ಮಾನವ ಕಳ್ಳಸಾಗಣೆ: ಕಾಂಗ್ರೆಸ್ ಸರ್ಕಾರದ ಅವಧಿಯಲ್ಲಿಯೂ ಪ್ರಕರಣಗಳು ದಾಖಲು

ತಿರುವನಂತಪುರಂ: ರಾಜ್ಯದಲ್ಲಿ ಸಾಮೂಹಿಕ ಮಕ್ಕಳ ಕಳ್ಳಸಾಗಣೆ ಘಟನೆಗಳಲ್ಲಿ ಕಳೆದ ಯುಡಿಎಫ್ ಸರ್ಕಾರದ ಅವಧಿಯಲ್ಲಿಯೇ ಪ್ರಕರಣಗಳನ್ನು ಪೋಲೀಸರು ದಾಖಲಿಸಿದ್ದರು ಎಂಬ ಮಾಹಿತಿ ಹೊರಬಿದ್ದಿದೆ. 2014 ರಿಂದ 2015 ರವರೆಗೆ ನಡೆದ ಹಲವಾರು ಮಕ್ಕಳ ಕಳ್ಳಸಾಗಣೆ ಘಟನೆಗಳಲ್ಲಿ ರೈಲ್ವೆ ಪೋಲೀಸರು ಮಧ್ಯಪ್ರವೇಶಿಸಿ, ಪ್ರಕರಣಗಳನ್ನು ದಾಖಲಿಸಿ ಆರೋಪಿಗಳನ್ನು ಬಂಧಿಸಿದ್ದರು.

ಮೇ 2014 - ವೆಟ್ಟತೂರು ಘಟನೆ

ಮೇ 2014 ರಲ್ಲಿ, ಮಲಪ್ಪುರಂನ ವೆಟ್ಟತೂರಿನ ಅನ್ವಾಹುಲ್ ಹುಡಾ ಸಂಕೀರ್ಣ ಅನಾಥಾಶ್ರಮಕ್ಕೆ ಕರೆತರಲಾದ 123 ಮಕ್ಕಳನ್ನು ರೈಲ್ವೆ ಪೆÇಲೀಸರು ವಶಕ್ಕೆ ಪಡೆದರು. ಇವರು 6 ರಿಂದ 14 ವರ್ಷದೊಳಗಿನ ಮಕ್ಕಳು.

ಪಶ್ಚಿಮ ಬಂಗಾಳದ ಮಕ್ಕಳು ಗುವಾಹಟಿ-ತಿರುವನಂತಪುರಂ ಎಕ್ಸ್‍ಪ್ರೆಸ್‍ನಲ್ಲಿ ಪತ್ತೆಯಾಗಿದ್ದರು. 64 ಮಕ್ಕಳು ಗುರುತಿನ ದಾಖಲೆಗಳನ್ನು ಹೊಂದಿದ್ದರೂ, 59 ಮಂದಿ ಹೊಸದಾಗಿ ಕರೆತರಲಾಗಿತ್ತು.

ಮಾನವ ಕಳ್ಳಸಾಗಣೆ ಪ್ರಕರಣದಲ್ಲಿ ರೈಲ್ವೆ ಪೆÇಲೀಸರು ಎಂಟು ಜನರನ್ನು ಬಂಧಿಸಿದ್ದಾರೆ.

ಮೇ 2015 - ನೆಟ್ಟೂರು ಘಟನೆ

ಮೇ 2015 ರಲ್ಲಿ, ಎರ್ನಾಕುಳಂನ ನೆಟ್ಟೂರಿನ ಜಾಮಾ ಅತುಲ್ ಕುಬ್ರಾ ಇಸ್ಲಾಮಿಕ್ ಕಾಂಪ್ಲೆಕ್ಸ್ ಅನಾಥಾಶ್ರಮಕ್ಕೆ ದಾಖಲೆಗಳಿಲ್ಲದೆ 29 ಮಕ್ಕಳನ್ನು ಕರೆತಂದ ಘಟನೆಯನ್ನು ರೈಲ್ವೆ ಪೆÇಲೀಸರು ಕಂಡುಕೊಂಡರು.

ನಿಜಾಮುದ್ದೀನ್-ಮಂಗಳ ಲಕ್ಷದ್ವೀಪ ಎಕ್ಸ್‍ಪ್ರೆಸ್‍ನಲ್ಲಿ ಮಕ್ಕಳನ್ನು ಕರೆತಂದಾಗ, ಪ್ರಯಾಣಿಕರಿಂದ ಬಂದ ಮಾಹಿತಿಯ ಆಧಾರದ ಮೇಲೆ ಪೆÇಲೀಸರು ಮಧ್ಯಪ್ರವೇಶಿಸಿದರು.

ನಂತರ ಮಕ್ಕಳನ್ನು ಮಕ್ಕಳ ಕಲ್ಯಾಣ ಸಮಿತಿಯ ಆರೈಕೆಯಲ್ಲಿ ಇರಿಸಲಾಯಿತು.

ಪೋಲೀಸರು ಅಬ್ದುಲ್ ಹಾಥಿ ಅನ್ಸಾರಿ, ಮೌಲಾನಾ ಫೈಜುಲ್ಲಾ, ಮೊಹಮ್ಮದ್ ಅಲಂಕೀರ್ ಮತ್ತು ಮೊಹಮ್ಮದ್ ಬ್ರಿಶ್ ಅಲಂ ಸೇರಿದಂತೆ ಉತ್ತರ ಭಾರತದ ರಾಜ್ಯಗಳ ಹಲವಾರು ಜನರನ್ನು ಬಂಧಿಸಿದರು.

ಪಶ್ಚಿಮ ಬಂಗಾಳದ ಅಬೂಬಕರ್, ಮನ್ಸೂರ್, ಜಹೀರ್ ಮತ್ತು ಬಕರ್ ಅವರನ್ನು ಸಹ ಪ್ರಕರಣದಲ್ಲಿ ಆರೋಪಿಗಳೆಂದು ಹೆಸರಿಸಲಾಗಿದೆ.

ಹೆಚ್ಚಿನ ತನಿಖೆಗಾಗಿ ಪ್ರಕರಣಗಳನ್ನು ಅಪರಾಧ ವಿಭಾಗದ ಸಿಐಡಿಗೆ ಹಸ್ತಾಂತರಿಸಲಾಯಿತು, ಆದರೆ ನಂತರ ಮುಂದಿನ ಕ್ರಮ ನಿಧಾನವಾಯಿತು.