ವಿದ್ಯುತ್ ತಂತಿ ಹಾದುಹೋಗುವ ಶಾಲೆಗಳಿಗೆ ಫಿಟ್‍ನೆಸ್ ಪ್ರಮಾಣಪತ್ರ ನೀಡಬಾರದಿತ್ತು: ವಿವರವಾದ ತನಿಖೆ ನಡೆಸಲಾಗುವುದು: ಸಚಿವ ವಿ. ಶಿವನ್‍ಕುಟ್ಟಿ

ಕೊಲ್ಲಂ: ತೇವಲಕ್ಕರ ಬಾಲಕರ ಶಾಲೆಯಲ್ಲಿ ಆಘಾತದಿಂದ ವಿದ್ಯಾರ್ಥಿ ಸಾವನ್ನಪ್ಪಿದ ಘಟನೆ ತುಂಬಾ ನೋವಿನ ಸಂಗತಿ ಎಂದು ಶಿಕ್ಷಣ ಸಚಿವ ವಿ. ಶಿವನ್‍ಕುಟ್ಟಿ ಹೇಳಿರುವರು.

ಫಿಟ್‍ನೆಸ್ ಪ್ರಮಾಣಪತ್ರ ಇದ್ದರೆ ಮಾತ್ರ ಶಾಲೆ ತೆರೆಯಲು ಸೂಚಿಸಲಾಗಿತ್ತು. ವಿದ್ಯುತ್ ಮಾರ್ಗ ಇರುವಾಗ ಶಾಲೆಗೆ ಫಿಟ್‍ನೆಸ್ ಪ್ರಮಾಣಪತ್ರ ನೀಡಬಾರದಿತ್ತು ಎಂದು ಸಚಿವರು ಸ್ಪಷ್ಟಪಡಿಸಿದರು.

ಕೇರಳದಲ್ಲಿ ಶಾಲೆಗಳು ತೆರೆಯುವ ಮೊದಲೇ ಇಂತಹ ಅಪಘಾತಗಳನ್ನು ತಡೆಗಟ್ಟಲು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳಲಾಗಿತ್ತು ಎಂದು ಅವರು ಹೇಳಿದರು. ಕೇರಳದಲ್ಲಿ ಸುಮಾರು ಹದಿನಾಲ್ಕು ಸಾವಿರ ಶಾಲೆಗಳಿವೆ. ತೆರೆಯುವ ಮೊದಲು ಕೈಗೊಳ್ಳಬೇಕಾದ ಆರಂಭಿಕ ಚಟುವಟಿಕೆಗಳ ಕುರಿತು ಪ್ರತಿ ಶಾಲೆಗೆ ಸುತ್ತೋಲೆ ಹೊರಡಿಸಲಾಗಿತ್ತು. ಅಧಿಕಾರಿಗಳೊಂದಿಗೆ ಸಭೆಗಳನ್ನು ಸಹ ನಡೆಸಲಾಯಿತು. ವಿದ್ಯುತ್ ಮಾರ್ಗ ಇರುವ ಶಾಲೆಗೆ ಫಿಟ್‍ನೆಸ್ ಪ್ರಮಾಣಪತ್ರ ನೀಡಬಾರದು ಎಂದು ಸಚಿವರು ಹೇಳಿದ್ದರು. ಸರಿಯಾದ ತನಿಖೆ ನಡೆಸಲಾಗುವುದು. ತಪ್ಪಿತಸ್ಥರಿಗೆ ಯಾವುದೇ ರಿಯಾಯಿತಿ ನೀಡಲಾಗದು ಎಂದವರು ತಿಳಿಸಿರುವರು. 

ಶಿಕ್ಷಣ ನಿರ್ದೇಶಕರು ಮತ್ತು ಇತರ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. ಈ ಅಪಘಾತವನ್ನು ಎಂದಿಗೂ ರಾಜಕೀಯವಾಗಿ ಬಳಸಿಕೊಳ್ಳಬಾರದು ಎಂದು ಶಿಕ್ಷಣ ಸಚಿವರು ಹೇಳಿದರು. ಶಾಲೆ ಕ್ರಮಗಳನ್ನು ಅನುಸರಿಸುವಲ್ಲಿ ವಿಫಲವಾಗಿದೆ. ಶಿಕ್ಷಣ ಇಲಾಖೆ ತಕ್ಷಣವೇ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳುತ್ತದೆ. "ನಾವು ಎಲ್ಲಾ ವಿಷಯಗಳನ್ನು ತನಿಖೆ ಮಾಡುತ್ತೇವೆ" ಎಂದು ಸಚಿವ ವಿ. ಶಿವನ್‍ಕುಟ್ಟಿ ಹೇಳಿದರು.