ವಿಶ್ವದ ಮೊದಲ ಎ.ಐ., ಕ್ಲೌಡ್-ಆಧಾರಿತ ಸ್ಮಾರ್ಟ್ ಹಿಮೋಡಯಾಲಿಸಿಸ್ ಯಂತ್ರವನ್ನು ಬಿಡುಗಡೆ ಮಾಡಿದ ಭಾರತೀಯ ಕಂಪೆನಿ

ಕೊಚ್ಚಿ: ಮೂತ್ರಪಿಂಡ ಆರೈಕೆ ವಲಯದಲ್ಲಿ ತಂತ್ರಜ್ಞಾನ ನಾವೀನ್ಯತೆ ಕಂಪನಿಯಾದ ರೆನಾಲಿಕ್ಸ್ ಹೆಲ್ತ್ ಸಿಸ್ಟಮ್ಸ್, ವಿಶ್ವದ ಮೊದಲ ಎ.ಐ., ಕ್ಲೌಡ್-ಆಧಾರಿತ ಸ್ಮಾರ್ಟ್ ಹಿಮೋಡಯಾಲಿಸಿಸ್ ಯಂತ್ರವನ್ನು ಬಿಡುಗಡೆ ಮಾಡಿದೆ, ಇದನ್ನು ಸಂಪೂರ್ಣವಾಗಿ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾಗಿದೆ.

ನೈಜ-ಸಮಯದ ದೂರಸ್ಥ ಮೇಲ್ವಿಚಾರಣೆ ಮತ್ತು ಕ್ಲಿನಿಕಲ್ ಸಂಪರ್ಕವನ್ನು ಹೊಂದಿರುವ ರೆನಾಲಿಕ್ಸ್ ಆರ್.ಟಿ. 21 ಯಂತ್ರವು ಆಮದು ಮಾಡಿಕೊಂಡ ಯಂತ್ರಗಳಿಗಿಂತ ಹೆಚ್ಚು ಅಗ್ಗವಾಗಿದೆ. ಬೆಲೆ ರೂ. 6.70 ಲಕ್ಷದಿಂದ ಪ್ರಾರಂಭವಾಗುತ್ತದೆ. ಕೈಗೆಟುಕುವ ಬೆಲೆಯಲ್ಲಿ ಡಯಾಲಿಸಿಸ್ ಲಭ್ಯವಾಗುವಂತೆ ಮಾಡುವ ಮೂಲಕ, ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಹೆಚ್ಚಿನ ಜನರಿಗೆ ಮೂತ್ರಪಿಂಡ ಆರೈಕೆ ಲಭ್ಯವಾಗುವಂತೆ ಮಾಡಬಹುದು ಎಂದು ಡಾ. ಶ್ಯಾಮ್ ವಾಸುದೇವ ರಾವ್ ಹೇಳಿದರು.

ಭಾರತದಲ್ಲಿ ಸಂಪೂರ್ಣವಾಗಿ ವಿನ್ಯಾಸಗೊಳಿಸಲಾದ ಮತ್ತು ತಯಾರಿಸಲಾದ ಡಯಾಲಿಸಿಸ್ ಯಂತ್ರವು ಸಂಕೀರ್ಣ ಮೂತ್ರಪಿಂಡ ಕಾಯಿಲೆಗಳಿಂದ ಬಳಲುತ್ತಿರುವ ರೋಗಿಗಳಿಗೆ ಉತ್ತಮ ಆರೈಕೆಯನ್ನು ಒದಗಿಸಲು ಕ್ಲೌಡ್-ಆಧಾರಿತ ಟೆಲಿನೆಫ್ರಾಲಜಿ ಪ್ಲಾಟ್‍ಫಾರ್ಮ್‍ಗಳು ಸೇರಿದಂತೆ ಇತ್ತೀಚಿನ ತಂತ್ರಜ್ಞಾನಗಳನ್ನು ಬಳಸಿಕೊಳ್ಳುತ್ತದೆ.

ಇದರೊಂದಿಗೆ, ರೆನಾಲಿಕ್ಸ್ ಇ.ಯು. ಮತ್ತು ಸಿ.ಇ. ಪ್ರಮಾಣೀಕರಣದೊಂದಿಗೆ ಅತ್ಯಾಧುನಿಕ ಡಯಾಲಿಸಿಸ್ ಯಂತ್ರವನ್ನು ತಯಾರಿಸಿದ ಜಾಗತಿಕವಾಗಿ ಆರನೇ ಮತ್ತು ಭಾರತದಲ್ಲಿ ಮೊದಲ ಕಂಪನಿಯಾಗಿದೆ. ದಕ್ಷಿಣ ಆಫ್ರಿಕಾ, ಅಮೆರಿಕ ಮತ್ತು ಯುರೋಪ್‍ನಂತಹ ವಿದೇಶಗಳಿಗೆ ಡಯಾಲಿಸಿಸ್ ಯಂತ್ರವನ್ನು ರಫ್ತು ಮಾಡಲು ಬೇಡಿಕೆ ಸ್ವೀಕರಿಸಲಾಗಿದೆ.

5,000 ಯಂತ್ರಗಳ ಉತ್ಪಾದನಾ ಸಾಮಥ್ರ್ಯವನ್ನು ಸಾಧಿಸಲು ಮುಂದಿನ ನಾಲ್ಕು ವರ್ಷಗಳಲ್ಲಿ 800 ಕೋಟಿ ರೂ.ಗಳನ್ನು ಹೂಡಿಕೆ ಮಾಡಲು ರೆನಾಲಿಕ್ಸ್ ಯೋಜಿಸಿದೆ. ಕಂಪನಿಯು ಎಫ್.ವೈ. 2028 ರ ವೇಳೆಗೆ ತನ್ನ ಸಾಮಥ್ರ್ಯವನ್ನು 1,500 ಯಂತ್ರಗಳಿಂದ ವಿಸ್ತರಿಸುವ ಗುರಿಯನ್ನು ಹೊಂದಿದೆ. ಷೇರು ಮಾರಾಟದ ಮೂಲಕ ಹಣವನ್ನು ಸಂಗ್ರಹಿಸಲು ಸಹ ಯೋಜಿಸಿದೆ. ಕಂಪನಿಯು ಪ್ರಸ್ತುತ ಬೆಂಗಳೂರು, ಮೈಸೂರು ಮತ್ತು ಮುಂಬೈನಲ್ಲಿ ಉತ್ಪಾದನಾ ಘಟಕಗಳನ್ನು ಹೊಂದಿದೆ.