ಪಾಕಿಸ್ತಾನದಲ್ಲಿ ಹಠಾತ್ ಪ್ರವಾಹ: ಮೃತರ ಸಂಖ್ಯೆ 307ಕ್ಕೆ ಏರಿಕೆ

ಪೇಶಾವರ: ಪಾಕಿಸ್ತಾನದ ಖೈಬರ್‌ ಪಖ್ತುಂಖ್ವಾದಲ್ಲಿ ಇತ್ತಿಚೆಗೆ ಸಂಭವಿಸಿದ ಹಠಾತ್ ಪ್ರವಾಹದಿಂದಾಗಿ ಮೃತಪಟ್ಟವರ ಸಂಖ್ಯೆ 300 ದಾಟಿದೆ ಎಂದು ಪ್ರಾಂತ್ಯ ಸರ್ಕಾರದ ಅಧಿಕಾರಿಗಳು ಶನಿವಾರ ಹೇಳಿದ್ದಾರೆ.

ತೀವ್ರವಾದ ಮಳೆಯಿಂದಾಗಿ ಪ್ರಾಂತ್ಯದ ವಿವಿಧ ಜಿಲ್ಲೆಗಳಲ್ಲಿ ಹಠಾತ್ ಪ್ರವಾಹ ಉಂಟಾಗಿದೆ.

ಮಳೆಯು ಆಗಸ್ಟ್ 21ರವರೆಗೆ ಮುಂದುವರೆಯುವ ಸಾಧ್ಯತೆಯಿದೆ ಎಂದು ಸರ್ಕಾರದ ವಿಪತ್ತು ನಿರ್ವಹಣಾ ಪ್ರಾಧಿಕಾರ ತಿಳಿಸಿದೆ.

ವಿನಾಶಕಾರಿ ಮಳೆ, ಮೇಘಸ್ಪೋಟ ಮತ್ತು ಹಠಾತ್ ‍ಪ್ರವಾಹದಿಂದಾಗಿ ಕಳೆದ 48 ಗಂಟೆಗಳಲ್ಲಿ 13 ಮಕ್ಕಳು, 15 ಮಹಿಳೆಯರು ಸೇರಿದಂತೆ 307 ಜನರು ಮೃತಪಟ್ಟಿದ್ದು, ಸುಮಾರು 23 ಜನರು ಗಾಯಗೊಂಡಿದ್ದಾರೆ ಎಂದು ಪ್ರಾಧಿಕಾರ ಹೇಳಿದೆ.