ನವಜಾತ ಶಿಶುಗಳನ್ನು ಕೊಂದು ಹೂಳಿದ ಪ್ರಕರಣ: ಮಹಿಳೆ ಮತ್ತು ಪುರುಷ ಸ್ನೇಹಿತನ ಬಂಧನ

ತ್ರಿಶೂರ್: ಮೂರು ವರ್ಷಗಳ ಅವಧಿಯಲ್ಲಿ ಎರಡು ನವಜಾತ ಶಿಶುಗಳನ್ನು ಕೊಲೆ ಮಾಡಿ ಹೂಳಿದ್ದ ಆರೋಪ ಹೊತ್ತಿರುವ ತಾಯಿ ಅನಿಷಾ ಮತ್ತು ಆಕೆಯ ಪುರುಷ ಸ್ನೇಹಿತ ಭವಿನ್ ಅವರನ್ನು ಬಂಧನದಲ್ಲಿಡಲಾಗಿದೆ. ಅವರನ್ನು 14 ದಿನಗಳ ಕಾಲ ಬಂಧನದಲ್ಲಿಡಲಾಗಿದೆ.

ಘಟನೆಯಲ್ಲಿ ವಿಧಿವಿಜ್ಞಾನ ತಂಡವು ನಿರ್ಣಾಯಕ ಪುರಾವೆಗಳನ್ನು ಸಂಗ್ರಹಿಸಿದೆ. ತ್ರಿಶೂರ್ ವೈದ್ಯಕೀಯ ಕಾಲೇಜಿನ ವಿಧಿವಿಜ್ಞಾನ ಮುಖ್ಯಸ್ಥ ಡಾ. ಅನ್‍ಮಾಶ್ ನೇತೃತ್ವದ ತಪಾಸಣೆಯ ಸಮಯದಲ್ಲಿ ನಿರ್ಣಾಯಕ ಪುರಾವೆಗಳನ್ನು ಸಂಗ್ರಹಿಸಲಾಗಿದೆ. ಕೊಲೆಯಾದ ಎರಡು ಶಿಶುಗಳ ಮೂಳೆಗಳ ಅವಶೇಷಗಳು ಕಂಡುಬಂದಿವೆ. ಯೂಟ್ಯೂಬ್ ನೋಡುವಾಗ ತಾನು ಮಗುವಿಗೆ ಜನ್ಮ ನೀಡಿದ್ದೇನೆ ಎಂದು ಅನಿಷಾ ಪೋಲೀಸರಿಗೆ ತಿಳಿಸಿದ್ದಾರೆ.

2021 ರಲ್ಲಿ ತನ್ನ ಮೊದಲ ಮಗುವಿನ ಹತ್ಯೆಯಲ್ಲಿ ವೆಲ್ಲಿಕುಳಂಗರದಲ್ಲಿರುವ ಅನಿಷಾ ಅವರ ಮನೆಯನ್ನು ವಿಧಿವಿಜ್ಞಾನ ತಂಡ ಪರಿಶೀಲಿಸಿತು. ಸಾಕ್ಷ್ಯ ಸಂಗ್ರಹದಲ್ಲಿ ಮಗುವಿನ ಬೆರಳಿನ ಮೂಳೆಗಳು ಸೇರಿವೆ.

2024 ರಲ್ಲಿ ಕೊಲ್ಲಲ್ಪಟ್ಟ ಎರಡನೇ ಮಗುವಿನ ಮೂಳೆಗಳ ಪರೀಕ್ಷೆಯನ್ನು ಅಂಬಲೂರಿನ ಭವಿನ್ ಅವರ ಮನೆಯಲ್ಲಿ ನಡೆಸಲಾಯಿತು. ಮನೆಯ ಪಕ್ಕದ ಹೊಳೆಯ ಬಳಿ ಮೂಳೆಗಳು ಕಂಡುಬಂದಿವೆ. ಸಂಗ್ರಹಿಸಿದ ಮೂಳೆಗಳನ್ನು ಡಿಎನ್‍ಎ ಪರೀಕ್ಷೆಗೆ ಕಳುಹಿಸಲಾಗುತ್ತದೆ.

ಎರಡು ಬಾರಿ ಗರ್ಭಿಣಿಯಾಗಿದ್ದಾಗಲೂ ಅನಿಷಾ ತನ್ನ ಗರ್ಭಧಾರಣೆಯನ್ನು ಇತರರಿಂದ ಮರೆಮಾಡಲು ಸಡಿಲವಾದ ಬಟ್ಟೆಗಳನ್ನು ಧರಿಸಿದ್ದಳು. ಶಿಶುಗಳನ್ನು ಕೊಲ್ಲುವ ಮೊದಲು ತನ್ನ ಪೋನ್‍ನಲ್ಲಿ ಪೋಟೋಗಳು ಮತ್ತು ವೀಡಿಯೊಗಳನ್ನು ತೆಗೆದುಕೊಂಡಿದ್ದಾಗಿ ಮಹಿಳೆ ಸಾಕ್ಷ್ಯ ನುಡಿದಿದ್ದಾಳೆ.