಎಂದು ಸಿಂಡಿಕೇಟ್ ಸೆನೆಟ್ ಸದಸ್ಯರು ಆರೋಪಿಸಿದ್ದಾರೆ.