ಉತ್ತರ ಗ್ರೀಸ್‌ನಲ್ಲಿ ಭೂಕಂಪನ

 ಅಥೆನ್ಸ್: ಉತ್ತರ ಗ್ರೀಸ್‌ನ ಮೌಂಟ್ ಅಥೋಸ್‌ನ ಗ್ರೀಕ್ ಆರ್ಥೊಡಾಕ್ಸ್ ಧಾರ್ಮಿಕ ಪ್ರದೇಶದಲ್ಲಿ ಶನಿವಾರ 5.3 ತೀವ್ರತೆಯ ಭೂಕಂಪ ಸಂಭವಿಸಿದ್ದು, ಸ್ಥಳೀಯರು ಮತ್ತು ಯಾತ್ರಿಕರಲ್ಲಿ ಭಯ ಉಂಟಾಗಿದೆ. ಕಳೆದ ನಾಲ್ಕು ದಿನಗಳಲ್ಲಿ ಎರಡನೇ ಬಾರಿಗೆ ಈ ಕಂಪನದ ಅನುಭವವಾಗಿದೆ.

ಅಥೆನ್ಸ್ ಜಿಯೋಡೈನಾಮಿಕ್ಸ್ ಇನ್ಸ್ಟಿಟ್ಯೂಟ್ ಪ್ರಕಾರ, ಭೂಕಂಪವು ಸಮುದ್ರ ಮಟ್ಟದಿಂದ 12.5 ಕಿಲೋಮೀಟರ್ (7.7 ಮೈಲುಗಳು) ಆಳದಲ್ಲಿ ಸಂಭವಿಸಿದೆ. ಇದರ ಕೇಂದ್ರಬಿಂದು ಹಲ್ಕಿಡಿಕಿ ಪರ್ಯಾಯ ದ್ವೀಪದಲ್ಲಿರುವ ಮೌಂಟ್ ಅಥೋಸ್‌ನ ಆಡಳಿತ ರಾಜಧಾನಿಯಾದ ಕರ್ಯೇಸ್‌ನ ವಾಯುವ್ಯದಲ್ಲಿದೆ. ಸುತ್ತಮುತ್ತಲಿನ ಅನೇಕ ಪ್ರದೇಶಗಳಲ್ಲಿಯೂ ಕಂಪನವು ಸ್ಪಷ್ಟವಾಗಿ ಅನುಭವಕ್ಕೆ ಬಂದಿದೆ. ಆದಾಗ್ಯೂ, ಭೂಕಂಪದಿಂದ ಯಾವುದೇ ಹಾನಿಯ ಕುರಿತು ವರದಿಯಾಗಿಲ್ಲ.