ತೆಂಗಿನ ಎಣ್ಣೆಯನ್ನು ವಿಶೇಷ ರಿಯಾಯಿತಿ ದರದಲ್ಲಿ ಮಾರಾಟ ಮಾಡಿದ ಸಪ್ಲೈಕೋ: ಇಂದಿನಿಂದ ಓಣಂ ಮಾರುಕಟ್ಟೆಗಳು ಪ್ರಾರಂಭ

ತಿರುವನಂತಪುರಂ: ಕೇರ ತೆಂಗಿನ ಎಣ್ಣೆ ನಿನ್ನೆ (ಭಾನುವಾರ) ಸಪ್ಲೈಕೋ ಸೂಪರ್‍ಮಾರ್ಕೆಟ್‍ಗಳಲ್ಲಿ ಲೀಟರ್‍ಗೆ 445 ರೂ.ಗೆ ಮಾರಾಟಮಾಡಲಾಗಿದೆ. ಇದು ಒಂದು ದಿನದ ವಿಶೇಷ ರಿಯಾಯಿತಿಯಾಗಿತ್ತು.

ತೆಂಗಿನ ಎಣ್ಣೆಯ ಬೆಲೆಯಲ್ಲಿ ಅನಿಯಂತ್ರಿತ ಏರಿಕೆಯ ನಂತರ, ರೂ.529 ಬೆಲೆಯ ಒಂದು ಲೀಟರ್ ಕೇರ ತೆಂಗಿನ ಎಣ್ಣೆಯನ್ನು ಸಪ್ಲೈಕೋ ಮಾರಾಟ ಮಳಿಗೆಗಳ ಮೂಲಕ ರೂ.457 ಗೆ ಮಾರಾಟ ಮಾಡಲಾಗುತ್ತಿತ್ತು.   

ಈ ಮಧ್ಯೆ ನಿನ್ನೆ ಭಾನುವಾರ ಅದಕ್ಕಿಂತ ರೂ.12 ಕಡಿಮೆ ವಿಶೇಷ ಕೊಡುಗೆಯಲ್ಲಿ ಇದನ್ನು ಮಾರಾಟ ಮಾಡಲಾಯಿತು. ಸಪ್ಲೈಕೋ ತನ್ನ ಶಬರಿ ಬ್ರಾಂಡ್ ತೆಂಗಿನ ಎಣ್ಣೆಯನ್ನು ಆಗಸ್ಟ್‍ನಿಂದ ರೂ.349 ಸಬ್ಸಿಡಿ ದರದಲ್ಲಿ ಮತ್ತು ರೂ.429 ಸಬ್ಸಿಡಿ ರಹಿತ ದರದಲ್ಲಿ ಮಾರಾಟ ಮಾಡುತ್ತಿದೆ.

ಸಬ್ಸಿಡಿ ಸರಕುಗಳು ಮತ್ತು ಇತರ ಉತ್ಪನ್ನಗಳನ್ನು ಒಳನಾಡಿಗೆ ತರಲು ಸಪ್ಲೈಕೋ ಮೊಬೈಲ್ ಓಣಂ ಮಾರುಕಟ್ಟೆಗಳನ್ನು ಏರ್ಪಡಿಸಿದೆ. ಈ ಓಣಂ ಮಾರುಕಟ್ಟೆಗಳು ಆಗಸ್ಟ್ 25(ಇಮದು) ರಿಂದ ಸೆಪ್ಟೆಂಬರ್ 4 ರವರೆಗೆ ವಿವಿಧ ಕ್ಷೇತ್ರಗಳ ಮೂಲಕ ಸಂಚರಿಸಲಿವೆ.