ಪುನರ್ ವಿಂಗಡಣೆ ಪೂರ್ಣ: ನಗರಸಭೆ 3241, ಕಾರ್ಪೋರೇಷನ್ 421, ಗ್ರಾಮ ಪಂಚಾಯತಿ 17337, ಜಿಲ್ಲಾ ಪಂಚಾಯತ್ 346 ವಾರ್ಡ್‍ಗಳು

ತಿರುವನಂತಪುರಂ: 14 ಜಿಲ್ಲಾ ಪಂಚಾಯತ್‍ಗಳಲ್ಲಿ ವಾರ್ಡ್ ಪುನರ್ ವಿಂಗಡಣೆಯ ಅಂತಿಮ ಅಧಿಸೂಚನೆಯನ್ನು ರಾಜ್ಯ ಡಿಲಿಮಿಟೇಶನ್ ಆಯೋಗ ಅನುಮೋದಿಸಿದೆ.

ಇದರೊಂದಿಗೆ, ರಾಜ್ಯದ ಸ್ಥಳೀಯಾಡಳಿತ ಸಂಸ್ಥೆಗಳಲ್ಲಿ ವಾರ್ಡ್ ಪುನರ್ ವಿಂಗಡಣೆ ಪ್ರಕ್ರಿಯೆ ಪೂರ್ಣಗೊಂಡಿದೆ.

ವಾರ್ಡ್ ಪುನರ್ ವಿಂಗಡಣೆ ಪ್ರಕ್ರಿಯೆಯನ್ನು ರಾಜ್ಯ ಚುನಾವಣಾ ಆಯುಕ್ತ ಎ. ಶಹಜಹಾನ್ ಅಧ್ಯಕ್ಷರಾಗಿ, ವಿವಿಧ ಸರ್ಕಾರಿ ಇಲಾಖೆ ಕಾರ್ಯದರ್ಶಿಗಳಾದ ಡಾ. ರತನ್ ಯು ಖೇಲ್ಕರ್, ಕೆ. ಬಿಜು, ಎಸ್. ಹರಿಕಿಶೋರ್, ಡಾ. ಕೆ. ವಾಸುಕಿ ಸದಸ್ಯರಾಗಿ ಮತ್ತು ಸ್ಥಳೀಯ ಸರ್ಕಾರಿ ಇಲಾಖೆ ಜಂಟಿ ನಿರ್ದೇಶಕಿ ಜೋಸ್ನಮೋಲ್.ಎಸ್ ಕಾರ್ಯದರ್ಶಿಯಾಗಿ ಆಯೋಗ ನಡೆಸಿತು. 

2011 ರ ಜನಗಣತಿಯ ಪ್ರಕಾರ ಜನಸಂಖ್ಯೆಯ ಆಧಾರದ ಮೇಲೆ ವಾರ್ಡ್‍ಗಳ ಸಂಖ್ಯೆಯನ್ನು ಮರು ವಿಂಗಡಣೆ ಮಾಡಿ ಸರ್ಕಾರ ಅಧಿಸೂಚನೆ ಹೊರಡಿಸಿತ್ತು. ಅದರಂತೆ, ರಾಜ್ಯದ ಸ್ಥಳೀಯ ಸಂಸ್ಥೆಗಳ ಒಟ್ಟು ವಾರ್ಡ್‍ಗಳ ಸಂಖ್ಯೆ 21900 ರಿಂದ 23612 ಕ್ಕೆ ಏರಿದೆ.

87 ನಗರಸಭೆಗಳಲ್ಲಿ 3113 ವಾರ್ಡ್‍ಗಳು 3241 ಕ್ಕೆ, ಆರು ಕಾರ್ಪೋರೇಷನ್ ಗಳಲ್ಲಿ 414 ವಾರ್ಡ್‍ಗಳು 421 ಕ್ಕೆ, 941 ಗ್ರಾಮ ಪಂಚಾಯಿತಿಗಳಲ್ಲಿ 15962 ವಾರ್ಡ್‍ಗಳು 17337 ಕ್ಕೆ, 152 ಬ್ಲಾಕ್ ಪಂಚಾಯತ್‍ಗಳಲ್ಲಿ 2080 ವಾರ್ಡ್‍ಗಳು 2267 ಕ್ಕೆ ಮತ್ತು 14 ಜಿಲ್ಲಾ ಪಂಚಾಯಿತಿಗಳಲ್ಲಿ 331 ವಾರ್ಡ್‍ಗಳು 346 ಕ್ಕೆ ಏರಿದೆ.

