ಚೆನ್ನೈ ಮೂಲದ 'ಸತ್ತ ಪತ್ನಿ'ಯನ್ನು ಬಂಧಿಸಿದ ಪೋಲೀಸರು: ಪತಿಗೆ ವಂಚಿಸಿ ಪತ್ನಿ ನಾಪತ್ತೆಯಾದ್ದು 2.5 ಕೋಟಿ ರೂ.ಗಳೊಂದಿಗೆ

ಕೊಚ್ಚಿ: ಚೆನ್ನೈ ಮೂಲದ ನಿವೃತ್ತ ಎಂಜಿನಿಯರ್‍ನನ್ನು ಮದುವೆಯಾಗಿ ನಂತರ ಚಿನ್ನ ಮತ್ತು ನಗದು ಸೇರಿದಂತೆ ಸುಮಾರು 2.5 ಕೋಟಿ ರೂ.ಗಳನ್ನು ವಂಚಿಸಿ, ಕಣ್ಮರೆಯಾಗಿ ಸತ್ತಂತೆ ನಟಿಸಲು ಯತ್ನಿಸಿದ ಗ್ವಾಲಿಯರ್ ಮೂಲದ ಮಹಿಳೆಯನ್ನು ಬಂಧಿಸಲಾಗಿದೆ.

ಅವರೊಂದಿಗೆ ಸಂಚು ರೂಪಿಸಿದ ಮಲಯಾಳಿಯನ್ನೂ ಪೋಲೀಸರು ಬಂಧಿಸಿದ್ದಾರೆ. ಇಂದು ಹೈಕೋರ್ಟ್ ವಿಭಾಗೀಯ ಪೀಠದ ಮುಂದೆ ಆಕೆಯನ್ನು ಹಾಜರುಪಡಿಸಲಾಯಿತು. ಎಂಜಿನಿಯರ್ ದೂರಿನ ಮೇರೆಗೆ ಮಹಿಳೆಯ ನಾಪತ್ತೆಯ ಬಗ್ಗೆ ತನಿಖೆಗೆ ಆದೇಶಿಸಲಾಗಿತ್ತು.

ಗ್ವಾಲಿಯರ್ ಮೂಲದ ಮಹಿಳೆ ತಮಿಳುನಾಡು ವಿದ್ಯುತ್ ಮಂಡಳಿಯ ನಿವೃತ್ತ ಎಂಜಿನಿಯರ್ ಅವರನ್ನು ವಿವಾಹವಾಗಿದ್ದರು. ಮದುವೆಯ ನಂತರ, ಮಹಿಳೆ ನಿಯಮಿತವಾಗಿ ಕೇರಳಕ್ಕೆ ಬರುತ್ತಿದ್ದರು. ಅವರು ಕುಟುಂಬ ಸ್ನೇಹಿತ ಜೋಸೆಫ್ ಸ್ಟೀವನ್ ಅವರನ್ನು ಭೇಟಿಯಾಗುವುದಾಗಿ ಹೇಳಿದ್ದರು. ಆದರೆ ಏಪ್ರಿಲ್‍ನಲ್ಲಿ ಕೇರಳಕ್ಕೆ ತಲುಪಿದ್ದ ಮಹಿಳೆ ಹಿಂತಿರುಗಲಿಲ್ಲ.

ಜೂನ್ 4 ರಂದು, ಅಡ್ವ. ಜಿ.ಎಂ. ರಾವ್ ಅವರು ಸೋಫಿಯಾ ಹೆಸರಿನಲ್ಲಿ ತಮ್ಮ ಪತಿಗೆ ವಾಟ್ಸಾಪ್ ಸಂದೇಶವನ್ನು ಕಳುಹಿಸಿದ್ದು, ಮಹಿಳೆ ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ. ಪತಿಗೆ ಅನುಮಾನ ಬಂದು ನಾಪತ್ತೆಯಾಗಿರುವ ಬಗ್ಗೆ ದೂರು ದಾಖಲಿಸಿದರು. ಪೋಲೀಸ್ ತನಿಖೆಯ ಸಮಯದಲ್ಲಿ, ಜೋಸೆಫ್ ಸ್ಟೀವನ್, ಸೋಫಿಯಾ ಮತ್ತು ಜಿ ಎಂ ರಾವ್ ಕಾಲ್ಪನಿಕ ಪಾತ್ರಗಳು ಎಂದು ಪೋಲೀಸರಿಗೆ ಸ್ಪಷ್ಟವಾಯಿತು. ತ್ರಿಶೂರ್ ಮೂಲದ ಲೆನಿನ್ ತಂಬಿ ಎಂಬ ವ್ಯಕ್ತಿ ಮಹಿಳೆಯ ಪರವಾಗಿ ಸಂದೇಶಗಳನ್ನು ಕಳುಹಿಸಿದ್ದಾನೆ ಎಂದು ಕಂಡುಬಂದಿದೆ. ಮಹಿಳೆಯ ಮೊಬೈಲ್ ಸಂಖ್ಯೆಯನ್ನು ಪತ್ತೆಹಚ್ಚಿ ಆಕೆಯ ಸ್ಥಳವನ್ನು ಪರಿಶೀಲಿಸಿದ ನಂತರ ಪೋಲೀಸರು ಆತನನ್ನು ಬಂಧಿಸಿದರು. ಆತನನ್ನು ಕೊಚ್ಚಿಯಿಂದ ಬಂಧಿಸಲಾಯಿತು.