ಇತಿಹಾಸದಲ್ಲೇ ಮೊದಲು; ಪುನರ್ರಚಿಸಲಾದ ಮುಸ್ಲಿಂ ಲೀಗ್ ರಾಷ್ಟ್ರೀಯ ಸಮಿತಿಯಲ್ಲಿ ಇಬ್ಬರು ಮಹಿಳೆಯರು!

ಚೆನ್ನೈ: ಇಂಡಿಯನ್ ಯೂನಿಯನ್ ಮುಸ್ಲಿಂ ಲೀಗ್ ರಾಷ್ಟ್ರೀಯ ಸಮಿತಿಯನ್ನು ಪುನರ್ ಸಂಘಟಿಸಲಾಗಿದೆ. ಇತಿಹಾಸದಲ್ಲಿ ಮೊದಲ ಬಾರಿಗೆ ಮಹಿಳೆಯರನ್ನು ರಾಷ್ಟ್ರೀಯ ಸಮಿತಿಯಲ್ಲಿ ಸೇರಿಸಲಾಗಿದೆ. 

ಕೇರಳದಿಂದ ಜಯಂತಿ ರಾಜನ್ ಮತ್ತು ತಮಿಳುನಾಡಿನಿಂದ ಫಾತಿಮಾ ಮುಜಾಫರ್ ಲೀಗ್ ರಾಷ್ಟ್ರೀಯ ಸಮಿತಿಯಲ್ಲಿ ಸ್ಥಾನ ಗಳಿಸಿದ್ದಾರೆ. ಚೆನ್ನೈನಲ್ಲಿ ನಡೆದ ಲೀಗ್ ರಾಷ್ಟ್ರೀಯ ಮಂಡಳಿ ಸಭೆಯಲ್ಲಿ ಸಮಿತಿಯನ್ನು ಪುನರ್ರಚಿಸಲಾಯಿತು.

ಪದಾಧಿಕಾರಿಗಳು- ಪ್ರೊ. ಕೆ.ಎಂ. ಖಾದರ್ ಮೈತೀನ್ (ಗೌ.ಅಧ್ಯಕ್ಷರು), ಸಾದಿಕಲಿ ಶಿಹಾಬ್ ತಂಙಳ್ (ಅಧ್ಯಕ್ಷರು), ಪಿ.ಕೆ. ಕುನ್ಹಾಲಿಕುಟ್ಟಿ (ಪ್ರಧಾನ ಕಾರ್ಯದರ್ಶಿ), ಪಿ.ವಿ. ಅಬ್ದುಲ್ ವಹಾಬ್ (ಖಜಾಂಚಿ). ಕೆ.ಪಿ.ಎ. ಮಜೀದ್, ಟಿ.ಎ. ಅಹ್ಮದ್ ಕಬೀರ್, ಅಡ್ವ. ಸಂಸದ ಹ್ಯಾರಿಸ್ ಬೀರನ್ ಮತ್ತು ಮುನಾವರ್ ಅಲಿ ತಂಙಳ್ ಅವರನ್ನು ಲೀಗ್ ರಾಷ್ಟ್ರೀಯ ಸಮಿತಿಯಲ್ಲಿ ಸೇರಿಸಲಾಗಿದೆ.