ಕೇರಳದಲ್ಲಿ ಮತ್ತೆ ನಿಪಾ ಸೋಂಕು? ಯುವತಿ ಆಸ್ಪತ್ರೆಗೆ ದಾಖಲು

ಮಲಪ್ಪುರಂ: ಪಾಲಕ್ಕಾಡ್‍ನ ನಟ್ಟುಕಲ್‍ನ 38 ವರ್ಷದ ಮಹಿಳೆಯನ್ನು ಪೆರಿಂದಲ್ಮಣ್ಣಾದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯುವತಿಗೆ ನಿಪಾ ಸೋಂಕು ತಗುಲಿದೆ ಎಂದು ಪ್ರಾಥಮಿಕ ಪರೀಕ್ಷೆಗಳಲ್ಲಿ ತಿಳಿದುಬಂದಿದೆ. ಯುವತಿಯ ಸ್ಥಿತಿ ಗಂಭೀರವಾಗಿದೆ ಎಂದು ಹೇಳಲಾಗಿದೆ.

ಆಕೆಯ ಮಾದರಿಗಳನ್ನು ವಿವರವಾದ ಪರೀಕ್ಷೆಗಾಗಿ ಪುಣೆ ವೈರಾಲಜಿ ಲ್ಯಾಬ್‍ಗೆ ಕಳುಹಿಸಲಾಗಿದೆ. ಯುವತಿಗೆ ಎಲ್ಲಿಂದ ಈ ಸೋಂಕು ತಗುಲಿದೆ ಎಂಬುದು ಸ್ಪಷ್ಟವಾಗಿಲ್ಲ. ಆರೋಗ್ಯ ಇಲಾಖೆ ಅಧಿಕಾರಿಗಳು ಯುವತಿಯ ಸಂಪರ್ಕಿತರ ಪಟ್ಟಿಯನ್ನು ಸಿದ್ಧಪಡಿಸುತ್ತಿದ್ದಾರೆ. ಭಾಗಿಯಾಗಿರುವ ಜನರ ಮೇಲೂ ನಿಗಾ ಇಡಲಾಗುವುದು.