ಎರ್ನಾಕುಳಂನಲ್ಲಿ ಆಫ್ರಿಕನ್ ಹಂದಿ ಜ್ವರ ದೃಢ: 34 ಹಂದಿಗಳ ಹನನ: ಫಾರ್ಮ್ ಸುತ್ತಲಿನ 10 ಕಿ.ಮೀ. ಪ್ರದೇಶವನ್ನು ರೋಗ ಕಣ್ಗಾವಲು ವಲಯವೆಂದು ಘೋಷಣೆ

ಕೊಚ್ಚಿ: ಎರ್ನಾಕುಳಂನ ಕಾಲಡಿ ಮಲಯತ್ತೂರು - ನೀಲೇಶ್ವರಂ ಪಂಚಾಯತ್‍ನಲ್ಲಿ ಆಫ್ರಿಕನ್ ಹಂದಿ ಜ್ವರ ದೃಢಪಟ್ಟಿದೆ. ಖಾಸಗಿ ಹಂದಿ ಸಾಕಣೆ ಕೇಂದ್ರದಲ್ಲಿ ಆಫ್ರಿಕನ್ ಹಂದಿ ಜ್ವರ ದೃಢಪಟ್ಟಿದೆ.

ಅಧಿಕಾರಿಗಳ ನೇತೃತ್ವದಲ್ಲಿ ಇಂದು ಮಧ್ಯಾಹ್ನ ಫಾರ್ಮ್‍ನ 34 ಹಂದಿಗಳನ್ನು ಕೊಂದು ದಹನ ಮಾಡಲಾಗಿದೆ. ಕಲೆಕ್ಟರ್ ಹಂದಿ ಸಾಕಣೆ ಕೇಂದ್ರದ ಸುತ್ತಲಿನ ಒಂದು ಕಿಲೋಮೀಟರ್ ಪ್ರದೇಶವನ್ನು ರೋಗ ಪೀಡಿತ ಪ್ರದೇಶವೆಂದು ಮತ್ತು ಹತ್ತು ಕಿಲೋಮೀಟರ್ ಪ್ರದೇಶವನ್ನು ರೋಗ ಕಣ್ಗಾವಲು ವಲಯವೆಂದು ಘೋಷಿಸಿದ್ದಾರೆ.

ಪೀಡಿತ ಪ್ರದೇಶಗಳಿಂದ ಹಂದಿ ಮಾಂಸ ವಿತರಣೆ ಮತ್ತು ಮಾಂಸವನ್ನು ವಿತರಿಸುವ ಅಂಗಡಿಗಳ ಕಾರ್ಯಾಚರಣೆಯನ್ನು ಸಹ ಸ್ಥಗಿತಗೊಳಿಸಲಾಗಿದೆ.

ಕಳೆದ ಎರಡು ತಿಂಗಳಲ್ಲಿ ರೋಗ ದೃಢಪಟ್ಟ ಹಂದಿ ಸಾಕಣೆ ಕೇಂದ್ರಗಳಿಂದ ಇತರ ಹಂದಿ ಸಾಕಣೆ ಕೇಂದ್ರಗಳಿಗೆ ಹಂದಿಗಳನ್ನು ಸಾಗಿಸಲಾಗಿದೆಯೇ ಎಂಬುದರ ಬಗ್ಗೆ ತನಿಖೆ ನಡೆಸಲಾಗುವುದು.