ಅಕ್ರಮ ಶಾರ್ಕ್ ಮೀನುಗಾರಿಕೆ ಮತ್ತು ವ್ಯಾಪಾರ ನಿಲ್ಲಿಸಲು ಸಂಘಟಿತ ಕ್ರಮದ ಅಗತ್ಯವಿದೆ: ಕೇಂದ್ರ ಸಮುದ್ರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆ ಒತ್ತಾಯ

ಕೊಚ್ಚಿ: ಅಕ್ರಮ ಶಾರ್ಕ್ ಮೀನುಗಾರಿಕೆ ಮತ್ತು ವ್ಯಾಪಾರವನ್ನು ನಿಲ್ಲಿಸಲು ಸಂಘಟಿತ ಕ್ರಮದ ಅಗತ್ಯವಿದೆ ಎಂದು ತಜ್ಞರು ಹೇಳುತ್ತಾರೆ. ಕೇಂದ್ರ ಸಮುದ್ರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆ (ಸಿಎಂಎಫ್.ಆರ್.ಐ) ನಲ್ಲಿ ನಡೆದ ಕಾರ್ಯಾಗಾರದಲ್ಲಿ ಈ ಸಲಹೆಯನ್ನು ನೀಡಲಾಯಿತು. ಅಳಿವಿನಂಚಿನಲ್ಲಿರುವ ಪ್ರಭೇದಗಳ ರಕ್ಷಣೆಯನ್ನು ಖಚಿತಪಡಿಸಿಕೊಳ್ಳಲು, ಮೀನುಗಾರಿಕೆ ವಲಯದಲ್ಲಿ ಕೆಲಸ ಮಾಡುವ ವಿವಿಧ ಸಂಸ್ಥೆಗಳ ನಡುವೆ ವ್ಯಾಪಕ ಅರಿವು ಮತ್ತು ಪರಸ್ಪರ ಸಹಕಾರ ಅತ್ಯಗತ್ಯ.

ಶಾರ್ಕ್ ಆವಾಸಸ್ಥಾನಗಳ ನಕ್ಷೆ, ಸಮುದ್ರದಲ್ಲಿ ಸಂರಕ್ಷಿತ ಪ್ರದೇಶಗಳ ನಿರ್ಣಯ, ಶಾರ್ಕ್‍ಗಳನ್ನು ಗುರುತಿಸುವ ಎಐ- ಆಧಾರಿತ ಸಾಧನಗಳ ಸ್ಥಾಪನೆ ಇತ್ಯಾದಿಗಳನ್ನು ಪರಿಗಣಿಸಬೇಕು.

ಕೇಂದ್ರ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿಯಲ್ಲಿ ಹೆಚ್ಚಿನ ಜಾತಿಗಳನ್ನು ಸೇರಿಸಲು ಸಂರಕ್ಷಿತ ಪಟ್ಟಿಯ ಅಭಿವೃದ್ಧಿಯ ಸಂದರ್ಭದಲ್ಲಿ ಜಾಗೃತಿ ಅಭಿಯಾನಗಳು ಅಗತ್ಯವಿದೆ.

ಸಿಜಿಎಸ್‍ಟಿ ಮತ್ತು ಕಸ್ಟಮ್ಸ್ ಮುಖ್ಯ ಆಯುಕ್ತ ಶೇಖ್ ಖಾದಿರ್ ರೆಹಮಾನ್ ಕಾರ್ಯಾಗಾರವನ್ನು ಉದ್ಘಾಟಿಸಿದರು. ಕಸ್ಟಮ್ಸ್, ಮೀನುಗಾರಿಕೆ ಅಧಿಕಾರಿಗಳು, ಕರಾವಳಿ ಪೆÇಲೀಸರು, ಸಂಶೋಧಕರು, ಅರಣ್ಯ ಮತ್ತು ವನ್ಯಜೀವಿ ಇಲಾಖೆಗಳ ನಡುವೆ ಜಂಟಿ ತರಬೇತಿ ಮತ್ತು ಸಮನ್ವಯದ ಅವಶ್ಯಕತೆಯಿದೆ ಎಂದು ಅವರು ಹೇಳಿದರು.

ಸಂರಕ್ಷಿತ ಶಾರ್ಕ್‍ಗಳನ್ನು ಹೆಚ್ಚಾಗಿ ಅಕ್ರಮವಾಗಿ ಹಿಡಿಯಲಾಗುತ್ತದೆ. ಶಾರ್ಕ್ ರೆಕ್ಕೆಗಳನ್ನು ಕತ್ತರಿಸಿ ವಿದೇಶಗಳಿಗೆ ರಫ್ತು ಮಾಡುವ ಪರಿಸ್ಥಿತಿಯೂ ಇದೆ. ಪೂರ್ವ ಏಷ್ಯಾದ ದೇಶಗಳಲ್ಲಿ ಅವುಗಳಿಗೆ ಹೆಚ್ಚಿನ ಬೇಡಿಕೆಯಿದೆ.

