ರಾಜ್ಯದಲ್ಲಿ ವರ್ಕಿಂಗ್ ಉಮೆನ್ಸ್ ವಸತಿ ನಿಲಯಗಳ ನಿರ್ಮಾಣಕ್ಕೆ ಕೇಂದ್ರದಿಂದ 120 ಕೋಟಿ ರೂ. ಆರ್ಥಿಕ ನೆರವು

ತಿರುವನಂತಪುರಂ: ಕೇಂದ್ರ ಸರ್ಕಾರ ನಿಗದಿಪಡಿಸಿದ ಎಸ್.ಸಿ.ಎಸ್.ಸಿ.ಐ. ನಿಧಿಯಿಂದ ಪಡೆದ ಹಣವನ್ನು ಬಳಸಿಕೊಂಡು ರಾಜ್ಯದಾದ್ಯಂತ ಹತ್ತು ಕೆಲಸ ಮಾಡುವ ಮಹಿಳೆಯರ ವಸತಿ ನಿಲಯಗಳನ್ನು ರಾಜ್ಯ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ನಿರ್ಮಿಸುತ್ತಿದೆ.

ಆರು ವಸತಿ ನಿಲಯಗಳ ನಿರ್ಮಾಣಕ್ಕೆ ಕೆಲಸದ ಆದೇಶಗಳನ್ನು ನೀಡಲಾಗಿದೆ. ಚೆರುತೋಣಿ (12.10 ಕೋಟಿ), ವಝತೋಪ್ (10.64 ಕೋಟಿ), ಮಾವೇಲಿಕ್ಕರ (12.28 ಕೋಟಿ), ಪಡನಾಡ್ (12.27 ಕೋಟಿ), ಕಣ್ಣೂರು ಮಟ್ಟನೂರ್ (14.44 ಕೋಟಿ), ಕೋಝಿಕ್ಕೋಡ್ (14.15 ಕೋಟಿ), ರಾನ್ನಿ (10.10 ಕೋಟಿ), ಕೊಟ್ಟಾಯಂ ಗಾಂಧಿ ನಗರ (18.18 ಕೋಟಿ), ಮುಲಂಕುನ್ನತುಕಾವು (13.65 ಕೋಟಿ), ಮತ್ತು ಬಲರಾಮಪುರಂ (2.19 ಕೋಟಿ) ಗಳಲ್ಲಿ ಹಾಸ್ಟೆಲ್‍ಗಳನ್ನು ಸ್ಥಾಪಿಸಲಾಗುತ್ತಿದೆ. ಹಾಸ್ಟೆಲ್‍ಗಳಲ್ಲಿ ಒಟ್ಟು 633 ಹಾಸಿಗೆಗಳು ಇರಲಿವೆ. 120 ಕೋಟಿ ರೂಪಾಯಿ ವೆಚ್ಚದಲ್ಲಿ ಹಾಸ್ಟೆಲ್‍ಗಳನ್ನು ನಿರ್ಮಿಸಲಾಗುತ್ತಿದೆ. ಕೇಂದ್ರ ಸರ್ಕಾರವು ಎಸ್.ಸಿ.ಎಸ್.ಸಿ.ಐ ನಿಧಿಯಿಂದ ನೀಡುವ ಮೊತ್ತವನ್ನು ಈ ಯೋಜನೆಗೆ ಬಳಸಿಕೊಳ್ಳಲಾಗುವುದು. ಮೊದಲ ಕಂತಾಗಿ 79.20 ಕೋಟಿ ರೂ.ಗಳನ್ನು ಸ್ವೀಕರಿಸಲಾಗಿದೆ.