ರಾಜತಾಂತ್ರಿಕ ಚಿನ್ನದ ಕಳ್ಳಸಾಗಣೆ ಪ್ರಕರಣದ ಆರೋಪಿ ಸಂದೀಪ್ ನಾಯರ್ ಗೆ ಹೃದಯಾಘಾತ: ತೀವ್ರ ನಿಗಾ ಘಟಕಕ್ಕೆ ದಾಖಲು

ಕೊಚ್ಚಿ: ರಾಜತಾಂತ್ರಿಕ ಚಿನ್ನದ ಕಳ್ಳಸಾಗಣೆ ಪ್ರಕರಣದ ಆರೋಪಿ ಸಂದೀಪ್ ನಾಯರ್ ಅವರನ್ನು ಶುಕ್ರವಾರ ಹೃದಯಾಘಾತ ಕಾರಣ ಎರ್ನಾಕುಳಂನ ಲಿಸಿ ಆಸ್ಪತ್ರೆಗೆ ದಾಖಲಿಸಲಾಯಿತು. ಪರೀಕ್ಷೆಗಳಲ್ಲಿ ನಾಲ್ಕು ಬ್ಲಾಕ್‍ಗಳಿವೆ ಎಂದು ಕಂಡುಬಂದ ನಂತರ ಆಂಜಿಯೋಗ್ರಾಮ್ ನಡೆಸಲಾಯಿತು. ಸಂದೀಪ್ ತೀವ್ರ ನಿಗಾ ಘಟಕದಲ್ಲಿದ್ದಾರೆ. ಮತ್ತೊಂದು ಚಿನ್ನದ ಕಳ್ಳಸಾಗಣೆ ಪ್ರಕರಣದಲ್ಲಿ ನ್ಯಾಯಾಲಯ ಅವರನ್ನು ಖುಲಾಸೆಗೊಳಿಸಿದ ಸ್ವಲ್ಪ ಸಮಯದಲ್ಲೇ ಈ ಘಟನೆ ಸಂಭವಿಸಿದೆ.

ತೀರ್ಪು ಕೇಳಿದ ನಂತರ, ಅವರು ತಮ್ಮ ಪತ್ನಿ ಮತ್ತು ಸಂಬಂಧಿಕರೊಂದಿಗೆ ತಿರುವನಂತಪುರಂನಲ್ಲಿರುವ ತಮ್ಮ ನಿವಾಸಕ್ಕೆ ಹೋಗಲು ಎರ್ನಾಕುಳಂ ಉತ್ತರ ರೈಲ್ವೆ ನಿಲ್ದಾಣದಲ್ಲಿ ರೈಲಿಗಾಗಿ ಕಾಯುತ್ತಿದ್ದಾಗ ಎದೆನೋವು ಅನುಭವಿಸಿದರು. ನಂತರ ಅವರನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. 

ಸಂದೀಪ್ ನಾಯರ್ ರಾಜತಾಂತ್ರಿಕ ಚಿನ್ನದ ಕಳ್ಳಸಾಗಣೆ ಪ್ರಕರಣದ ಪ್ರಮುಖ ಆರೋಪಿಗಳಲ್ಲಿ ಒಬ್ಬರು, ಸ್ವಪ್ನಾ ಸುರೇಶ್ ಮತ್ತು ಪಿ.ಎಸ್. ಸರಿತ್ ಅವರೊಂದಿಗೆ. ಪ್ರಕರಣದಲ್ಲಿ ಸುಮಾರು ಒಂದೂವರೆ ವರ್ಷಗಳ ಕಾಲ ಕೊಫೆಪೆÇೀಸಾ ತಡೆಗಟ್ಟುವ ಬಂಧನದಲ್ಲಿದ್ದ ಸಂದೀಪ್, ಅಕ್ಟೋಬರ್ 2021 ರಲ್ಲಿ ಜೈಲಿನಿಂದ ಬಿಡುಗಡೆಯಾದರು.