ಅಳಿವಿನಂಚಿನಲ್ಲಿರುವ ಪ್ರಭೇದಗಳಾದ ವನ್ಯಜೀವಿ ಮತ್ತು ಸಸ್ಯವರ್ಗದ ಅಂತರರಾಷ್ಟ್ರೀಯ ವ್ಯಾಪಾರದ ಸಮಾವೇಶದ (ಅIಖಿಇS) ಅಡಿಯಲ್ಲಿ ಪಟ್ಟಿ ಮಾಡಲಾದ ಶಾರ್ಕ್‍ಗಳ ಮೇಲೆ ಆಮದು ಮತ್ತು ರಫ್ತು ನಿಬರ್ಂಧಗಳಿವೆ. ಅವುಗಳನ್ನು ಸುಲಭವಾಗಿ ಗುರುತಿಸಲು ಜಾರಿ ಅಧಿಕಾರಿಗಳಿಗೆ ತರಬೇತಿಯ ಅಗತ್ಯವಿದೆ.

ಆದ್ದರಿಂದ, ಅಒಈಖI ನಂತಹ ಸಂಶೋಧನಾ ಸಂಸ್ಥೆಗಳು ಮತ್ತು ಜಾರಿ ಸಂಸ್ಥೆಗಳ ನಡುವೆ ಪರಸ್ಪರ ಸಹಕಾರದ ಅವಶ್ಯಕತೆಯಿದೆ ಎಂದು ಅವರು ಹೇಳಿದರು.

(ಸಿಎಂಎಫ್.ಆರ್.ಐ ನಿರ್ದೇಶಕ ಡಾ. ಗ್ರಿನ್ಸನ್ ಜಾರ್ಜ್ ಕಾರ್ಯಾಗಾರದ ಅಧ್ಯಕ್ಷತೆ ವಹಿಸಿದ್ದರು.

ಅನಿಯಂತ್ರಿತ ಮೀನುಗಾರಿಕೆ ಮತ್ತು ವ್ಯಾಪಾರ ಮಾತ್ರವಲ್ಲದೆ, ಮಾಲಿನ್ಯ ಮತ್ತು ಹವಾಮಾನ ಬದಲಾವಣೆಯಂತಹ ಅಂಶಗಳು ಸಹ ಅನೇಕ ಪ್ರಭೇದಗಳನ್ನು ಅಳಿವಿನ ಅಪಾಯಕ್ಕೆ ಸಿಲುಕಿಸಿವೆ ಎಂದು ಅವರು ಹೇಳಿದರು.

ಸಂರಕ್ಷಣಾ ಕ್ರಮಗಳನ್ನು ಬಿಗಿಗೊಳಿಸುವಾಗ, ಮೀನುಗಾರರ ಜೀವನೋಪಾಯವನ್ನು ಸಹ ಪರಿಗಣಿಸಬೇಕು ಎಂದು ತಜ್ಞರು ಗಮನಸೆಳೆದರು. ಶಾರ್ಕ್ ಮೀನುಗಾರಿಕೆ ಅನೇಕ ಕುಟುಂಬಗಳ ಜೀವನೋಪಾಯವಾಗಿದೆ. ಕಾನೂನುಬದ್ಧವಾಗಿ ಮೀನುಗಾರಿಕೆ ಮಾಡುವವರಿಗೆ ತೊಂದರೆ ಉಂಟುಮಾಡುವ ರೀತಿಯಲ್ಲಿ ಜಾರಿ ವಿಧಾನಗಳು ಇರಬಾರದು ಎಂಬ ಅಭಿಪ್ರಾಯವನ್ನು ಕಾರ್ಯಾಗಾರವು ವ್ಯಕ್ತಪಡಿಸಿತು.

ಕೇಂದ್ರ ಮೀನುಗಾರಿಕೆ ಜಂಟಿ ಕಾರ್ಯದರ್ಶಿ ನೀತು ಕುಮಾರಿ ಪ್ರಸಾದ್, ಡಾ. ಶೋಭಾ ಜೋ ಕಿಝಕ್ಕುಡನ್ ಮತ್ತು ಡಾ. ಟಿ. ಎಂ. ನಜ್ಮುದ್ದೀನ್ ಭಾಷಣ ಮಾಡಿದರು. ರಾಜ್ಯ ಮೀನುಗಾರಿಕೆ ಮತ್ತು ವನ್ಯಜೀವಿ ಇಲಾಖೆಗಳು, ಕಸ್ಟಮ್ಸ್, ಕೋಸ್ಟ್ ಗಾರ್ಡ್, ನೌಕಾಪಡೆಯ ಅಧಿಕಾರಿಗಳು, ಸಂಶೋಧಕರು, ರಫ್ತುದಾರರು ಮತ್ತು ವಿವಿಧ ಸರ್ಕಾರೇತರ ಸಂಸ್ಥೆಗಳ ಪ್ರತಿನಿಧಿಗಳು ಚರ್ಚೆಯಲ್ಲಿ ಭಾಗವಹಿಸಿದ್ದರು.