ಹೆಚ್ಚಿನ ಲಾಭವಿಲ್ಲದೆ ಮಾರುಕಟ್ಟೆಗೆ ತೆಂಗಿನ ಎಣ್ಣೆ ಪೂರೈಸಲು ಕೈಗಾರಿಕೋದ್ಯಮಿಗಳಿಂದ ಭರವಸೆ: ಸಚಿವ ಅನಿಲ್

ಕೊಚ್ಚಿ: ಹೆಚ್ಚಿನ ಲಾಭವಿಲ್ಲದೆ ಮಾರುಕಟ್ಟೆಗೆ ತೆಂಗಿನ ಎಣ್ಣೆಯನ್ನು ಪೂರೈಸುವುದಾಗಿ ಕೈಗಾರಿಕೋದ್ಯಮಿಗಳು ಭರವಸೆ ನೀಡಿದ್ದಾರೆ ಎಂದು ಆಹಾರ ಸಚಿವ ಜಿ.ಆರ್. ಅನಿಲ್ ಹೇಳಿದ್ದಾರೆ.

ಕೈಗಾರಿಕೋದ್ಯಮಿಗಳು, ರೈತರು ಮತ್ತು ಗ್ರಾಹಕರಿಗೆ ಸಮಾನವಾಗಿ ಪ್ರಯೋಜನಕಾರಿಯಾಗುವ ರೀತಿಯಲ್ಲಿ ಬೆಲೆ ಏರಿಕೆಯನ್ನು ತಡೆಯಲು ಸರ್ಕಾರ ಪ್ರಯತ್ನಿಸುತ್ತಿದೆ ಎಂದು ಸಚಿವರು ಹೇಳಿರುವರು. 

ಕೊಚ್ಚಿಯಲ್ಲಿ ಕೈಗಾರಿಕೋದ್ಯಮಿಗಳೊಂದಿಗೆ ನಡೆದ ಚರ್ಚೆಯ ಸಂದರ್ಭದಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಓಣಂ ಸಂದರ್ಭದಲ್ಲಿ ಸಪ್ಲೈಕೋ ನಡೆಸುವ ಟೆಂಡರ್‍ನಲ್ಲಿ ಕಡಿಮೆ ಬೆಲೆಯಲ್ಲಿ ಭಾಗವಹಿಸಲು ಕೈಗಾರಿಕೋದ್ಯಮಿಗಳಿಗೆ ಅವಕಾಶ ನೀಡಲಾಗುವುದು. ಇದು ಮಾರುಕಟ್ಟೆಯಲ್ಲಿ ಬೆಲೆಯನ್ನು ಕಡಿಮೆ ಮಾಡುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಸಪ್ಲೈಕೋದಿಂದ ತೆಂಗಿನ ಎಣ್ಣೆಯ ಬೆಲೆ ಕಡಿಮೆಯಾದಂತೆ, ಇಡೀ ಮಾರುಕಟ್ಟೆಯಲ್ಲಿ ಬೆಲೆ ಕಡಿಮೆಯಾಗುವ ನಿರೀಕ್ಷೆಯಿದೆ ಎಂದು ಸಚಿವರು ಹೇಳಿರುವರು.