2011 ರ ಗಣತಿಯ ಜನಸಂಖ್ಯೆ ಮತ್ತು ಸ್ಥಳೀಯಾಡಳಿತ ಸಂಸ್ಥೆಗಳಲ್ಲಿನ ವಾರ್ಡ್‍ಗಳ ಸಂಖ್ಯೆಯನ್ನು ಪರಿಷ್ಕರಿಸಿದ 2024 ರ ಸರ್ಕಾರಿ ಆದೇಶದ ಆಧಾರದ ಮೇಲೆ ವಾರ್ಡ್ ಪುನವಿರ್ಂಗಡಣೆಯನ್ನು ಮಾಡಲಾಗಿದೆ. 2015 ರಲ್ಲಿ ಮರುವಿಂಗಡಣೆಯಾದ ಮತ್ತು ಅಸ್ತಿತ್ವದಲ್ಲಿರುವ ವಾರ್ಡ್‍ಗಳ ಸಂಖ್ಯೆ ಬದಲಾಗದೆ ಉಳಿದಿರುವ ಪಾಲಕ್ಕಾಡ್ ಜಿಲ್ಲೆಯ ಚೆರ್ಪುಲಸ್ಸೆರಿ ಪುರಸಭೆ ಮತ್ತು ತ್ರಿಕ್ಕೇತಿರಿ ಗ್ರಾಮ ಪಂಚಾಯತ್ ಅನ್ನು ಪ್ರಸ್ತುತ ಡಿಲಿಮಿಟೇಶನ್ ಪ್ರಕ್ರಿಯೆಯಿಂದ ಹೊರಗಿಡಲಾಗಿದೆ.

ವಾರ್ಡ್ ವಿಭಾಗದ ಭಾಗವಾಗಿ ಸ್ಥಳೀಯ ವಾರ್ಡ್‍ಗಳ ಡಿಜಿಟಲ್ ನಕ್ಷೆಯನ್ನು ಸಿದ್ಧಪಡಿಸುತ್ತಿರುವುದು ಇದೇ ಮೊದಲು. ಚುನಾವಣಾ ಉದ್ದೇಶಗಳ ಹೊರತಾಗಿ, ಡಿಜಿಟಲ್ ನಕ್ಷೆಯನ್ನು ಸರ್ಕಾರ, ಸ್ಥಳೀಯ ಸಂಸ್ಥೆಗಳು, ವಿವಿಧ ಸಂಸ್ಥೆಗಳು, ಅಭಿವೃದ್ಧಿ ಉದ್ದೇಶಗಳು ಮತ್ತು ಇತರ ಚಟುವಟಿಕೆಗಳು ಬಳಸಬಹುದು. ವಾರ್ಡ್‍ಗಳ ನಕ್ಷೆಯನ್ನು ಮಾಹಿತಿ ಕೇರಳ ಮಿಷನ್ ಸಂಪೂರ್ಣವಾಗಿ ಮುಕ್ತ ಮೂಲ ತಂತ್ರಜ್ಞಾನವನ್ನು ಆಧರಿಸಿದ ಕ್ವೆಫೀಲ್ಡ್ ಅಪ್ಲಿಕೇಶನ್ ಬಳಸಿ ಸಿದ್ಧಪಡಿಸಲಾಗಿದೆ. ಪೂರ್ಣಗೊಂಡ ನಕ್ಷೆಗಳು ಸಾರ್ವಜನಿಕ ವೀಕ್ಷಣೆ ಮತ್ತು ಮುದ್ರಣಕ್ಕಾಗಿ ಸಂಪೂರ್ಣ ಭದ್ರತೆಯೊಂದಿಗೆ ಊಖಿಒಐ ಸ್ವರೂಪದಲ್ಲಿ ವೆಬ್‍ಸೈಟ್‍ನಲ್ಲಿ ಲಭ್ಯವಿದೆ. ವಾರ್ಡ್ ಮರುವಿಂಗಡಣೆಯ ಅಂತಿಮ ಅಧಿಸೂಚನೆಯನ್ನು ರಾಜ್ಯ ಮುದ್ರಣ ಇಲಾಖೆಯ ಇ-ಗೆಜೆಟ್ ವೆಬ್‍ಸೈಟ್‍ನಲ್ಲಿ (www.compose.kerala.gov.in) ಪಡೆಯಬಹುದು.