ಬಿಜೆಪಿ ಸದಸ್ಯತ್ವಕ್ಕೆ ಸಂಬಂಧಿಸಿದ ಯಾವುದೇ ಹುದ್ದೆ ಬೇಡ ಎಂದ ಶಶಿ ತರೂರ್

ತಿರುವನಂತಪುರಂ: ಬಿಜೆಪಿ ಸದಸ್ಯತ್ವಕ್ಕೆ ಸಂಬಂಧಿಸಿದ ಯಾವುದೇ ಹುದ್ದೆ ಬೇಡ ಎಂದು ಶಶಿ ತರೂರ್ ಕೇಂದ್ರ ಸರ್ಕಾರಕ್ಕೆ ಸ್ಪಷ್ಟಪಡಿಸಿದ್ದಾರೆ ಎಂದು ವರದಿಯಾಗಿದೆ.

ಕೇಂದ್ರ ಸರ್ಕಾರವು ಉಪರಾಷ್ಟ್ರಪತಿ ಹುದ್ದೆಗೆ ತರೂರ್ ಅವರನ್ನು ಪರಿಗಣಿಸುತ್ತಿದೆ ಎಂಬ ವರದಿಗಳ ಮಧ್ಯೆ ಈ ಸ್ಪಷ್ಟನೆ ನೀಡಲಾಗಿದೆ. 

ಬಿಜೆಪಿ ಸದಸ್ಯತ್ವಕ್ಕೆ ಸಂಬಂಧಿಸಿದ ಯಾವುದೇ ಹುದ್ದೆ ಬೇಡ ಎಂಬುದು ತರೂರ್ ಅವರ ನಿಲುವು. ತರೂರ್ ಅವರೊಂದಿಗೆ ಚರ್ಚಿಸಲು ಬಿಜೆಪಿ ಕಳುಹಿಸಿದ ರಾಯಭಾರಿಗೆ ತರೂರ್ ಇದನ್ನು ಸ್ಪಷ್ಟಪಡಿಸಿದ್ದಾರೆ ಎಂದು ವರದಿಯಾಗಿದೆ.

ಭಾನುವಾರ ತಿರುವನಂತಪುರಂನಲ್ಲಿ ನಡೆದ ಕೇಶವದೇವ್ ಸಾಹಿತ್ಯ ಪ್ರಶಸ್ತಿ ಪ್ರದಾನ ಸಮಾರಂಭದ ನಂತರ ತಮ್ಮ ಪ್ರತಿಕ್ರಿಯೆಯಲ್ಲಿ ಉಪರಾಷ್ಟ್ರಪತಿ ಅಭ್ಯರ್ಥಿ ಎಂಬ ವದಂತಿಗಳನ್ನು ತರೂರ್ ನಿರಾಕರಿಸಿದ್ದರು.

ತಾವು ಉಪರಾಷ್ಟ್ರಪತಿ ಅಭ್ಯರ್ಥಿಯಾಗುವರೇ ಎಂಬ ಪ್ರಶ್ನೆಯಿಂದ ತರೂರ್ ತಪ್ಪಿಸಿಕೊಂಡರು. ನಿನ್ನೆ ಕೊಟ್ಟಾಯಂನಲ್ಲಿ ನಡೆದ ಪಾಲಾ ಡಯಾಸಿಸ್‍ನ ಪ್ಲಾಟಿನಂ ಜುಬಿಲಿ ಕಾರ್ಯಕ್ರಮದಲ್ಲಿ ಕಾಂಗ್ರೆಸ್ ನಾಯಕರೊಂದಿಗೆ ತರೂರ್ ಭಾಗವಹಿಸಿದ್ದರು.